1.
Да се затворат сите театри, да се уништат сите вајарски работилници, да се изгорат сите сликарски четки, сите културни институции да се претворат во магацини -
народот нема леб да јаде, а тие творат, создаваат уметност. Глупости! Да живее другарот
Мао Це Тунг и ’Културната револуција’! И другарот
Енвер Хоџа!
2. Треба и снимањето
филмови и филмските фондови да се забранат. Па, народот нема леб да јаде. Сите умираат. На кого му е до гледање филмови? Еве и уште една одлична идеја.
Парковите да ги направиме
ниви. Зошто ни се паркови? Обична трева. А, таа не се јаде. Да го посадиме Градскиот парк со компири. Народот ќе има повеќе за јадење.... Па, откако ќе се најаде, можеби ќе пушти срце и ќе даде изим да им оддадеме почит на
предците кои се бореле за нашата слобода.
3.
80 милиони евра во четири години биле премногу потрошени пари и лошо проектирани бидејќи изборот бил театар, музеј, суд, архив, филхармонија, мостови, споменици....
150 милиони евра годишно за луксузни возила и сл. од буџетот, не се ништо. 500 милиони за администрација што цел ден пие кафе, пак не е ништо. Нив, никој не ги спомнува, ниту се буни... Но, нив и никој не ги гледа. А, некој ќе мора да оди на театар. Некој што упорно се труди да биде неписмен!
4.
Архибригадирите се бунат дека ќе им бил одземен просторот и слободата да пешачат по левата страна на кејот на Вардар. Онаа каде што на младите девојки до пред некое време им се советуваше да не пешачат сами навечер, бидејќи црната хроника беше исполнета со трагични случаи. Онаа каде што до пред некое време зјаеше грдата автобуска станица со едно чудо прематари... Таму каде што уличните светилки се кршеа секоја вечер....
5. На
Александар Македонски не смее да му биде изграден споменик во Скопје. Бидејќи според Грците, а тоа го потенцира и дел од нашата јавност и спин медиумите, кралот на Македонците немал никаква врска со Македонците. Додуша огромни споменици на Александар има во Солун (град кој не бил изграден додека тој бил жив), Александрија, Египет, САД, Единбург, Шкотска и на десетици други места. За Американците знам, но еве и Шкотланѓаниве имале повеќе врска со Александар штом тие смеат да му изградат споменик. Во Единбург!
6.
Албанците ни велат дека со споменици не се оди во ЕУ. Toa, oткако го направија
Скендербег во Скопје. Требало и да се запази мултиетничкиот карактер. Како што го запазија при изградбата на десетици споменици за сите жртви и херои од ОНА во западна Македонија, музеј на УЧК.... и најавија споменик на
Џемо Хаса во Гостивар. Да, да, тој истиот Џемо Балистот што се борел на страната на фашистите. Само како тоа ќе го објаснат (ако евентуално некој ги праша) на меѓународниот фактор. Споменик за фашистички херој! Европско, нели....
7.
Грците веќе се во ЕУ. Затоа тие имаат право на споменици. Најавија нов, голем споменик на Александар. И тоа ќе го градат во Ирак. Додуша тие немаат проблем со буџетот и економијата. Нели, не се во колапс...
8.
Медиумите имаат избор. Или ќе бидат против проектот за разубавување на Скопје и ќе спинуваат секој ден со пропаганди, повторувајќи ги грчките позиции, или во спротивно ако се за, ќе им биде залепена партиска налепница, па ќе бидат демонизирани....
9.
Јавното мислење покажувало дека народот бил против градење и разубавување. Чудно нешто, групите на Фејсбук и анкетите не покажуваат баш така. Интересна работа се манипулациите...
[SIZE=0.5]
Кич Американци - Schermerhorn Symphony Center изграден во 2006г. [/size]
10. Кич било да се градат градби што му припаѓале на минатото. Како што е кич,
пирамидата пред Лувр на пример. Или Сенатот на САД. Или пола згради на институции во Англија, Франција, Германија... Се е тоа кич! Не е кич само ’модерниот’ трговски центар во Скопје и неговиот ’додаток’ пред него. Како и трафиките во разни бои...
11.
(Нека стои недовршено до 2014. Да не излезе како таа на нероден Петко сите капа што му кроеле...)