Да ги сумирам впечатоците од турнејава низ Сад. Несомнено имавме одлична турнеја, со јаки мечеви против квалитетни противници. Сите добија шанса и Роџерс сега веќе има појасна слика околу тоа на кој треба да смета а на кој не(Џонсон).
Голмани: Кај голманите Мињоле е неприкосновен нормално, а веројатно Џонс ќе се биде број 2, пошто имаше одлична пред сезона. Реина ќе биде продаден пошто не доби ни минута шанса на подготовкиве.
Одбрана: Се знае каде најмногу ни чкрипи, на бочните позиции. Џонсон си трчкара, не се труди ама воопшто и тука Роџерс треба сериозно да разгледа или да го шитне Џонсон, па да останиме со Манкиљо и Флано (што е доста ризично), или пак да ги остави тројцата да се борат за прв тим. На лев бек енигма ми е Хозе искрено, цела година фудбал не играше ништо не е гаранција дека пак ќе биде стариот, па затоа мора да се купи Морено. Кај стоперите се знае кои ќе бидат првите три, е сега во борбата за четвртото место, веројатно Туре го победи Коатес. Роџерс изјави дека ќе го зачува Туре, заради неговото искуство, што и го оправадувам, бидејќи, ваков-таков е еден од ретките кои имаат играно финале на ЛШ, и уште еден куп тешки утакмици. Коатес и Агер веројатно ќе си одат пошто двајцата сакаат да играат регуларно фудбал.
Средина: Тука мислам дека сме најдобро покриени. Дури и мислам дека треба да продадеме еден од Лукас/Ален бидејќи сме пренатрупани во моментов. Ако го шитниме Лукас, остануваме само со Џерард на позиција деструктивец, а со оглед на тоа што Капитенот е во години, сигурно нема да може да игра 50+ натпревари. Затоа сметам дека е неопходно Лукас да остане, а Ален да си оди.
Крила: Стерлинг, Марковиќ, Лалана, Кутињо, Сусо. Сите може да играат тука и мислам дека Роџерс го има потребниот квалитет на оваа позиција, крилната и 10-ка во тимот.
Напад: После пропаѓањето на трансферот на Реми, се отвори уште една дупка за потполнување. Да не ме сфатите погрешно, високо го ценам Ламберт е сега колку е доволно добар да биде редовен бек ап на Стариџ кој за жал често ќе се повредува, незнам. Затоа мора да се купи уште еден шпиц и да имаме во тимот 3 одлични напаѓачи.
За продажба: Прв кој ќе лета ќе биде Реина. Од одбраната, Кели МОРА да си оди, жал ми е за дечкото ама го искинаа повредите и никогаш нема да биде на нивото за да игра во Ливерпул. Коатес и Агер ќе си одат, а од средина еден мора да си оди меѓу Лукас/Ален. Ајб на позајмица, и тоа е тоа.