Ја претепал класната, оти требало да повторува
Тежок инцидент се случи завчераутро во скопското Ветеринарно училиште „Браќа Миладиновци“ во населбата Драчево. Осумнаесетгодишен ученик ја претепал својата класна раководителка, незадоволен што ќе мора да ја повторува годината. Професорката се здобила со тешки повреди, момчето побегна, но по еднодневно бегство, вчера беше пронајдено. Од училиштето наведуваат дека станува збор за проблематичен ученик, кој и порано предизвикувал инциденти. Полицијата поднесе пријава против ученикот, а училишниот совет одлучи да не му дозволи упис во претстојната школска година.
Како што соопшти МВР, инцидентот се случил во средата, околу 10 часот, кога А.А. (18) влегол во училиштето и во кабинетот за професори ја побарал својата класна раководителка. Штом 47-годишната професорка излегла надвор за да зборува со него, 18-годишното момче и' удрил неколку тупаници во главата. Откако ја натепал професорката, момчето побегнало.
„Сите сме шокирани од инцидентот“, вели Елизабета Ангеловска, директорка на „Браќа Миладиновци“. Ангеловска објаснува дека станува збор за проблематичен ученик, кој веќе ја повторувал првата година од средното образование. Проблемот настанал кога годинава требало да ја повторува и втора година.
„Уште во јуни му беше соопштено дека поради седум-осум слаби оценки, ќе мора повторно да запише втора година. Завчера дојде во училиштето и ја нападна класната раководителка, која воопшто не му предава, обвинувајќи ја дека не сторила ништо да му помогне, односно да не ја повторува годината“, раскажува директорката.
Натепаната професорка се здобила со фрактура на носот, на заб, како и со потрес на мозок. Полицијата по еднодневна потрага, вчера го пронајде момчето и против него поднесе прекршочна пријава.
Од Ветеринарното училиште велат дека на А.А. нема да му биде дозволен упис во наредната школска година.
http://www.utrinski.com.mk/?ItemID=B265BE125A311048B8BDB7F9FDDBAFB2
Тежок инцидент се случи завчераутро во скопското Ветеринарно училиште „Браќа Миладиновци“ во населбата Драчево. Осумнаесетгодишен ученик ја претепал својата класна раководителка, незадоволен што ќе мора да ја повторува годината. Професорката се здобила со тешки повреди, момчето побегна, но по еднодневно бегство, вчера беше пронајдено. Од училиштето наведуваат дека станува збор за проблематичен ученик, кој и порано предизвикувал инциденти. Полицијата поднесе пријава против ученикот, а училишниот совет одлучи да не му дозволи упис во претстојната школска година.
Како што соопшти МВР, инцидентот се случил во средата, околу 10 часот, кога А.А. (18) влегол во училиштето и во кабинетот за професори ја побарал својата класна раководителка. Штом 47-годишната професорка излегла надвор за да зборува со него, 18-годишното момче и' удрил неколку тупаници во главата. Откако ја натепал професорката, момчето побегнало.
„Сите сме шокирани од инцидентот“, вели Елизабета Ангеловска, директорка на „Браќа Миладиновци“. Ангеловска објаснува дека станува збор за проблематичен ученик, кој веќе ја повторувал првата година од средното образование. Проблемот настанал кога годинава требало да ја повторува и втора година.
„Уште во јуни му беше соопштено дека поради седум-осум слаби оценки, ќе мора повторно да запише втора година. Завчера дојде во училиштето и ја нападна класната раководителка, која воопшто не му предава, обвинувајќи ја дека не сторила ништо да му помогне, односно да не ја повторува годината“, раскажува директорката.
Натепаната професорка се здобила со фрактура на носот, на заб, како и со потрес на мозок. Полицијата по еднодневна потрага, вчера го пронајде момчето и против него поднесе прекршочна пријава.
Од Ветеринарното училиште велат дека на А.А. нема да му биде дозволен упис во наредната школска година.
http://www.utrinski.com.mk/?ItemID=B265BE125A311048B8BDB7F9FDDBAFB2
