Филмски списанија

[Zlatikevichius]

Во недостиг на нешто слично кај нас, истражував малку за светските магазини посветени на филмот и филмската индустрија. Почетоците на филмските списанија датираат уште на крајот на 19 век со појавата на "Cinematography and Bioscope Magazine" во САД, иако не се работи за класичен магазин, туку за леток кој информирал и расправал за прашања поврзани со развојот на филмската индустрија околу 1900 година. Понекогаш вклучувал и рецензии на филмови. Во 1907 година се појавил уште еден таков информативен леток, "The Kinematograph and Lantern Weekly", кој дополнително вклучувал и бизнис прашања поврзани со филмската индустрија, а исто така и кратки рецензии.

Еден од најстарите филмски магазини кој постои и денес, а може да се нарече и водечки во САД на таа тематика, е "Variety". Летоци со тој наслов почнале да се појавуваат уште во 1905, но почетоците на магазинот се подоцна, иако самите велат дека првиот број е издаден на 16 декември 1905. Денес магазинот се објавува еднаш неделно (поточно, во 48 публикации годишно) и вклучува теми поврзани со телевизијата, исто така. Се објавува и во печатено, и во електронско издание, а дел од статиите, рецензиите и интервјуата и на веб страната variety.com бесплатно.​

​

Еден од раните филмски магазини бил и "Picturegoer", кој постоел од 1913 до 1960. Овој магазин вклучувал и прашања како „Како да најдеш работа во Холивуд“, т.е. функционирал и како еден вид огласник на Холивуд.

Во Велика Британија, пак, водечки филмски магазин е "Empire", кој постои од 1989, кој функционира и како своевиден таблоид, ѕиркајќи и во приватните животи на филмските ѕвезди, меѓу другото (филмски факти, рецензии, статии, интервјуа, топ листи). Исто како Variety, има и печатено, и електронско издание, и своја веб страна.

​

Првите филмски списанија биле наменети за побогатите луѓе, но со развојот на филмската индустрија никнуваат уште еден куп вакви публикации, во најново време дигитално печатени, што ги прави повторно поскапи, како во времето кога се појавиле. Некои од попознатите се и: "Entertainment Weekly" (неделник, со 52 изданија годишно, сличен концепт како Variety), "Backstage" (наменет повеќе за луѓето од филмската индустрија отколку за обичната читателска публика) - слично како и "Little White Lies" (6 изданија годишно), таблоидите "OK! Magazine" и "Star", магазинот за тинејџери "M" (10 изданија годишно), и помалку познатите: "American Cinematographer", "Film Comment", "Call Sheet", "Sight and Sound" и "Uncut".

Ние нити имаме, ниту сме имале нешто слично. Кај нас дури и телевизиските емисии посветени на филмската индустрија престанаа да постојат, а исто така и на прсти на една рака се бројат сите магазини (ако ги исклучиме оние со политичка содржина кои се побројни). Онака како што немаме ни магазин за музика, современ магазин за мажи (имаше обиди со македонско издание на "Playboy" и "Avantgard", но и двата престанаа да постојат, веројатно дека не можеле да постигнат со печатење - луѓе се тепаа по трафиките чекајќи во редици за да ги купат) , магазин за музика...

Кои се причините за недостатокот на ваков вид медиум кај нас? Постојат ли кај нас барем посериозни обиди да се направи online магазин или портал за филм, ако веќе сѐ печатено е однапред осудено на пропаст? И - дали постои начин по македонските трафики да се купи некое од најпознатите светски списанија за филм, или мора да се нарачуваат по интернет? Discuss!

 

[moongoses]

Во поренешна Југославија имаше „Ју видео“, колку што се сеќавам тоа беше единствено списание за филм. Се појави со експанзијата на дистрибутерите на филмови на видео касети и видеотеки некаде кон крајот на осумдесетите години. Излегуваше месечно и воглавно беа претставувања на новите филмови со по некој критички осврт тука и таму. Тие беа и главните огласувачи во списанието, нешто без кое не може да функционира списание особено во денешно време на интернет.
Критики излегуваа во останати неделни и месечни списанија кои имаа страници за филм, театар и тв.

Нешто од најпознативе светски списанија може(а) да се најдат во Дипрес, на аголот меѓу Партизанска и Даме Груев или како и да се вика сега улицата.

Да дополнам, во Македонија излегуваше Кинопис во издание на кинотеката на Македонија. Мислам дека не се продаваше во трафики, туку само во одредени книжарници.

 

[Jedah]

Какви црни списанија, тоа Playboy е пред умирање па за други филмски и остали.
Интернетот и достапноста на online пишани содржини го уби печатениот медиум.
Крај.

 

[Сабазиј]

Македонски читатели има малку. Кога мислам малку, мислам на бројката на луѓе кои би биле редовни купувачи, оние од кои списанието мора да се одржува. Колку од тиражот на најпопуларните дневници и неделници реално се купува? Иако филмот и серијата и се околу нив се мошне привлечна тема, уште помалку се оние кои би издвоиле пари за специјализирани списанија, посебно не сега, кога речиси се е достапно на интернет. Тоа списание би требало да има добра хартија, дизајн, добри текстови и сл. И секој број да биде солидно сработен. Просто да те натера да го купиш и да продолжиш да го купуваш. А тоа чини и пари и време и труд и доста рекламирање. Не сум запознаен колку би чинело такво списание, ама за да чини, секако не би требало да е 50 денари.
Тие и такви списанија би требало да бидат подготвувани од писмени и образовани луѓе кои го сакаат филмот и знаат и можат да понудат и квалитетен авторски текст, добри интервјуа на вработените со познати актери, до кои потешко се доаѓа (како на пример Лазар Бараков, Данчо Чеврески, Синоличка Трпкова и Бад Спенсер) не само да преземаат лошо преведени информации. Да знаат да привлечат читатели, со добра работа. Да балансираат меѓу она што е најпопуларно и уметноста, иако овие две не се исклучуваат секогаш. Тие луѓе некој треба пристојно да ги плати.

Еднаш-два пати на темава беше спомнат македонскиот Playboy. Главен уредник на ова ужасно македонско издание, кое е наменето за мажи и за оние кои така се осеќаат, беше некој непознат новинар. Мислам дека жената не се снајде баш најдобро на таа позиција. Саше Политико да го ставеа по(а)рно ќе беше.

 

[Shahbaz]

 

[Zlatikevichius]

Еднаш-два пати на темава беше спомнат македонскиот Playboy. Главен уредник на ова ужасно македонско издание, кое е наменето за мажи и за оние кои така се осеќаат, беше некој непознат новинар. Мислам дека жената не се снајде баш најдобро на таа позиција. Саше Политико да го ставеа по(а)рно ќе беше.

Малку оф-топик, но кога почнавме за Playboy - знае ли некој што се случи со Авантгард? Тоа беше сосема пристојно списание, дури можам да речам и над нашиот стандард, и изгледаше како добро да им оди, тераа речиси 2 години, а потоа наеднаш замре.

 

[MARCELLO]

Евев ви нешто квалитетно за филмови и серии од српска продукција. Serije + се вика списанието и излегува само онлајн на интернет

До август летово излегуваше посебно за филм посебно за серии списаниево. За филм се викаше Cinema + но отомври месец го споија во едно списание Serije + иако повеќе е за серии отколку за филмови но се наоѓа и нешто за филмови.

Moже да се чита на webtrafika.com а на тој сајт има и други квалитетни списанија Едно од тие кој исто така има во него за филмови и серии е и Pop Culture кое е на англиски .

[DOUBLEPOST=1450188258][/DOUBLEPOST]

Малку оф-топик, но кога почнавме за Playboy - знае ли некој што се случи со Авантгард? Тоа беше сосема пристојно списание, дури можам да речам и над нашиот стандард, и изгледаше како добро да им оди, тераа речиси 2 години, а потоа наеднаш замре.

Авангард беше супер списание, јас го купував додека бев средно и многумина ми се чудеа како може да трошам пари на вакви списанија.. Како што кажа Сабазиј списанието треба да се одржува од редовни читатели кој го купуваат но за жал мал број се редовните читатели на магазин списание.

Имам купувано редовно доста списанија кај нас што се печателе и сум љубител да читам списанија, паметам едно време имавме доста избор на списанија за IT технологија, за музика, за мода и друго. Денес е суша и нема никаков избор. Денес на ова поле се сведува на политички списанија и списанија за жени затоа што за такви работи можеби и пазарот и интересот е поголем кај читателите.

 

[moongoses]

Ова списание прво почна да излегува како печатено, но по 2-3 броја продолжи само онлајн. Кога нема друго не е лошо, но премногу ги форсира сериите на фокс, што не е чудно со оглед дека тие им се главен спонзор и е далеку од објективно.

 

[Shawn Spencer]

а има ли некаква книга за македонската кинематографија, македонските стари филмови и слично? Знам дека сега Сунчица Уневска - критичарката на Утрински и Игор Ангелков издадоа книги со рецензии за нашите филмови од 2000 па наваму, а за тие постарите нешто? Со ексклузивни фотографии од снимања, интервју или јок?

 

[џимеј]

а има ли некаква книга за македонската кинематографија, македонските стари филмови и слично? Знам дека сега Сунчица Уневска - критичарката на Утрински и Игор Ангелков издадоа книги со рецензии за нашите филмови од 2000 па наваму, а за тие постарите нешто? Со ексклузивни фотографии од снимања, интервју или јок?

Тркни до кај антикварниците после Холидеј Ин на кејот што се. Има таму мислам нешто од МК кинематографија.

 

[moongoses]

а има ли некаква книга за македонската кинематографија, македонските стари филмови и слично? Знам дека сега Сунчица Уневска - критичарката на Утрински и Игор Ангелков издадоа книги со рецензии за нашите филмови од 2000 па наваму, а за тие постарите нешто? Со ексклузивни фотографии од снимања, интервју или јок?

Има. Македонскиот игран филм, од Мирослав Чепинчиќ, некаде од деведесетите години. Само не очекувај ексклузивни фотографии, односно фотографии воопшто

 

[MARCELLO]

Покрај Еmpire кој го спомна Zlatikevichius да го спомнеме и Total film

Британско списание за филм. Првиот број е пуштен во продажба февруари 1997. Има доста фимски рецензии, вести за DVD, Blu-ray изданија и филови кој се прикажуваат во кино.

За да се чита треба да се плати за ова списание (многу нормално нели ) Го има достапно и во печатена и дигитална верзија.
https://www.myfavouritemagazines.co.uk/film/total-film-magazine-subscription/#digital

Мислам дека имам видено и германска верзија на ова списание но дали сеуште постои не знам.

 

[wot]

Total Film bese prvoto nesto filmsko sto go sledev I citav. Online sekako.

Ama poslednive godina dve izgubiv navika, sekade veke bombardiraat koa ima jaki vesti za film.

Lately Entertainment Weekly mi e a-source-to-go.

 

[Zlatikevichius]

Јас само Empire го читам онлајн - ги имам сите броеви од 2014 и 2015. Од 2015 плус и австралиските изданија. Variety многу тешко се наоѓа, но сајтот им го следам редовно. Имам и неколку броеви од Entertainment Weekly, но не го сакам оти е неделник, заборавам кога излегува нов број. Empire ми е таман - еднаш месечно излегува, и нема шанси да го испуштам. Имам цел месец додека да ми текне на него.

 

[Сабазиј]

Малку оф-топик, но кога почнавме за Playboy - знае ли некој што се случи со Авантгард? Тоа беше сосема пристојно списание, дури можам да речам и над нашиот стандард, и изгледаше како добро да им оди, тераа речиси 2 години, а потоа наеднаш замре.

За жал, тоа списание не ми паднало в раце. Во кој период е издавано?

Еве уште едно списание, за кое имам доста слушано и читано Rue Morgue а до кое потешко се доаѓа. Претежно е посветено на хоророт во филмот и во литературата.