Нашиот фонолошки правопис предвидува пишување кое му одговара на изговорот. Само по исклучок има пишување кое отстапува од изговорот. Затоа е правописно Велигден, свадба (во основата е сват), ногдаун, јуриздикција итн. Фејсбук, како име од туѓо потекло, отстапува според Правописот, како и Вашингтон и сл. Ако го сфаќаме како општа именка, ќе го пишуваме фејзбук (како што го изговараме). Во фудбал тоа сме го направиле, неоптоварени од состојбата во други јазици (затоа не пишуваме футбал, Великден).
Бугарите имаат морфолошки правопис, Англичаните етимолошки, Македонците фонолошки. Правописот им се базира на различни принципи. Затоа нема смисла да се разгледуваат како да имаат ист тип правопис.
Убаво ти одговорија погоре, Велигден доаѓа од старословенското велики + ден = Велигден. К се едначи по звучност со согласката што доаѓа по неа и омекнува во Г. Затоа не е како бугарското. Еве ти друг пример: foot + ball = фут + бал = фуДбал. Т се едначи по звучност со Б, омекнува и станува Д, затоа е фудбал, а не футбал. Појасно?
