Мислам дека групата ни е што би се рекло по мерка! Оваа генерација фудбалери ќе има прилика да покаже дали ги прележала ниските вредности од претходните квалификациски циклуси и дали го поседува потребниот квалитет за да би заслужила пласман погоре!
Не сакам да се занесувам дека сигурно ќе се пласираме, ако се неатрактивни не значи дека противниците се и неквалитетни. Напротив станува збор за доста незгодни репрезентации кои што сме ги почувствувале и на сопствена кожа! Русија и Словачка не имаат наполнето во досегашните пресметки, Ирска е сеуште неосвоив остров за нас иако овде во Скопје на двапати им имаме одкинато драгоцени бодови, додека со Ерменија и Андора се имаме грдо изгорено во минатите циклуси. Така да во оваа конкуренција и третото место ќе биде ѓаволски тешко да се освои, а за пласман во баражот или евентуално самата завршница ќе треба да се подобриме до степен на непрепознавање!
Ајде да ја поделиме групата на два дела од наша гледна точка! Првиот дел го сочинуваат репрезентациите од погорните шешири - Русија, Словачка и Ирска кои горе - долу се со изедначен квалитет. Она што најмногу ме бендисува е што на сите 6 меча против овие противници ќе имаме подеднаква шанса да изненадиме и нема однапред да се прават математики кои бодови треба да се бркаат а кои би биле научна фантастика! Во вториот дел од групата преостануваат селекциите од подолните шешири - Ерменија и Андора против кои едноставно несмее да има кикс како во минатото! И против обата противника имаме по еден квалификациски циклус за пример каде што сме ги совладале и дома и на гости, но и по еден во којшто од можните 6 сме освоиле само 1 бод. Каков ќе биде исходот во предстојните пресметки, останува да видиме!
Поздрав!!!
