Па...интересен меч,морам да признаам.Игравме овој пат со екипа која доста добро ни пружаше отпор,не игравме со Виган или со ВБА.Па на почеток мислев дека ќе тргнеме фуриозно,но им ја препуштивме топката на Стоук,имавме стрплива игра,и во напад и во одбрана.Беше добро поставена играта од страна на Анчелоти,и сосема добар меч изигравме.Можеби имавме слаба реализација во овој меч,од тие шанси што ги создадовме,посебно Ешли Кол по тие брзи пробиви по левата страна,можевме комотно да им дадеме 5-6 гола како што правевме и на другите мечеви,но овој пат не напињавме толку многу да по секоја цена се постигне гол - играчите одеа со мислата или да постигнеме гол или нема да се намачиме до бесвест за да ги наполниме.По првиот гол се дишеше полесно,но текот на натпреварот си остана ист.Се на се,ок меч изигравме.Посебно многу добар впечаток овој меч ми остави Есиен кој што секаде го имаше на теренот,се бореше како Бизон(не за џабе тоа му е прекарот),претрча многу километри,крадење топки,асистираше..Џон Тери,кој што беше фантастичен капитенот овој меч.Во одбрана не направи ниту една грешка,а башка асистираше и за голот на Малуда.Дрогба,постига еден гол од пенал,не го видов многу во нападот да притиска,едноставно му се укажа шанса од пенал и си ја искористи.Ешли Кол - ѕвер,царува по левата страна,штета само што не даде гол со фантастичниот волеј.Чех изигра исто така добро,иако имаше среќа кога некој од играчите на Стоук шутна од 25-6 метра и ќе немаше спас ако одеше малце под пречката.Оби Микел,Анелка и Алекс изиграа исто така добро.Единствено на нивото не беше Френк Лампард,дали беше индиспониран или го мачи некоја мала повреда,или не му беше денот и не бил расположен за игра,останува да нагаѓаме,иако промаши пенал,немаше ниеден посериозен пас во нападот,нафрлена топка,украдена топка,целосно беше отсутен.Се надеваме дека Френки ќе одигра многу подобро следниот натпревар.Остануваме први на табелата со 3 победи и 9 бода и гол разлика од 14-0.
Таман да го испратам постов,отворив на страницата на Челзи,и најверојатно ова е причината поради која Френки изигра под нивото...
http://www.chelseafc.com/page/LatestNews/0,,10268~2138085,00.html
