A Song of Ice and Fire

[Skorp]

Kade mozam PDF da gi simnam site na Angliski jazik?

 

[ActionListener]

@Skorp Направи ги прилагодувањата за приватност да можам да ти пратам пп...

 

[beaverknight]

Пред некое време ги добија у Академска книга, цена 4299 мкд.

 

[Skorp]

@Skorp Направи ги прилагодувањата за приватност да можам да ти пратам пп...

Probaj sea, ko sto vidov - mozat clenovi da mi prakjaat poraki.

 

[Nikola84]

Во Топер ги има само првите три книги од серијалот. Дали некој има некаква информација кога ќе искочи A Feast for Crows на македонски?

 

[Raziel]

Тука.
Пред да ти одговорам, мал дисклејмер. Имав ситни проблеми со првите три сезони. Скоро занемарливи. Четвртата и последнава се тие на кои ќе се однесува одговорот.

Прво и основно, што очекувавте од серијата?

Настрана се, јас нема да негирам дека Мартин е сигурно подобар пистел и раскажувач од било кој сценарист или автор во серијата.

Но пак, што очекувавте, дека книгите ќе бидат пресликани од збор до збор во тв-серија?
Еве да речеме дека првите книги било можно да се адаптираат во целост, но како секоја наредна која станува се поголема, со повеќе и повеќе нови ликови, со илијадници и илијадници страници, дали е можно верно да се адаптира, имајќи ги во предвид ограничувањата во пари, време и општо во телевизијата како медиум. Во таков случај ќе треба 24 епизоди по сезона и 30 сезони на ГОТ, што не е во ниеден случај изводливо, ниту одрживо на долг рок.

Ова не е точно. Никој не зборува за целосно пресликување, од збор до збор или буквален приказ. Ама не можеш да не прикажеш ГЛАВНИ ликови, централни фигури како Мендерли, кога го опишуваш северот. Не можеш да се оправдаш со пренатрупаност, затоа што 70% од главните ликови во претходните сезони се веќе мртви.
Понатаму, не можеш да му лепиш особини на тој Мендерли у ликови како Санса. Не знам дали си приметил, ама серијата таа финта ја прави, лепи особини и мотивации на ликови што не ги вовеле на експонирани фаци, колку и да се некомпатибилни. Тоа тие експонирани ликови ги прави мутации на сами себе и им убива веродостојност.
Времето кое го пополнуваат со дијалози од типот на "хм, мене ми е голем", "хм, мене ми е поголем" е...пази сеа каков збор ќе употребам, редундантно. Цело време се курчат со дијалози на кој му бил поголем во секоја епизода ликови кои веќе добро ги знаеме, а тоа време може да се пополни со претставување на ликови како Мендерли, давање повеќе простор на браќата од Iron Islands и Дорн.
Серијата ја тупи. Да не ја тупеше толку, за сите главни ликови ќе имаше простор.

Сите ние гледачите на серијата може сакаме некои дејствиа да беа пообјаснети, некои ликови кои ги нема да се појавеа(или да се појават), но од друга страна,не може да се очекува квалитетот на серијата да се одржи на исто ниво ако дејството се развлече премногу, дури и сега има критики дека приказната преспоро се движи, што ќе беше на пример ако Тирион наместо пола сезона одеше три сезони до кај Денерис и сеуште не беше стигнат таму (како што е случај во оригиналното дело), ќе имаше гледачи што ќе го поздравеа тој потег, ќе можеше тоа да се адаптира на тв без притоа приказната да загуби било каква смисла, немаше шанси.

Горе ти пишав дека дејствието итекако е развлечено во серијата, само вие не приметувате. Ова е и причината зошто нејќев на другата тема да ти реплицирам. Тоа курчење секоја епизода и тие godfather моменти тие што ја гледаат серијата не ги сметаат за тупење, затоа шо на тоа се палат. Тоа и цицки. Се од цицки и по некое куренце е прикажано, се од курчаторски моменти плус стотина нови, а ниту еден од главните ликови воведени во 5-тата книга и скоро ниту еден битен настан од северот(Хардхом е измислен настан, претпоставен). Гледачите на серијата тоа го сакаат, тоа им се продава и тоа не го гледаат како проблем. Ако на Санса и се даде дијалогот на Мендерли кај шо матер му ебе на Болтон, гледачите нема да го карактеризираат како несвојствен дијалог за Санса, туку како добро курчење.

Разиел е во право, серијата и книгите се веќе целосно разделени, со своја публика, и секоја страна со свои очекувања. Впрочем, и самиот Мартин не еднаш го има изјавено тоа- дека книгите и серијата се две различни света и како на такви треба да се гледа. Но Мартин е свесен дека голем дел од читателската публика последниве години и воопшто фактот што сега е толку популарен (и богат) се должи само на серијата, и затоа никогаш јавно и директно не ја критикува, неговата златна кокошка (има други кои во негово име го прават тоа).

Toa Мартин го изјавува сега, таговно. Последниве година-две. Муабетот со домино ефектот. Ама тоа не е рекламата на серијата. Серијата последниве две сезони продава лажна реклама. Дејствието е различно, ликовите, освен можеби Ариа, се непрепознатливи, а спојлерите се тие, иако од други ликови доаѓаат како такви.
Дали јавно ја критикува или не и колку се опарил од серијата не треба да е битно. Или треба?

Една работа треба да разбереме, да се адаптира книга, роман било што не е лесна работа, особено не комплексна како ASOIAF, но кога тоа е успешно (како во случајов) најчесто адаптацијата неколкукратно го надминува оригиналот во популарност, заработка и фан-база.

Многу луѓе чуле и знаат, но веројатно премал е бројот на истите кои ја прочитале „Кум“ од Пуцо, но нема веројатно човек кој барем три филма изгедал во животот, Кум да не бил еден од нив.
Ретки се оние кои чуле или го прочитале „2001 Одисеја во вселената“, но на милиони филмот им е омилена култна класика.
Ретки се оние кои ја прочитале „Одвеано со виорот“, но речиси нема кој за филмот не чул.
Веројатно никој знае дека постои серијата книги „Зелената милја“, но филмот се смета за еден од најквалитетните во последните две децении.

Сеа ќе ти раскажам една многу кратка приказна, во однос на ова.
Филип К. Дик ја напишал Do androids dream of electric sheep. Таа книга била популарна кај стандард сај-фај публиката шо го следела Дик, ама Ридли Скот никогаш не ја прочитал. Или ако ја прочитал, кога решил да ја пренесе на големо платно, аудио-визуелниот резултат бил сосем поинаков од дејствието во книгата. Отишле критичари кај Дик да го прашаат дали има некаков коментар за таа креативна одлука на Ридли Скот и типот рекол дека нема. Филмот совршено ја доловил "душата", есенцијата на она за шо он пишувал, колкави и да се разликите во дејствието. Примерите шо си ги набројал се во таа класа, автентично ја пренеле суштината на делото од романот. Како фуснота, ја би го додал The Shining, кај што Кјубрик МУ ДАДЕ вредност на тоа просечно лајнце од книга на Стивен Кинг. Има и такви примери. GoT е од оние другите. GoT припаѓа во оние аудио-визуелни преводи кои шо матер му ебат, го масакрираат, мутираат, обезвреднуваат и симплифицираат делото на Мартин. Му серат на душата.

Во сите горенабројани примери не се работи за ефтини адаптации и лоши копии, се работи за култни филмови кои во секое рангирање се наоѓаат на врвот. И „ГОТ“ како серија е таква, самата заработка, популарност и награди го кажуваат тоа, секоја негирање на тие факти е само водење инает.

Не кога зборуваме за класа како таа на Мартин. Ако некој ја филмува Браќа Карамазови и земе 11 оскари, тоа веројатно пак ќе биде едно најобично срање пред тој магнум опус на Достоевски. Друга е класата, друг е судот.

 

[Bateman]

Јас сум голем апологет на серијата, преминувам преку мааните, замижувам на грешките,но не негирам дека постојат, се испоставува на крај дека клучно е тоа што ти го кажа во коментарот на другата тема- за различен тип на публика се правени двете дела, телевизиската публика се пали на работите што ги пишуваш погоре и ужива во нив, доволен факт за авторите на серијата да продолжат да го прават истото што и досега.

Просечниот гледач на GOT (а ја дури и не се сметам во тие) едвај има памет да ги запамти и овие ликови а не па да му се натураат нови, доволно е да разгледаш 2-3 видеа од рецензии или кометари за серијата од луѓе што не ги читаат книгите и јасно ти е се, они едвај ги запамтиле имињата на главните ликови, и тоа не на сите. Затоа, а и заради фактот дека се работи за се на се 60 мин Х 10 епизоди на годишно ниво не може секој лик да се внесе во адаптацијата, затоа се спојуваат повеќе ликои во еден, на постојни ликови се додаваат други кои се исечени од серијата, тоа кај читателот предизвикување гнасење и потсмев , но кај гледачот пали, или барем во делумно.
Друг момент е што гледачите си имаат неколку фаворити кои им се омилени херои во класчната херојска приказна и попрво би ги гледале само нив и нивните реплики и акции отколку сега допрва да им идат нови главни ликови со кои треба да се поврзуваат. Затоа претпоставувам Станис така ефтино го „продадоа“ иако ќе беше пологично прво да ги собере Северните лојалисти и во оваа новата сезона да нападне на Винтерфел а не со десеткувана армија-пешадија да опседнува огормен замок полн со војска. Но Станис никогаш не беше миленик на ТВ-публиката (за жал), Старкови од друга страна се омилени, затоа многу повеќе ефект кај гледачите ќе има ако Санса или воскреснат Џон Сноу се тие кои ќе ги соберат лојалистите од Северот и ќе го дигнат пак знамето на Старк исфрлајќи ги притоа како партал Болтоните.

Можеби авторите донекаде ја увидоа грешката, а можеби сакаат на Мартин да му дадат уште време и шанса барем напишаната книга да ја објави пред да отидат предалеку со дејствието, па затоа во новата сезона ќе се враќаат на некои дејствија и ликови кои ги рипнаа последната сезона (Северни лордови, Железните Острови, Риверленд).

Мене како тв-гледач, не ми е толку важен квантитетот колку квалитетот, ако и спојот на повеќе ликови во еден е добро направен нема зошто да биде проблем. Нека бидат Денерис и Егон споени во еден лик ако биде квалитетен, нека има еден чичко на Теон, а не тројца ако е квалитетен, нека бидат двајца северни ликови наместо сите од книгата, но нека биде најдоброто од сите нив, не мораше лани онаа мизерија од приказна за Дорн (дури и најверните фанови на серијата се сложуваат дека тоа беше промашај) требаше Риверленд и пост-RW приказната да продолжи.

За читателите, книгите, оправдано и логично, секогаш ќе бидат подоброто нешто, можеби и така е редот на нештата. Но серијата, сама по себе ако се погледене, ако на момент замислиш дека книгите не постојат, и во споредба со многу други серии и емисии на ТВ, сепак е кремот, врвот во продукциски, актерски, сценски, сценографски и во многу други категории.

Но реалноста е дека хардкор читателите на книгите не се ни 2% од гледачката публика на серијата, и секако дека како серијата се оддалечува од оригиналниот материјал (а сега веќе и нема таков) се помалце и помалце ќе им се допаѓа или некои ќе престанат и да ја гледаат.

 

[Raziel]

Не ме демантираш бе Бејт. Со постов погоре не демантираш ниту една од стварите од мојата реплика. Постот во темата за ГоТ заговараше квалитативна блискост меѓу двете, овој сега не го прави тоа, туку вика дека тебе ти се свиѓа серијата, сакаш да ја гледаш и убаво ти е. Ако тебе ти е убаво и мене ми е убаво. Тоа се разлики во вкус и поставени стандарди. Ја и ти немаме проблем.

 

[Bateman]

Не ми беше намерата да демантирам ништо, само да ги посочам во што се разликите, ни во тој пост не убедував никој дека книгите=серијата по квалитет, затоа што тие две работи се неспоредливи, како што не се споредливи убав маж и убава жена (можда не ми е примерот баш најдобар).

Пак ќе го земам примерот со Тирион, дека ако нешто фукционира во книгата не значи дека ќе фукционира и во серијата, во едниот случај може и да успее да држи внимание неговото патешествие низ 1000 страни,но во серијата не може тоа да трае три сезони.

 

[Raziel]

Пак ќе го земам примерот со Тирион, дека ако нешто фукционира во книгата не значи дека ќе фукционира и во серијата, во едниот случај може и да успее да држи внимание неговото патешествие низ 1000 страни,но во серијата не може тоа да трае три сезони.

Бејт, тоа патешествие е вовед за приказната на Егон. Го нема затоа што го нема Егон. Егон е во серијата Денерис. Егон и Денерис се неспоиви ликови.
Тирион не е централната фигура, туку постои за да ги воведе овие битни ликови како Егон и Конингтон. Во серијата мора да биде централна фигура оти се палите на џуџето, па џуџето стана и Конингтон, а Денерис стана и Егон. Тешка шизофренија е тоа. Ама битно има цицки, има курчење, има "мене ми е најголем" дијалози цело време и скоро никој не вика чекај бе, не би кажал/направил овој лик вакво нешто.

 

[Сабазиј]

Прочитав три раскази(?) на Мартин за Данкан Високиот и Јајцето, собрани во српско издание наречено „Витез на седумте кралства“. Осврт се кон едно подалечно минато во однос на серијалот. Препорачливо е првин запознавање со ASOIAF, па потоа со Данк и Ег, оти приказните така полесно се „варат“. Не дека е лоша проза, ама сепак, се гледа дека се пишувани како своевиден приквел. Дружбата на двајцата си има извесни нелогичности, но никој не е совршен, па не е ни Мартин.

 

[~>}VOJVODATA~~LAVOT{<~]

Прочитав три раскази(?) на Мартин за Данкан Високиот и Јајцето, собрани во српско издание наречено „Витез на седумте кралства“. Осврт се кон едно подалечно минато во однос на серијалот. Препорачливо е првин запознавање со ASOIAF, па потоа со Данк и Ег, оти приказните така полесно се „варат“. Не дека е лоша проза, ама сепак, се гледа дека се пишувани како своевиден приквел. Дружбата на двајцата си има извесни нелогичности, но никој не е совршен, па не е ни Мартин.

Ова е излезено пред две години, пред англиското издание да излезе.

 

[Trpe Grozni]

Имаш уште две приказни кои се (ај модерно да кажам) приквел на приквелот.

Принцези и кралици и Лошиот принц, приказни кои ја објаснуваат граѓанската војна од времето на Таргеријаните наречена „Змејско оро“ (Dance of Dragons), се споменува и во книгите и во серијалот.

За жал, сеуште не се преведени на некој од длиските ни јазици, па ќе мора да се снаоѓаш на англиски.

 

[Сабазиј]

Ќе се снаоѓам Познат ми е тој танц, и кога ќе имам можност ќе ги прочитам.
Можеби е подобро што Мартин се решил за пократки литературни форми. Можеби ќе напише уште. Изгледа полесно, ако ништо друго.

 

[Trpe Grozni]

Ново поглавје за Ариана како поклон од Мартин пред излегувањето на „Зимските ветришта“.

http://www.georgerrmartin.com/excerpt-from-the-winds-of-winter/