Манчестер Јунајтед - Ипсвич 9-0 (Март 1995)
Ова е највисоката победа во Премиер Лигата, Манчестер стигна до неа благодарение на петте погодоци на Енди Кол, двата на Марк Хјуз и по еден на Пол Инс и Рој Кин. Кол со ова стана првиот играч во Премиер Лигата кој постигнал пет погодоци на еден натпревар. Интересното за оваа сезона е што и покрај овој рекорд црвените ѓаволи не успеваат да ја освојат шампионската круна.
Тотенхем - Виган 9-1 (Ноември 2009)
Интересното при победата на Тотенхем е што девет од десетте погодоци се постигнати во вториот дел, а Џермејн Дефо стана првиот играч во Премиер Лигата што постигна пет погодоци за само едно полувреме.
Њу Касл - Шефилд 8-0 (Септември 1999)
Најголемиот голгетер во историјата на Премиер Лигата Алан Ширер е голема ѕвезда во овој натпревар, постигнувајќи пет погодоци од кој 2 од пенал.
Нотингем - Манчестер Јунајтед 1-8 (Февруари 1999)
Уште еден натпревар за паметење во 1999 година. Манчестер Јунајтед сруши уште еден рекорд забележувајќи ја највисоката победа како гостин во историјата на Премиер Лигата.
Миделсборо - Манчестер Сити 8-1 (Мај 2008)
Катастрофа на Манчестер Сити во последното коло од првенството. Првото полувреме заврши само со 2 погодоци во мрежата на гостите а во второто граѓаните од Манчестер доживеаа вистинска катастрофа.
Арсенал - Евертон 7-0 (Мај 2005)
Во последниот натпревар на домашен терен за сезоната топџиите постигнаа фантастична победа во која гол постигнаа дури шест играчи. Тоа беа Роберт Пирес, Беркамп, Ван Перси, Виеира, Фламини и Еду.
Блекбурн - Нотингем 7-0
Во двата натпревари против Нотингем тимот на Блекбурн постигна вкупно 12 погодоци. Алан Ширер забележа хет-трик а останатите погодоци ги постигнаа Мајк Ноуел, Грем Ло Со, Ларс Бохинен.
Манчестер Јунајтед - Барнли 7-0
Повторно Манчестер Јунајтед и повторно Енди Кол кој овој пат постигна само хет трик. Останатите погодоци ги постигнаа Гигс, Сколс и Поборски.
Арсенал - Миделсборо 7-0
Втора победа со ист резултат за Арсенал во период од осум месеци.Три погодоци на Тиери Анри и по еден на Пирес, Сендерос, Силва и Хлеб ја носат победата на топџиите.
Шефилд - Нотингем 1-7
Уште една висока победа за гостинска екипа во Премиер Лигата овој пат од Нотингм Форес кој на крајот од сезоната изненадувачки заврши на третата позиција.
Портсмут - Ридинк 7-4
Овој натпревар го ставаме како бонус, не затоа што е со највисока разлика туку затоа што е натпревар во кој се постигнати најмногу погодоци во Премиер Лигата.
