Лајкамобајл под истраги за перење пари во Париз
„Лајкамобајл“ и официјално е третиот виртуелен мобилен оператор кој веќе почнува со работа. Ако се погледнат најавите на надлежните, станува збор за позната меѓународна компанија која оперира во 19 земји, меѓу кои и Франција, Германија, Данска, Белгија, Австралија и многу други. Прометот во 2014 година им изнесувал 1,5 милијарди евра. Општо земено, биографијата на компанијата основана во 2006 нема многу замерки – станува збор за брзорастечки оператор кој работи во добивка, во чекор е со времето и продава ефтини домашни и меѓународни разговори, како и ефтин интернет.
Но „Лајкамобајл“, сепак, не е само успешна бизнис приказна. Француските власти завчера приведоа 19 вработени во компанијата поврзани со мултимилионско затајување на данок и перење пари. Истрагата доаѓа по
големото истражување на „Базфид“ во коешто новинарите филмуваа добро организирана мрежа на перење пари. Вработени во „Лајкамобајл“ во Лондон секое утро три пати на ден се возеле во комбе и оставале огромни количини на кеш во торби низ различни пошти во градот, а потоа други вработени го собирале и ги уплаќале на различни сметки на комплексна мрежа од многу офшор компании во помали суми со цел да не предизвикуваат сомнежи. „Базфид“ тврди дека неделно на овој начин се разнесувале до 1 милион фунти, а тоа било возможно поради фактот дека компанијата продава ефтини припејд продукти кои најчесто се плаќаат во кеш. Англиските медиуми, исто така, пишувааaт дека „Лајкамобајл“ е под истрага и во Шри Ланка поради соработка со тамошниот режим. На семејството на диктаротот наводно му помагале во кражба на државен имот пренесувајќи средства преку нивните компании.
Еден од приведените во Франција е генералниот менеџар Алаин Јочимек. Против него и против уште девет други во петокот беше подигнато и обвиниение. И во Париз, како и во Лондон, фунционирала добро организирана мрежа која разнесувала кеш низ поштенски сандачиња.
Компанијата во Македонија е основана од британската компанија ЛМ Холко Лимитед, една од фирмите во сопственост на холдингот „Лајкамобајл“. Директор и еден од сопствениците е Алираја Субаскаран, основачот на „Лајкамобајл“.
Со спојувањето на „ВИП“ и „ОНЕ“ во еден мобилен оператор, од страна на Комисијата за заштита на конкуренцијата компанијата доби услов да склучи договор со трет виртуелен мобилен оператор којшто ќе продава припејд картички и мобилен интернет. „ВИП“ (како што сега се нарекува компанијата по спојувањето) објави дека склучила договор со меѓународната компанија „Лајкамобајл“, а согласно договорот тие официјално стартуваа со работа на први јуни годинава. Агенцијата за електронски комуникации веќе им го додели и префиксот 079.
„Веќе се нотифицирале во АЕК, и имаат 175.000 дозволи за нови броеви. Ќе понудат цени за 35% пониски од моменталните на пазарот, а нивниот префикс ќе биде 079, рече директорот на Агенцијата за елеконтронски комуникации Сашо Димитријоски во интервју за радио на пред десет дена.
Директорот, исто така, најави дека наскоро Македонија ќе објави повик за трет мобилен оператор бидејќи со спојувањето на „ВИП“ и „ОНЕ“ и „Т-Мобајл“ и „Телеком“, драстично пораснале цените на услугите. Неговиот претходник, Роберт Ордановски, тврдеше дека со спојувањето на овие компании нема да пораснат цените. Дозвола за спојување даде и Комисијата за заштита од конкуренција, која исто така дојде до заклучок дека овие спојувања нема да влијаат на конуренцијата и на цените. НОВАТВ повеќе од една недела чека одговори од Комисијата дали тие се чувствуваат одговорни што направиле погрешна проценка и дозволиле македонските граѓани да плаќаат повисоки цени за услугите, односно највисоки во регионот.
Белким во 19 држави работи, дај нека профункционира и кај нас, кога веќе не може да доведе до намалување на цените, барем да го имаме, макар и за украс, бидејќи сме срам ова де, лидери во светот со само два мобилни оператори.
pa da vidime uste10 denovi ke pocekame,pake prokomentirame_iako Aek najavi 35%poevtini razgovori ke sme imale ne znam kako presmetaja koga toa sto e objaveno na stranata e poskapo i od one.vip i od telekom
pa da vidime uste10 denovi ke pocekame,pake prokomentirame_iako Aek najavi 35%poevtini razgovori ke sme imale ne znam kako presmetaja koga toa sto e objaveno na stranata e poskapo i od one.vip i od telekom