Пред некој ден поставив прашање во врска со улогата на сонот при спиењето. Одговор немаше. Може да се каже дека не е ни за очекување дека некој може да даде валиден одговор. Ова го кажувам бидејќи истото прашање е старо колку и човековиот род односно од како човекот станал свесен за себеси.
Денес и поред огромниот напредок во сите области на живеење на човекот, како и бројните претпоставки базирани врз основа на разните истражувања и експерименти, како со луѓе така и со животни, сеуште се на ниво на идеја или хипотеза, бидејќи не постои кохерентна теорија која може да се провери и сеуште нема прав одговор за - енигмата на сонот - , бидејќи доколку постои валидна теорија за сонот, тогаш лесно може да се одговори на многубројните прашања поставени на овој форум во врска со содржината на сонот.
Како дел од моето истражување и заклучоци во вид на теорија, а со цел да се види сегашната состојба со постојните идеи, изјави, хипотези, теории и дилеми во врска со енигмата на сонувањето, објавени во разни весници, часописи, енциклопедии и слично, како и на интернет, би ги изложил на овој форум, нормално доколку сте заинтересирани.
Како за почеток:
Од Енциклопедија
СПИЕЊЕ, преодна физиолошка потреба која се појавува периодично и се обележува со престанок на високите функции на мозокот, намалено реагирање на надворешни дразби, недостаток на волна активност на скелетната мускулатура и нивната отпуштеност: во сонот сетилата раздразливост и осетливост према надразбите се смалени, свеста е намалена и недостасува нормалната психичка активност; работата на срцето и дишењето се забавени, крвниот притисок е нешто намален; за причините за спиењето постојат бројни теории, но меѓу најважните чинители кои го предизвикуваат доаѓа заморот, посебно на нервниот систем, и влијанието на меѓумозокот (центарот за спиење); во текот на спиењето доаѓа до одстранување на причините кои допринеле до појавата на замор и обновување на функционалната способност на организмот; на возрасните им е потребно 7 - 9 часови на спиење дневно, а на децата и повеќе;
СОНИШТА, несвесна психичка состојба која се јавува за време на спиењето; базирана е на веќе заборавените или во свеста потиснатите збиднувања, односно на создавање на погрешна представа за надворешните надразби, а заради намалување на високите функции на големиот мозок за време на спиењето; отскриена личност во ладна соба сонува дека се наоѓа на снег; соништата траат кратко - неколку минути. Примитивните народи им давале големо значење на соништата - „толкувачи на соништата“.
Изјави во врска со спиењето и сонот.
- Звучи парадоксално фактот дека една третина од животот го минуваме спиејќи а уште не знаеме зашто го правиме тоа?
- Се знае како но не и зошто сонуваме?
- Зошто сонот останува и натаму една од најголемите мистерии?
- Големата биолошка енигма изгледа и се потсмева на науката. Можеби никој нема да го најде клучот да влезе во царството на сонот. Мозокот на будниот човек нема никогаш да го разбере мозокот на човек што спие и сонува. И по 50 години истражување никој не успеа да постави теорија што ќе биде кохерентна и што ќе може да се провери. Функцијата на сонот е сеуште територија што не може да се обележи. Никој не може да одговори со голема точност на баналното прашање. Зошто сонуваме? Треба ли да си заминам без да откријам?
др Мишел Жуве - неврофизиолог.
Наслови, цитати, претпоставки, хипотези и теории за сонот
- Да се изживеат потиснатите желби во текот на денот, односно соништата се кодирани со симболички клучеви - Фројд
- Сонот е физиолошки непотребен „Теорија на неподвижност“ од Реј Медис раководител на лабараторија при Универзитет во Лафбороу Англија
- Сонот има главна улога во формирање на нервниот систем
- Сонот преставува програм за јакнење на памтењето
- Во сонот ни се претскажува иднината
- Сонот е порака од боговите
- Во сонот се репрограмира мозокот
- Сонот е облик на интерна комуникација меѓу клетките
- Соништата се несвесна реакција на свесна состојба и преставува конфликт меѓу свесното и несвесното
- Соништата го оптоваруваат мозокот
- Сонот го програмира човекот
- Единствениот начин преку кој психолошкото наследство дејствува на мозокот, преку целиот живот, е периодичниот процес на сонот.
- Една од функциите на сонот е систематско репрограмирање на движењата својствени за одредена врста (човек, мачка, куче, верверица и сл.)
- Соништата се потсвена проекција на она што не можеме да го оствариме во свесна состојба
- Сонуваме за да не заборавиме
- Соништат се опасни
- Спиејќи го чуваме она што е - вонвременско
- Соништата ги поврзуваат дневните искуства и служат за нивно проширување
- Сонот го одмара срцето
- Соништата едуцираат
- Сонот ја прочистува меморијата во мозокот од непотребни записи
- Сонот е неопходен за нервната рамнотежа
- Соништата ни говорат што треба да направиме
и така натаму...
Поздрав,
П.С. Доколку има некој некоја слична изјава или претпоставка во врска со улогата на сонот слободно нека го дополни списокот!
Глупаво звучи, знам.
