„Утеха за голите“ - Давор Стојановски
Секој збор е поезија во новиот роман на Давор. Сѐ повеќе се надминува себеси со секое ново дело. Овојпат централниот лик е еден од најдобрите шахисти во светот, а шахот, фигурите и таблата се метафора на животот, присутноста и отсутноста со кои сите ние се соочуваме. Претенциозноста се изгуби сосема и овој роман е целосно ослободен од амбицијата што младите автори обично ја имаат, да покажат колку знаат и да вметнат сѐ и сешто и кајшто треба и кајшто не треба. Давор целосно се ослободува од тоа во најновиот роман и ја тера приказната едноставно и лесно, а притоа применува техники кои компетентниот читател веднаш ќе ги забележи и ќе знае да ги вреднува. Силна препорака пред сѐ затоа што има што да ви каже, а и на крајот затоа што современата македонска литература има свои бисери кои знаат да се носат со новите текови.
@џимеј,
@Zlatikevichius и
@Saladin ѕирнете го ова задолжително.
Обожава трилер, мистерија, па се надевам дека топло ќе ја изненадам.
