FILMOVISION CHALLENGE - Запознај ја филмска Европа

[Shutmanga]

Calendar

Не успеав да го спуштам, го најдов на јутуб со прилично лоша снимка, но стегнав заби и го изгледав.
Не знам што да мислам за филмов, мене ми остави впечаток на обид за филм. Исто ме изнервира фактот дека ова е се што имаше да понуди Арменија. Цркви и историја, во филм каде што и тоа не беше главната поента, а општо сум приметил дека многу се напињаат со тие работи. Не знам што е со народите кои живеат во таа област, но минатиот Септември имав прилика да поминам недела дена со грузијци, апсолутно беа исти карактери со возачов во филмов. опседнати со историја и прегорди на убавините на својата земја.


Инаку се работи за сликар и жена му, најверојатно со Арменско потекло. Сликаров чисто професионално оди во Арменија да слика цркви за календар, а женава му е преведувач. Не го допира многу историјата за црквите, наспроти неговата жена и возачот кој ги носи на локациите. Женава и возачов се поврзуваат, овој љубомори и сето тоа се одвива преку камерата со која снима. А да, во една сцена од филмов наводно се појавува некоја македонка, со турско-ресенски дијалект. Во глобала тоа е тоа. Од рецензиите што ги читав за филмов се кажува дека наводно има многу добри кадри од пејсажите и црквите. Би требало да е вистина, бидејќи местата на кои се сниман се ставрно многу убави, но преку јутуб снимката јас не можев да го приметам тоа.

3/10

 

[Jon The Snow]

Во 90-тите, Лена се враќа во домот на нејзините баба и дедо во едно мало, уништено од војна село во Ерменија. Лена ги моли да го следат нејзиното водство и да се повлечат во безбедноста на Москва. Тие се двоумат дали да заминат и додека Лена останува да им помогне во процесот на обнова, таа се наоѓа повторно вовлечена во блискоста на околината што некогаш избрала да ја остави зад себе.

Оценка 7/10

 

[Zlatikevichius]

Само четворица бевме во Ерменија и гледавме само 4 ужасни филмови кои добија средна оценка 3,75, со што Ерменија е убедливо на дното на листата.

@devilko , @Shawn Spencer , @Dumbledore , @The Cooler King , @Mark Renton , @grande-juve , @moongoses , @Violetova , @Keyser , @Corvus , @Imperatorot , @zmija1 , @Варвара и @Agda Beata - ќе не стигнете?

Одиме кон 19 држава:



СЛОВАЧКА 17-23.09.2022

Slovakia | World Charts
Best Slovakian Films
TSPDT Starting List-Slovakia
Every Best Foreign Language Film Submission (CZECHOSLOVAKIA/CZECH REPUBLIC/SLOVAKIA)
Slovakian Films
slovenskô

Užívaj si!

 

[moongoses]

...гледавме 4 ужасни филмови...

ќе не стигнете?

Продолжете така, добро ви оди

 

[McLovin]

Ај да се надоврзам и јас.

15. Австрија

Funny Games - Досаден, бавен без ништо по спектакуларно. Добро почна ама без никаква прогресија.
2,5/5

16. Италија

Malena - Океј филм, но ништо специјално како што се експонира. Можеби тоа е само заради Моничето, убава е, немам лоши коментари.
3,5/5

Suspiria - Ау каков глуп филм. А си реков дека од Европа ништо постаро од 80-90те нема да гледам.
Девојка оди во школо за танци во кое и се случуваат чудни работи. Тотално разочаран. Единствено добро е можда музиката и убавата главна актерка.
2/5

Gomorrah - Си личи дека ова е за серија, превише натрупани работи во два ипол саата филм. Ништо посебно не ми беше, сите приказни почнаа од никаде и завршија никаде. Освен една.
3,5/5

Од Италија имам неколку омилени филмови, затоа уште сум на мислење дека ова е една од најдобрите филмси држави.

17. Данска

Pusher - Добар филм, одлична камера и глума. Задржува внимание и е добро двочасово возење. Замерка ми е што Мадс не беше присутен во цел филм. Прејака појава е. Во иднина планирам да ги гледам и другите делови. Ви препорачувам и вам, триологија е.
4/5

Dogville - Интересен филм ама мноогу долг и спор. Нешто не видено, филм во вид на театарска пиеса. Добар крај, реално. Не е оригинал дански ама сакав да го гледам.
4/5

Сакав да изгледам повише ама немам време.
Исто и од Данска имам неколку баш омилени филмови така да, класично за Скандинавија, топ.

17. Ерменија

Ерменија, за жал, ќе морам да ја прескокнам.

 

[McLovin]

Добро има ли некој линк за филм од Словачка? Не можам да разберам некои држави како може да бидат толку затуцани и да немаат барем еден филм да се најде по торенти..

 

[Zlatikevichius]

Добро има ли некој линк за филм од Словачка? Не можам да разберам некои држави како може да бидат толку затуцани и да немаат барем еден филм да се најде по торенти..

Потсети ме утре, ќе ти пуштам.

 

[Џонтра Волта]

The Auschwitz Report (2021)

Ова е вистинска приказна за двајца словаци, избеглици од Аушвиц во пролетта 44та.
По две години служење (не знам како и зошто издржале 2 години) односно логорување во Аушвиц, Рудолф Врба и Алфред Вецлер (во филмов имаат други имиња) со помош од останатите затвореници успеваат да избегаат од концентрациониот логор и да се упатат према словачката граница, каде после преминувањето на сигурно, ќе го напишат Врба-Вецлер извештајот за нивниот престој во Аушвиц и за се тоа што се случувало таму. Тоа ќе помогне Унгарија да престане да праќа затвореници и со што се спасени, според некоја проценка, околу 200.000 животи.

Приказната е тоа, океј е, поштувам вистински приказни, поготово вакви херојски.
Што се однесува на филмот, некако празно ми беше, нафрлани повторувачки сцени, тепаат германците, овие не признаваат, избеглициве 4 дена се криеа закопани под земја, на крај само ги прикажаа како ги поминуваат бодликавите жици, па бегање низ шума. Ништо посебно.
Немаше емоции, немаше нешто страшно, саат ипол трае филмов и немаше време да се посвети на детали и градење на приказната.
Чисто само ко приказ на се ова низ што поминале и што направиле овие двајца.

Океј е али ништо посебно.

5/10.

 

[Џонтра Волта]

The Garden (1995)
Záhrada

Комедија е малце заебан жанр кога станува збор за земји, култури, народи кои не ти се многу познати. Ама и покрај тоа кога бирам филмови ако нема добар крими-трилер-мистерија обично одбирам комедии, евентуално некоја драма ама само ако ми се свиѓа приказната.
Небитно.

Ова е комедија. Станува збор за Јакуб, еден обичен човек којшто живее со татко му, на стариот еден ден ќе му скурчи Јакубовото неправење ништо и ќе му рече да оди на село да ја продаде старата куќа на дедо му и да си купи стан.
Овој иде таму и некако му станува интересно таквиот живот на село. Тука се појавуваат некои рандом ликови, кој од кој почуден.
Па му доаѓа швалерката, па татко му па бла бла бла, некои глупи ствари се дешаваат што ништо не разбрав нит што значат ниту пак што сакаат да кажат со тоа. Комедија и смешни ствари секако немаше, односно може имало за некој што е повеќе запознат со нивниот хумор.
А филмов важи за еден од најпопуларните словачки филмови.

Глуп филм според мене.
Кецови не давам тука, па нека спие една 2ка.

 

[Zlatikevichius]

Во Словачка само @Filip Telford беше. 2 филма со средна оценка 3,5. Јас почнав еден, ама не успеав да стигнам до крајот.

@devilko , @Shawn Spencer , @Dumbledore , @The Cooler King , @Shutmanga , @Mark Renton , @grande-juve , @moongoses , @Violetova , @Keyser , @Corvus , @Imperatorot , @zmija1 , @Варвара , @Jon The Snow и @Agda Beata - се надевам ќе се видиме на нова дестинација.

А после подолго време, се враќаме на Балканот. На почетокот ги поминавме повеќе од пола од државите, но останаа неколку, а меѓу нив прва е:



АЛБАНИЈА 24-30.09.2022

Некои листи:
Albanian Cinema / Kinemaja Shqiptare
Albanian submissions for the Academy Award for Best International Feature Film
Albania Ranked
Films from “Albania”

Од тука тешко дека ќе најдеме торенти, па затоа еве еден сајт на кој има преку 200 филмови кои можат да се гледаат: http://www.aqshf.gov.al/arkiva-1-1.html

Kënaquni!

 

[Shawn Spencer]

Се шлепав ja до Братислава, ја прошетав и тоа со одличен филм.

Баш пред некој ден кога се мислев што имам гледано од Словачка, ми текна на сцената од Еуротрип кога со шлепање отидоа до Братислава кај Раде Шербеџија, па у некој кафич се налокаа апсинт и почнаа да гледаат мушички.
Отпосле ми текна дека го гледав ланскиот словачки кандидат за Оскар, 107 Мајки кој ептен ме бендиса, па ако го најдете по торент да го гледате.


Словачка
#34. Učiteľka (2016)

Очекував некоја досадна школска драма, ама филмов беше пријатно изненадување за мене.
Словачка во комунистичко време кога руското влијание е сè уште силно, а комунистичките партии се тие кои одлучуваат за многу нешта.
Во едно основно училиште доаѓа нова учителка која на првиот час ги строи децата да се претстават и да кажат што работат нивните родители. Од тука филмов добива интересен тек и да беше барем поинаков крајот филмов ќе добиеше 10.

Сум имал среќа да немам вакви наставници/професори, ама имаше една од тој стар ков што кога ми предаваше мене беше ок, ама од постари братучеди сум слушал дека правела слични работи ко учителкава во филмов. А сигурно ги имало уште и низ сите екс комунистички земји.

Оцена: 4/5.

Од Албанија ми се допаднал досега My Lake (2020).

 

[Zlatikevichius]

Сум имал среќа да немам вакви наставници/професори, ама имаше една од тој стар ков што кога ми предаваше мене беше ок, ама од постари братучеди сум слушал дека правела слични работи ко учителкава во филмов. А сигурно ги имало уште и низ сите екс комунистички земји.

Јас ја имав таа несреќа да го преживеам истово (или слично)! Да, имаше еден куп професори, особено во средно кои при запознавање прашуваа кај работи мајка ти, кај работи татко ти. Дел од нив сигурно прашувале од истите причини како оваа, за да извлечат некаква корист, ама повеќето прашуваа дека учев во мало место, па речиси секој секого го познаваше и на тој начин ќе дознаат чие дете сум. Ама во 3 година средно ми ја сменија професорката по англиски. Беше млада, штотуку дипломирана, мислеше дека е згодна, а всушност беше максимално злобна. Се е**ше со директорот на фирмата во која работеше татко ми, му беше швалерка, и тоа беше јавна тајна. А директорот имаше ќерка - моја врсничка. И се беше ОК додека се течеше нормално, јас бев секако еден од најдобрите по англиски во класот, па немаше буквално никаков проблем. Но фирмата на татко ми почна да пропаѓа, а татко ми беше еден од тие кои организираа генерален штрајк, по што секој час почна да ме станува и испрашува, на англиски и тоа прашања поврзани со работата на татко ми. И почна да ми пишува четворки, се со цел да ме омаловажи. Ама помина и тоа - викаат: кога нема да те убие нешто, те прави посилен.

That being said...

43. The Teacher / Učiteľka (2016)


И јас го гледав истиот филм. ОК беше, задржува внимание, ама не беше нешто WOOOOOW. Искрено, сосема обратна слика замислував пред да го гледам: дека учителката преку децата ќе шири пропаганда кај родителите и дека ќе бидам на нејзина страна, ама ова чудовиште што го гледав... Страшно! 7/10

Автоматски споено мислење: 23 септември 2022

Од Албанија ми се допаднал досега My Lake (2020)

Да не знаеш некој албански тракер? Од каде би можеле да симнеме албански филмови?

 

[Shawn Spencer]

Јас ја имав таа несреќа да го преживеам истово (или слично)! Да, имаше еден куп професори, особено во средно кои при запознавање прашуваа кај работи мајка ти, кај работи татко ти. Дел од нив сигурно прашувале од истите причини како оваа, за да извлечат некаква корист, ама повеќето прашуваа дека учев во мало место, па речиси секој секого го познаваше и на тој начин ќе дознаат чие дете сум. Ама во 3 година средно ми ја сменија професорката по англиски. Беше млада, штотуку дипломирана, мислеше дека е згодна, а всушност беше максимално злобна. Се е**ше со директорот на фирмата во која работеше татко ми, му беше швалерка, и тоа беше јавна тајна. А директорот имаше ќерка - моја врсничка. И се беше ОК додека се течеше нормално, јас бев секако еден од најдобрите по англиски во класот, па немаше буквално никаков проблем. Но фирмата на татко ми почна да пропаѓа, а татко ми беше еден од тие кои организираа генерален штрајк, по што секој час почна да ме станува и испрашува, на англиски и тоа прашања поврзани со работата на татко ми. И почна да ми пишува четворки, се со цел да ме омаловажи. Ама помина и тоа - викаат: кога нема да те убие нешто, те прави посилен.

That being said...

43. The Teacher / Učiteľka (2016)
Прегледај го приврзокот 346069

И јас го гледав истиот филм. ОК беше, задржува внимание, ама не беше нешто WOOOOOW. Искрено, сосема обратна слика замислував пред да го гледам: дека учителката преку децата ќе шири пропаганда кај родителите и дека ќе бидам на нејзина страна, ама ова чудовиште што го гледав... Страшно! 7/10

Професоркава што ја спомнав, сега веќе почината, беше цел живот немажена и кажуваа како машките што имале единици ги викала кај неа да цепат дрва за да добијат двојки, а девојчињата мислам дека и’ лупеле пиперки за ајвар.

Кога дојде ред мене да ми предава го немаше тоа. Ама секогаш ќе има такви професори и не се само професорите криви, туку и родителите.
За братучед што не учеше ништо знам дека неговите носеа канти сирење, прасиња, јагниња на професорите за да добие шугава двојка и заврши средно. А тие со родители на високи позиции секогаш си добиваат поинаков третман од другите. Било и ќе биде така.

 

[Џонтра Волта]

Да не знаеш некој албански тракер? Од каде би можеле да симнеме албански филмови?

https://www.youtube.com/c/AlbanianFilmCulture/videos

На овој канал има прилично добар избор на филмови, со англиски превод.
Општо па и албанциве не дека имаат некоја сериозна понуда на филмови, така да мислам дека нешто од овде ќе биде таман за предизвиков оваа недела.

 

[Shawn Spencer]

Шонче може ништо не сработи викендов, али затоа надокнади филмски прошетки.

Данска
#35. Anklaget / Accused (2005)

Барав филмови со оцена поголема од 7 и овој беше еден од предлозите. Насловот Обвинет делуваше ко некој јак трилер, а испадна постариот брат на Jagten.

Хенрик е инструктор по пливање, оженет човек, татко на 13-14 годишна ќерка која веќе неколку години има проблеми и често лаже. Еден ден Хенрик добива повик дека е обвинет од ќерка му за силување, што понатаму останува на вам да откриете, ако ве интересира.
Одлична глума од главниов лик што го играше Хенрик, солидно сценарио, држеше внимание до крајот, али мислам дека за брзо ќе го заборавам филмов и му дадов само 3/5.

Исланд
#36. Leynilögga / Cop Secret (2021)

Филмов го видов пред некој месец на торент и делуваше интересно по постерот, али пошто слабо стојам со слободен простор на компјутер, не можев да го симнам. Среќа вчера го најдов онлајн и го изгледав.

Ова е исландски блокбастер правен по модел на американските. Супер полицаец што постојано ги крши правилата има најдобар скор на решени случаи и фатени криминалци во Рејкјавик, ама се дешаваат серија кражби на кои мора да соработува со уште еден одличен полицаец од соседната населба/село со кој не се мирисаат многу.

За разлика од американциве што веќе се досадни со вакви филмови, филмов имаше смешни реплики од време на време, изненадувачи добро сработен за земја што не снима блокбастери и не ми беше досаден воопшто.
Малце знаеше да тупи со ЛГБТИ ствари, али поголем дел беше у смисла на хумор и приказна, па ќе го занемарам тоа. Ако барате лесна забава, ова е филмот.
Оцена 3/5.

Интересен факт што го прочитав на летербоксд е дека режисер на филмов е голманот што му фатил пенал на Меси на Светско првенство.

Ерменија
#37. The Color or Pomegranates (1969)

За ова не треба ни да се трошат зборови. Не е филм, зашто нема приказна, а филм без приказна - ебате филмот.
Читав некои коментари од типот: ‘престанав да се обидувам да сфатам што се случува по 3 минути’ и бам оцена 4.5/5.

Друг лик држеше предавање дека ‘филмов’ требало да си го сфатиме како што ние сакаме и мислиме дека треба.
Многу филозофски.

Срање и ужас се мали зборови за оваа глупост што е веројатно најлошиот филм што некогаш сум го гледал.
Оцена: 0.5/5.

@Zlatikevichius дури сега видов дека си ме прашал за тракер. Барав и ја пред некоја година, ама не постои такво нешто и единствено Youtube му е мајката за Албанија. Ако на некој му фаќа око филмот што го спомнав, го има на HBOMax.

И со ова мислам ги избришав минусите и сум спремен да фатам пат за Саранда. Ако сум испуштил некоја земја кажувај.