Samo edno prashanje okolu merenjeto na efikasnosta: ako klima so 300% efikasnost zagree soba do 25c i kjumbe so efikasnost 30% zagree na ista temperatura - dali vremeto na opagjanjeto na temperaturata (do nefkoja referentna vrednost) posle gasnenjeto vleguva vo presmetkata?
Pr:
1. Gasish klima i posle 20 minuti sobata ti e kamen
2. Se gasi ognot vo kjumbeto i posle 2 chasa sobata ti e kamen
Ги мешаш поимите.
Ефикасноста се однесува на тоа колкав процент од... да го наречеме почетниот енергенс, го добиваш како топлинска енергија. Поконкретно, во стандардна печка за дрва, температурата на согорување е премала за целосно согорување и тоа е фактор за лошата ефикасност. Потоа принципот на функционирање на оџаците (во комбинација со немањето на термална акумулација на таа печка или на објектот/собата) доведува до излегување на голем дел од топлинската енергија надвор низ оџакот.
„Трајно жаречките„ печки се најнефикасни од сите: се намалува дотокот на кислород за да се успори согорувањето -но со тоа пропорционално се намалува и ефикасноста на согорувањето. За илустрација, „намаленото„ согорување во таквите трајно-жаречи печки, има ефикасност од некои ~10% и подолу.
Во контраст на стандардните печки за дрва, кај климите кои се всушност топлотни пумпи воздух-воздух, во одредени ситуации ефикасноста е и над 400%. Поточно за 1kw струја добиваш 4kw+ топлинска енергија.
Тоа е за ефикасноста, а ти прашуваш и за задржување на топлината во објектот -што се две различни работи. Тука факторот е ИЗОЛАЦИЈАТА НА ОБЈЕКТОТ, колку подобра е изолацијата толку поспоро објектот ја губи топлината (или за толку помалку енергија се троши за да се одржи температурата).
Примерот со печката која „подолго„ држи топлина по гаснењето, објаснувањето е во тоа што материјалот (да кажеме 100-200 кила метал) во таа печка има одреден (мал) термо-акумулациски капацитет. Тоа е инерција, не ефикасност, на печката по палењето и требало некое време за да се затопли, и по гаснењето и треба некое време да се излади (со што греее уште некое време).
Попатен совет е, да не исклучува целосно греењето, нема голема заштеда пошто потоа треба повеќе енергија за пак да се загрее просторијата. Но може донекаде да се намали температурата, на некои 19-18с на пример.
Ова (негасењето) посебно се однесува на климите.
