Се работи за пристигнувањето на Господ, а не за крајот на светот, тврди германскиот експерт Свен Гронемејер.
Крајот на светот не е блиску, или барем така само тврди германскиот експерт Свен Гронемејер кој се обидува да го декодира календарот на Маите во кој се споменува 2012 година.
Гронемејер, од австралискиот Универзитет Ла Троб ги претставил своите наоди oд археолошкото пронаоѓалиште Паленка на југот на Мексико, неколку дена откако мексиканскиот Археолошки инситут соопштил дека постои уште една табла со хиероглифи на која се споменува 2012 година, што предизвикало нова рунда на дискусии за евентуалниот пропаст на светот.
Гронемејер со години работи на камената табла која е пронајдена во Тортугер во државата Мексико.
"Тој тврди дека списокот го опишува враќањето на мистериозниот бог на Маите, Болон Јокта кон крајот на 13-от период од 400 години, познат како Бактунс, кој се завршува на 21 декември 2012 година. Маите го сметале бројот 13 како свет број и нема ништо апокалиптично во тој датум.", вели Гронемејер.
Текстот е изрезбан пред 1.300 години и дел од таблата е оштетен поради што последниот пасус не може да се прочита. Фрагментот, вели Гронемејер, ги предупредува жителите на Тортугер да ја подготват земјата за враќањето на Господ. Болон Јокта, богот на создавање и војната, ќе се појави тој ден во светилиштето во Тортугер.
"Датумот има симболична вредност бидејќи се гледа како одраз на денот на создавањето. Се работи за пристигнувањето на Господ, а не за крајот на светот", рекол тој.
Извор " . "
демек тогаш повторно утнал датата ама сега сигурно...
или формула еден
