25. Odessey And Oracle - The Zombies (1968)
Неверојатно е колку ова личи на Битлси! Кои црни Byrds или кои да беа што ги споредувавме со нив, ова е идентична музика! Дури и во истото студио бил сниман албумот, The Abbey Road. Па може до студиото е. Е арно ама, додека Битлси подоцна имале неверојатен успех со ваква музика, The Zombies се мачеле. Стварно се мачеле, до толку што, по огромниот неуспех кој го доживеал и албумов, и 2-3-те сингла кои ги издале од него, останале толку многу без пари што не можеле да организираат концертна турнеја и...
...морале да го растурат бендот. И така и биднало - по овој албум The Zombies престанале да постојат. А зошто тогаш е тука: зашто по нивното распаѓање, албумот доживеал култ следбеници. А има и една неверојатна приказна која ја прочитав во еден од коментарите на генераторот за нив.
Неколку месеци по распаѓањето на бендот, една од песните на албумот: Time of the Season доживеала неочекуван, изненадувачки успех во САД. Песната била толку популарна, што нивниот продуцент во САД сакал да организира серија концерти со The Zombies низ државата. Е арно ама The Zombies не постоеле веќе, па затоа продукцијата одлучила да направи фејк Zombies. И стварно направиле! И новиот Zombies бенд се претставувал дека се истите дечки од Велика Британија и имале успешна турнеја низ Тексас. Во тоа време народот немало како да провери дека бендот не е вистинскиот. Ама ова тука не застанало - продуцентот алчен за пари видел дека идејата со фејк бендот ептен донела успех, па направил уште еден фејк бенд
- и додека првиот имал концерти низ Тексас, вториот имал низ Мичиген. Па така во иста вечер, двајца луѓе, еден од Тексас друг од Мичиген биле на концерт на истиот бенд.
А бендот не е ни тој. За приказната да биде уште по-крезава, нашле некој музичар со исто презиме ко тапанарот на оригиналниот бенд, ама овој бил гитарист или басист, не знам, па на публиката и ја продавале приказната дека човекот сменил инструмент.
Месеци подоцна членовите на вистинскиот бенд некако дознале за ова, во Велика Британија, и нормално биле многу изнервирани, ама ко што прочитав - не направиле ништо.
За албумот - ми се допаднаа вокалните хармонии, самиот вокал исто така, ми се допадна што беше краток па така брзо протече, ама освен погореспомнатата Time of the Season (која многу ме потсетува на некоја друга песна, ама не може да ми текне која), другите беа бледи и лесно заборавливи. Освен по лудата приказна што ви ја прераскажав, се кладам дека за месец дена нема ни да ми текне дека сум го слушал ова.
3/5
Просечно, ама накај добро. Инаку, на Spotify имало и екстра песни во албумов, некоја extended верзија е, па затоа преку саат време трае, ама среќа во Stand! дел од текстот е за некакви миџети и џинови, па ко почна другата верзија на песната, одма ја познав дека веќе ја слушав, па така едно 4-5 песни пократок испадна од што првично планирав. 
Никогаш не поминува и не може да помине ни со триста музики на овој свет. Душата е како од порцелан, штом еднаш ќе пукне, колку и да се обидуваш да ја лепиш, можеби ќе изгледа исто, но никогаш нема да биде сосема иста. Но - the show must go on! Се додека не бидеме повторно сите заедно на некое поубаво место, без болка.
