Русите ’го извадоа од патики’ Пеп со понуда од 22 милиони по сезона
Врвниот стручњак кој пред две години во својата дебитантска сезона освои се што можеше да се освои со Барселона доби понуда која го „извади од патики“. Иако е моментално на чело на стројот кој мели се пред себе, не остана рамнодушен на силните милиони од Москва.
Ако му веруваме на угледниот шпански весник „Ел Мундо Депортиво“, Барселона ќе мора добро да се помачи за да го продолжи договорот со
Жозеп Гвардиола.
Преговорите на овие две страни се моментално во полн ек, па пред некој ден медиумите објавија дека Гвардиола е пред потпис на нов договор со Барселона, но тоа можеби и нема да се случи.
„Ел Мундо Депортиво“ тврди дека тренерот на каталонскиот клуб сериозно го ’раздрмала’ понудата од 22 милиони евра која стигнала од московска ЦСКА. Па така Гвардиола не останал рамнодушен, и веќе го испратил агентот на преговори во Русија.
Добро ни е познато дека Пеп е многу претпазлив во продожувањето на договорите со Барселона. Неговиот актуелен договор истекува ова лето, а наредниот за кој преговорите се во тек сепак не е долгорочен туку е според системот 1+1+1, така што после секоја сезона ќе биде слободен со можност да го продолжи за наредната.
Парите за Русите не се никаков проблем поготово ако се знае дека ЦСКА е финансиски поддржана од богатио тајкун и докажан фудбаски фан,
Роман Абрамовиќ.
Веќе подолго време во рускиот фудбал "се врти неверојано голема сума на пари", а вистинска лавина се покрена откако е објавено дека Русија ја доби организацијата на Мундијалот 2018 година.
дали е оваа уште една гола лага или има нешто вистина во ова знае некој?