Трансфер Вести 12.01.2012
Што велат весниците во Англија
Daily Mail
* Њукасл наредната недела ќе започне преговори со Кристал Палас за да ја имаат прва опција при ангажман на Вилфред Заха.
* Евертон е блиску до ангажман на Дарон Гибсон од Манчестер Јунајтед, вреден 1 милион фунти.
* Играчот на Ленс, Абделаким Омрани е на проба во Њукасл.
Daily Express
* Марк Хјуз најави останување во КПР, дури и да не успеат да останат во Премиер лигата.
* Роби Кин денеска ќе ја реализира позајмицата во Астон Вила.
Daily Mirror
* Нова рунда на преговори помеѓу Гери Кејхил и Челзи денеска. Тимот од Стемфорд Бриџ демантира дека ќе плати 22 милиони фунти за договор на репрезентативецот на Англија.
* Жервињо го повика Робин Ван Перси да остане во Арсенал.
The Sun
* Марио Балотели е подготвен да го продолжи договорт со Манчестер Сити.
* Демба Ба ги отфрли гласините дека ќе се пресли во Манчестер Јунајтед.
* Челзи ја следи аргентинската сензација, Лукас Окампос.
* Тотенхем е подготвен да влезе во трката со Вест Хем за напаѓачот на Евиан, Јаник Сагбо.
Официјално: Роби Кин ја комплетираше позајмицата од ЛА Галакси во Астон Вила на два месеци.
’’Среќен сум што се враќам во Премиер лигата. Ова е само кратко, но имаше доста шпекулации и мило ми е што се се заврши и сега сум тука.’’ - изјави 31 годишниот напаѓач.
’’Возбуден сум и знам дека ќе уживам во моето време тука. Тоа се само два месеци, но ќе го дадам максимумот во тие два месеци.’’
’’Вила е одличен клуб, со добра традиција и имаат стадион кој е еден од најдобрите на кои сум играл.’’
Sky Sports дознава дека Евертон започнале преговори со Манчестер Јунајтед за евентуален трансфер на Дарон Гибсон.
Се верува дека ’Карамелите’ доставиле 1 милиони фунти за 24 годишниот играч за врска, кому договорот со Јунајтед му истекува на лето.
Андре Вилаш Боаш потврди дека до нив стигнала понуда од клуб од Премиер лигата за услугите на Алекс, но додава дека таа понуда мора да биде повисока доколку клубот кој ја доставил сака да наиде на позитивен одговор од Стемфорд Бриџ.
’’Колку што знам од претседателот, имаше понуда од клуб од Премиер лигата.’’ - изјави Боаш.
’’Ја почитувавме одлуката на Алекс и трансфер маркетот е отворен за него.’’
’’Ние само се обидуваме да стигнеме до нивото кое мислиме дека е добро за фудбалерот. За сега се нема ништо случено, но ги разгледуваме сите понуди.’’
’’Ние оставаме на играчот, тој треба да ја донесе одлуката. Тој привлекува интерес од многу клубови.’’
Се верува дека КПР бил клубот кој ја доставил таа понуда.
Официјално: Стивен Џерард го продолжи договорот со Ливерпул, и капитенот на тимот од Енфилд како и што се очекуваше ќе ја заврши кариерата во Ливерпул.
’’Многу сум среќен. Ова е ден кога јас и мојата фамилија сме горди.’’ - рече Џерард.
’’Ова доаѓа после синоќешните одлични перформанси и резултат кој го посакувавме.’’
’’Се надеваме дека работата ќе можеме да ја завршиме до крај и нашите фанови да ги одведеме на Вембли.’’
’’Ова беа прекрасни 24 часа.’’
