Тренерот на Манчестер Јунајтед денеска одржа прес конференција во пресрет на 1/8 финалето од Кајгана Шилдот.
Господине Ѕвонко, Манчестер падна во последните месец дена. На што се должи лошата игра на вашиот тим?
- Добар ден на сите во салата.
Прво, мора ве исправам, бидејќи мојот тим не игра воопшто лошо. Да, имавме неколку киксеви во последните месец дена, но ако реално погледеме на работите, повеќе имаме проблем со реализацијата, отколку со играта. На сите три меча кои ги изигравме нерешено, против Јувентус, Дортмунд и Ливерпул, голманите на противниците беа избрани за МОТМ. Мојот тим ја заслужи победата на секој од овие три натпревари, но за жал налетавме на неверојатно расположени чувари на мрежата. Секако, јас лично овде само дуелот со Дортмунд на Олд Трафорд би го оквалификувал како кикс, поен во Торино и Ливерпул мислам дека е според планот од почетокот на сезоната.
Поразите дојдоа од Барселона и Баерн Минхен. Можеби ќе речете дека сум субјективен, но и овде игравме добро и заслуживме барем еден поен од овие 2 натпревари. Сепак, мора да бидам искрен и да признаам дека Барса и Баерн имаат неверојатни екипи и дека според мене, се главни фаворити за титулата.
Дали ова значи дека вие се откажавте од освојувањето на Кајгана лигата?
- Секако дека не. Јунајтед е тим кој никогаш не се откажува, но мора реално да гледаме на работите. Ние и Челзи имаме исто така супер екипи, но Барса и Баерн ги имаат најдобрите напаѓачи во лигата, кои можат да им донесат 3 поени на секој натпревар.
Што очекувате од вечерашниот меч? Дали ги слушнавте вестите за смената на тренерската позиција во Саутемптон?
- Вечерва мора да победиме. Прво, поради зголемување на самодовербата, и второ бидејќи Шилдот веќе навлегува во завршната фаза и финалето е се поблиску. Да, пред малку ме известија за случувањата во Саутемптон. Искрено, кога го видов ждребот, едвај чекав да дојде натпреварот, бидејќи ивајло26 е еден од малкуте луѓе од Лигава кои лично ги познавам. Точно пред недела дена се сретнавме последен пат и прокоментиравме за натпреваров. Сепак оди во поголем клуб и мислам дека за 10тина дена не очекува едно страшно градско дерби помеѓу Јунајтед и Сити. (трие раце)
Дали ќе го запознаете со животот во Манчестер кога веќе споменавте дека и лично се познавате?
- Па искрено, планирав да го поканам на домашно (Валандовско) вино кај мене во канцеларија, но бидејќи слушнав дека има проблеми со пиењето, најверојатно ќе одиме на лимонада.
