Во врска со писмото упатено до Претседателот на Република Македонија Ѓорге Иванов, од страна на Зелената коалиција од Велес, во кое се бара поддршка за активностите насочени против можното рестартирање на топилницата за олово Злетово од Велес, Претседателот Иванов упати порака со поддршка за Велешани, соопштуваат од претседателскиот Кабинет.
-Како Претседател на Република Македонија во целост ги поддржувам оправданите барања на жителите на градот Велес. Студии и истражувања покажаа дека повеќедецениското работење на оваа топилница, лоцирана во непосредната близина на еден од најголемите македонски градови, предизвика тешки последици по здравјето на Велешани. Како Претседател на Република Македонија, Ве уверувам дека ја имате мојата целосна поддршка во сите легитимни активности за заштита на уставно загарантираното право на живеење во здрава средина, се вели во пораката на претседателот Иванов.
Жителите на Велес се обединети во борбата како никогаш досега, решени се да го истераат злото од нивниот град, кое 30 години ги труеше и остави пустош.
Решени се да не дозволат да прoработи велешката Топилница, борба во која добиваат поддршка од многу организации, еколошки друштва и јавни функционери.
kurir. mk
Плус, и паријата на власт ги поддржа протестите.
ВМРО ДПМНЕ: Ајде сите на протест
Прашањето на Топилница е еколошко, а не партиско и така треба да се пристапи кон него. Од работењето на фабриката сите знаеме какви се последиците. Затоа сите на протест во среда, вели Александар Колев, потпретседател на ОК на ВМРО ДПМНЕ.
„Проблемот со топилницата е над партиски и така треба да му пристапиме. Затоа ние официјално ги повикуваме сите граѓани да се приклучат на прoтестите предводени од зелената коалиција. Повикот е упатен и до членовите на партијата од сите структури. Сметаме дека е многу значајно тоа што за едно вака важно прашање досега постигнуваме консензус. Уште еднаш ќе апелираме да не се користи моментот за собирање политички поени туку заеднички да застанеме протов рестартот на Топилницата", рече Колев.
Плус, докторите:
Лекарите од јавното и приватното здравство денеска отворено застанаа зад зелената коалиција во борбата против рестартот на Топилницата. Здравствените работници рекоа „НЕ" за големиот загадувач.
Ставот на лекарите е јасен. Велат дека тие се првите што се соочуваат со лошото здравје на населението, а неведуваат низа болести кои се причинети од топилницата.
Периодот од кога фабриката е затворена здравјето на граѓаните е подобро.
„Конечно откако се затвори топилницата ние имаме трудници кои не примаат железо и препарати против тоа. Конечно имаме здрави трудници без анемии. Порано такво нешто немаше сите до една страдаа од тие болести. Затоа ќе го поддржиме протестот", вели д-р Лилјана Чолакова - Дервишова претседател на здружение на приватни лекари на Мекедонија.
Поддршката од лекарите за здрава животна средина е само една во долгата низа. Досега многу групи на граѓани се одважија јавно да застанат на страната на екологијата.
„Јас сакам да го изразам моето задоволство затоа што не само лекарите туку поддршка имаме и од пензионерите, борците, просфетните работници , бизнисмените и уште низа на организации и здруженија", вели Горан Петров, градоначаник на општина Велес.
На денешната средба Зелената коалиција уште еднаш предочи дека Метрудхем во писмото за намери испратено до Министерството за животна средина признаваат дека ако се отвори топилницата ќе загадува.
„Писмото е јавно. Се наоѓа на веб-страницата на Министертвото. Метрудхем таму одговара на прашање дека топилницата ако се отвори ќе загадува и ќе претставува опасност за животната средина", вели д-р Ненад Коциќ, Зелена коалиција.
Јавна поддршка против Топилницата денеска дојде и од спортските клубови , Сојузот на спортови и спортските работници.
А и спортистите кажаа дека никој нема ништо да тренира ако се рестартира Топлиницата.
СИТЕ СЕ ПРОТИВ!
