Примери кои успеав да ги најдам за популарни пејачи ширум светот кои не успеале да победат на шоуа за таленти:
*
Beyoncé како членка на бендот Girl's Tyme (истиот бенд кој подоцна станал
Destiny's Child) се натпреварувала на шоуто Star Search и изгубила од некои (сега анонимуси) Skeleton Crew во 1993.
*
Justin Timberlake (порано - Justin Randall) не успеал да победи на истото шоу - Star Search во 1992. Изгубил од некојаси Anna Nardona
*
Usher (тогаш под целото име и презиме - Usher Raymond) не успеал да победи на Star Search шоуто во 1991
*
Aaliyah не победила на Star Search во 1989
*
Alanis Morissette не победила на Star Search во 1988
*
Britney Spears не победила на Star Search во 1992
*
Christina Aguilera не победила на Star Search во 1990
*
Lady Gaga (порано - Stefani Germanotta) завршила трета на некое талент шоу кое традиционално секоја година го организира New York University. За првопласираните двајца никој не слушнал потоа.
* Петнаесетгодишната
Rihanna не успеала да победи на шоу за таленти организирано од училиштето за средно образование во кое учела во 2003.
* Сигурно паметите дека
Susan Boyle не успеа да победи на Britain's Got Talent
*
Gareth Gates не успеа да победи на првото издание на британскиот Pop Idol (додуша - оправдано, тогаш победи Will Young), а потоа успеал да продаде преку 3,5 милиони копии на неговите синглови во Велика Британија (иако веќе не е активен на музичката сцена, туку како подпросечен актер). Истата година
Jessica Garlick заврши деветта.
* Норвешки X Factor -
Mohamed Abdi Farah завршил четврт во 2010, а е денес еден од најпопуларните пејачи во Норвешка. Се спомнува како (најверојатно) овогодинешен претставник на Норвешка на Евросонгот. Првопласираните 3 од 2010 во Норвешка биле одамна заборавени.
* Шведски Идол -
Loreen завршила четврта во 2005, на првото издание на шведскиот Идол. Денес е далеку попопуларна од првопласираните тројца: Daniel Lindström, Darin Zanyar и особено од тоталниот анонимус денес: Fillip Williams.
* Шведски Идол -
Anna Bergendahl - многу популарна пејачка во Шведска, завршила петта на нивниот Идол во 2008.
Amanda Jenssen, второпласирана на истото шоу во 2007 има издадено два албуми со платинумски тиражи и еден со златен тираж во Шведска.
* Норвешки Идол -
Alexander Rybak, победникот на Евросонг во 2009 бил исфрлен уште во полуфиналето на норвешкиот Идол во 2005. Слична судбина ги снашла и
Maria Haukaas Storeng - ултрапопуларна во Норвешка, а завршила седма на Идол (подоцна петта на Евросонг), и
Margaret Berger која завршила втора на Идол во 2004 (лани ја претставуваше Норвешка на Евросонг и заврши исто така втора), а во Норвешка е можеби најголемата електропоп ѕвезда.
* Грчки X Factor -
Ivi Adamou била шеста, а
Eleftheria Eleftheriou дванаесетта во 2012. И двете се многу попопуларни во Грција и Кипар одколку првопласираните петмина.
*
Sylwia Grzeszczak, MTV и VH1 ѕвездата од Полска во 2005 не успеала да влезе меѓу десетте финалисти на Полскиот Идол. Денес е број еден изведувач во Полска, а е се попопуларна и низ Европа.
* Британски X Factor -
Olly Murs во 2009 заврши втор, а
One Direction во 2010 трети. А слушнал некој за победниците на X Factor во Британија во 2009 и 2010: Joe McElderry и Matt Cardle?
*
Adam Lambert заврши втор на American Idol во 2009, а
Chris Daughtry четврт во 2006.
*
Влатко Лозаноски изгуби на талент шоуто Мак Старс од Јане Дунимаглоски. Чул некој за него?
*
Димитар Андоновски на второто издание на М2 потрага по ѕвезда во 2003 не беше ни меѓу првите 5.
Магдалена Цветковска истата година заврши трета. А каде е денес Изабела Јованов и Нина Јанева (за неа знам - пее придружни вокали).
Туна во 2002 на истото шоу заврши четврта, а денес е една од најпопуларните албански пејачки, и член на жирито на албанскиот X Factor.
*
Дарко Илиевски на бугарскиот Идол беше првиот од тројцата Македонци кој испадна. Денес е многу попопуларен од Александар Тарабунов и Бојан Стојков. Ако ништо друго, барем од време на време снима по некоја песна и спот, за разлика од нив.
_____________________
Муабетот ми е - ретко кога победува најдобриот на ваквите шоуа. Ќе видиме кој ќе има „кариера“ потоа.
За Ќато - не верувам!
