Нов почеток, ист исход за новиот Брајан Клаф!
Ивајло26 беше отпуштен од страна на Саутемптон и беше “приберен“ од Манчестер Сити, но нему префрлувањето од втора во прва дивизија воопшто не му пречи, што се докажа денеска по лошото деби кое го имаше во шилдот и во кое, верувале или не, по втор пат испадна од едно куп натпреварување на пенали во иста сезона. Човекот очигледно нема среќа, но затоа лигашките натпревари му одат од рака. Денеска имаше ни малку лесна задача, се сретна со најголемиот конкурент во борбата за опстанок.
Господине Ивајло, како се чувствувате по натпреварот, дали имаше притисок на вашите плеќи откако испаднавте во шилдот пред само 2 дена?
-Па, видете вака, кога го прочитав огласот во весникот што го купив со последните 20 денари во џебот, признавам, најпрво помислив на убав и лагоден живот, но веднаш потоа ми текна каков притисок има таму, во големите градови со прволигашки екипи. Ова е масивен резултат, ова е победа во еден натпревар што вреди 6 поени, а тоа само по себе носи огромен притисок што јас и мојот десеткуван тим успеавме да го надминеме и да победиме.
Како ќе го искоментирате натпреварот на Тер Штехен?
-Обично немам навика да коментирам перформанси на поединечни играчи но тоа што го правеше нивниот голман на овој меч беше неверојатно! Дури и помислив дека ќе мора да интервенирам и да преминам на планот Б, но нашата убава игра и пред се присебноста на играчите го скршија мразот доволно рано за да не дојде до паника во редовите.
Ова сеуште не е најдоброто од Манчестер Сити сезонава, вистина или само мотивација за играчите пред следните натпревари?
-Се разбира дека не е. Нашиот состав беше десеткуван, да не речам хендикепиран. Кога немате на располагање играчи како Фернандињо, Де Вриј, а и оние кои не се повредени и суспендирани кога се толку изморени, јасно е зошто го велам тоа. Се надеваме дека за градското дерби сите ќе бидат во топ форма и кондиција.
Во еден разговор со Звонимир кој што го води вашиот градски ривал тој рече дека сакал да ве покани на вино, но откако слушнал дека имате проблеми со алкохолот ќе...
...Знам, знам што кажа мојот драг колега од спротивната страна на градот. Имам проблеми со алкохолот но ќе ги оставам на страна тој ден кога ќе ме покани на гости. Нема смисла да пиеме лимонада.
За крај, дали ќе жртвувате некои поени за да вашиот тим биде фит во дербито?
-23 поени е преголема предност за нашиот сосед, не знам дали овој натпревар може да се нарече дерби, но јас ја разбирам важноста на градските дербија, и самиот сим навивач и нема да ги разочарам фановите. Можеби да имавме 10-тина поени повеќе би жртвувал некои натпревари за да бидеме спремни за јунајтед, но вака секој поен е битен, борбата за опстанок е макотрпна и тешка и не можеме да си дозволиме такво нешто.
