На две недели до драфтот мислам дека е одлично време да се запознаеме со потенцијалните пикови со краток опис. Ги групирав во неколку групи според тоа како отприлика се очекува да бидат драфтувани макар што тоа е сеуште релативно. Во заграда е возраста.
група 1:
Joel Embiid (20) - Комплетен центар од Камерун кој иако покасно почна да игра кошарка многу брзо се развива. Одличен атлет, висок, долг, со доста офанзивни вештини. Но не играше премногу минути на колеџ заради проблеми со фаули, а и 2 сезони со ред има одредени проблеми со повреда грбот. Ако се заклучи дека не е опасна повредата, веројатно ќе биде бр.1 пик. Споредба: Hakeem Olaijuwon, Serge Ibaka, Tim Duncan.
Andrew Wiggins (19) - Од Канада, игра на позиција 2-3. Еден од највисоко рангираните играчи во средно во последните години (одеа и до таму што велеа најдобар после Леброн), но беше само добар а не фантастичен во првата година на колеџ. Заедно со LaVine и Gordon најдобар атлет на драфтот. Страшен во транзиција, а и шутот му е се подобар и подобар. Не е доволно добар во водеењето на топката што засега многу го лимитира. Го бие глас дека е пасивен. Одличен одбранбен играч. Спроедба: Tracy McGrady, Vince Carter, Kawhi Leonard
Jabari Parker (19) - Најдобар офанзивен играч на драфтот. Може да поентира од скоро секаква ситуација (post up, влезови, catch and shoot за 3, pull up jumper...). Прашање е која позиција ќе може да ја брани со оглед дека е пребавен за 3ка, а е одвај доволно висок за 4ка. Плус и не е којзнае каков атлет. Споредба: Carmelo Anthony
Dante Exum (18) - Многу висок плеј од Австралија, кој може да брани позиции 1-3. Доста брз прв чекор и општо брзина иако не е многу експлозивен. Прашање е дали ќе игра 1 или 2 во НБА (може и двете). Споредба: Michael Carter Williams, James Harden, Derrick Rose, Manu Ginobilli
група 2:
Noah Vonleh (18) - Доста млад крилен центар, кој беше повеќе role player во неговиот тим. Одлични физички предиспозиции. Покажа и ветувачки шут за три но од малку обиди. Одличен скокач. Доста неразвиени офанзивни способности и покрај тоа што ветува. Прашање е дали има доволно кошаркарска интелигенција. Споредба: Serge Ibaka, Chris Bosh, Amir Johnson
Julius Randle (19) - Крилен центар најдобри post up вештини на драфтот. Многу силен и може во секој момент да одигра еден на еден под кошот. Одличен скокач. Не е многу висок/долг, а и не беше добар одбранбен играч во единствената сезона на колеџ. Одлично водење на топка за големината, делува како Леброн во транзиција од кош на кош. Леворак, десната рака не му е многу развиена. Споредба: Charles Barkley, Zach Randolph, David Lee
Aaron Gordon (18) - Најдобар дефназивец на драфтот. Игра на позиции 3 и 4. Топ 3 атлет на драфтот, но нема многу развиени офанзивни вештини. Одлично водење на топка за висината. Катастрофален шут од слободни фрлања (42%), заради што под голем знак прашалник е колку може да го развие шутот (иако погоди некои тројки сезонава), а и воопшто офанзивната игра. Споредба: Shawn Marion, Andrei Kirilenko (како помлади нормално)
Marcus Smart (20) - Крупен и снажен плеј кој имаше одлични 2 сезони на колеџ. Одличен дефанзивец и солиден во пенетрација кон кошот. Добар лидер. Шутот е голем знак прашалник (под 30% за 3ка). Не е до толку добар атлет за да може да доминира без шут. Споредба: Dwayne Wade, Eric Bledsoe (ама нешто полош атлет од овие двајца)
Dario Saric (20) - Веројатно овој ви е најпознат, МВП на АБА лигата, МВП на фјанл 4от на АБА лигата. Многу уникатен играч со доста карактеристики на плеј иако игра крилен центар. Шутот сеуште мора да го подобрува. Слично како и погоре Паркер и подолу Андерсон, прашање е кого ќе чува во НБА. Не е доволно силен и долг за 4ки, пребавен е за 3ки. Споредба: Toni Kukoc, Hedo Turkoglu, Dejan Bodiroga, Boris Diaw.
група 3:
Gary Harris (19) - Доста добар играч во колеџ уште на млади години, но има висина за плеј а игра на позиција бек шутер. Иако беше добар одбранбен играч, прашање е дали ќе му пречи висината. Споредба: Randy Foye, Avery Bradley
Nik Stauskas (20) - Еден од двата елитни шутери на драфтот (заедно со McDermott). Може и да води топка и да додава. Споредба: JJ Reddick
Doug McDermott (22) - Еден од најдобрите играчи во историјата на NCAA (топ 5 поентер). Одличен шутер и солидна кошарска интелигенција. Голем прашалник околу тоа која позиција ќе може да ја брани со оглед дека играше високо крило во колеџ, но има висина за ниско крило, а и е релативно слаб атлет кој скоро никогаш не регистрираше блокади или украдени топки. Споредба: Kyle Korver, Dirk Nowtizki, Wally Szczerbiak
Jusuf Nurkic (19) - Крупен центар кој во сооднос на минутите кои ги играше беше најпродуктивен во цела АБА лига. Ама премногу фаулира и мислам дека има кондициони проблеми. Споредба: Nikola Pekovic, DeMarcus Cousins
Tyler Ennis (19) - Солиден комплетен млад плеј, кој скоро сигурно ќе биде пристоен играч, но прашање е колку му е лимитот со оглед дека не е којзнае каков атлет, а не е ни многу висок. Споредба: Trey Burke, Kendall Marshall
Zach LaVine (19) - Еден од најдобрите атлети во драфтот, а воедно и добар шутер. Многу недокажан (Беше резерва во единствената сезона на колеџ) и реално треба уште многу да учи но има простор за напредок. Неизбрусен потенцијал. Споредба: Russel Westbrook, Gerald Green, Jamal Crawford
Elfrid Payton (20) - Брз и голем плеј кој играше за послаб колеџ и не е многу познат. Слаб шутер. Споредба: Rajon Rondo, Devin Harris
James Young (18) - Млад играч на позиција 2-3 со солиден шутерски потенцијал. Веројатно ќе му треба време, лош беше во одбрана на колеџ ама има потенцијал. Споредба: Aaron Afflalo
Adreian Payne (23) - Класичен stretch 4. Може по потреба да брани и центри. Релативно стар и прашање е колку може да напредува. Споредба: Amir Johnson
Kyle Anderson (20) - Еден од најуникатните играчи во драфтот. Сличен на Dario Saric само побавен и прашање е дали може да брани било која позиција. Играше како плејмејкер на колеџ а има висина за крилен центар. Споредба: Boris Diaw
Kristaps Porzingis (18) - Висок долг латвиец со одлични атлетски предиспозиции. Има и пристоен шут за три. Интересен играч, кој има огромен недостаток на снага моментално и сигурно ќе му требаат уште 1-2 години во Европа и голема работа во теретана. Споредба: Стварно не знам, многу уникатен играч, слаб висок блокер со шутерски потенцијал.
Ова се 20тина кои отприлика се очекува да бидат во првата рунда во првите 20тина пика. Мислам дека се доволно тука се поинтересните. Има и некои други како Hood, Grant, McDaniels, Adams, Napier итн кои исто веројатно ќе одат во првата рунда. Споредбите не ги земајте здраво за готово, тие се повеќе за отприлика да се опише стилот на игра.
Инаку добри страни за следење на драфтот се:
http://www.draftexpress.com/
http://nbadraft.net/
http://espn.go.com/nba/draft
Кои ви се омилени кандидати, кои сакате да ги видите драфтувани од вашиот тим, кој мислите дека е преценет, а кој потценет?
Богами секој би ја заследил. Верувам во новиот почеток на Бакс и се надевам следната сезона ќе ни биде успешна 
) морааа да кажам дека лоша ждрепка испадна за орландо што не влегоа помегу првите 2 па да бират некој од Паркер/ Вигинс за да би компретирале една многу добра петорка со многу простор за напредок... Оладипо, Афало, некој од двајцаа претходни , Харис, Вучевич ...... вака јбг вака ке видиме како ке не изненадат .... јас типувам на данте или ноа ( чисто оти доага од индиана како и оладипо) ..... али сепак мислам дека ке биде доста интересно лето ....
