Освен ако грешам, со усвојувањето на тој заклучок се менуда ГУП - от така што на сегашната локација на топилницата е забрането да се наоѓаат загадувачи кои вршат силно загадување, а Метрудхем слободно можат да кажат дека топилницата ќе биде загадувач кој ќе врши средно или слабо загадување, односно, бирократијата повторно ќе биде на страната на топилницата и ќе дозволи нејзино рестартирање.
Ако советот на општина Велес навистина сака да помогне во ослободувањето на Велес од овој биохемиски убиец, на таа локација, согласно со новиот ГУП треба да предвидат изолирано зеленило, односно да биде само земја, но заградена за никој да не поминува таму, бидејќи до толку е загадено, што таму ништо не смее ни да се движи ни да се гради барем во наредните 10 до 15 години додека да се прочисти почвата, што ќе биде долг и тежок процес.
