Немав намера да се распишувам, ама Шики ме подбуцна на негов препознатлив начин (I see what you did there
со оние непланираните).
Замина и Буфон според мене во сосема правилно време, со полни 40 години од кои 17 на голот на Јуве. Одложувањето на неопходното може само да ги влоши работите, една сезона повеќе или помалку на голот никако не може да влијае врз целокупниот впечаток. Искрено да ви кажам јас не чувствувам некоја суштинска празнина поради тоа што Буфон не освои ЛШ со Јуве, секако дека ќе го сакав тоа и секако дека сонував за истото, можеби некогаш сум напишал или кажал дека тоа мора да се случи, ама сега кога размислувам сфаќам дека сум згрешил. Буфон е повеќе од било која титула, врзувањето на неговото време и неговиот квалитет со една титула која што не ја освоил ми стои некако премало. Што знам, дури безвредно.
Според мене една од неговите индивидуално најдобри партии последните неколку сезони, каде што беше тестиран до максимум ама на 38 години покажа агилност и движење на млад голман од 20тина. После оваа утакмица имаше еден доста интересна изјава, како одговор на критиките што му ги упатуваа констатно медиумите. Се зборуваше за негов фудбалски "погреб", тој врати со таков настап и рече дека на погребот сепак никој не се појавил.
Една од работите за која отсекогаш најмногу сум го ценел се изјавите и зборовите без никаква дипломатија и извртување. Кога бевме очајни на почетокот на 15/16 сезона после поразот од Сасуоло излезе и ги направи сите партал до еден, буквално ја преобрна сезоната. Се сеќавам кога загубивме од Баерн некој нивни челник го нарече старец за во пензија или нешто слично, али Џиџи секако сам си рече дека е свесен за грешките и дека за среќа има кој да го критикува. Секогаш се одликуваше со самокритика како за тимот така и за самиот себе, прав капитен кој што не ги затвараше очите пред ниеден проблем. Ми текнува Оскар кога му даде јак гол во 2012 еден новинар се обиде да го испровоцира, тој едноставно си кажа чест ми беше да бидам дел од ваков гол, односно да примам таков гол
Реакцијата против Реал сезонава јас ја разбирам комплетно, осети огромна фрустрација, ама некни на пресот рече дека кога би го видел Оливер сега би му се извинил и дека реакциите на мечот како и оние после истиот биле претерани.
Ањели некни пак ги спомена Дел Пиеро, Недвед, Буфон, Трезеге, Каморанези и Киелини како играчите кои 2006 останаа со тимот. Јас мислам дека своевремено никому не му беше доволно јасно всушност што тоа значеше. Буфон на негови 28 години, како еден од најдобрите голмани во светот остана да брани за клубот во втора ебена лига со -98213091831 поени. Прелесно би било да се оправда и спротивен потег од тоа, абе кариера да гради, абе да мисли на самиот себе и така натаму. Јас секогаш сум велел не мораше и не можеше сите да останат во 2006 година, ама затоа во животот се паметат оние кои останале. Во таквите моменти се гледа кој е големиот а кој малиот. На крајот оние кои заминале кога тоа било најлесно да се направи, ќе се удават во сопствените предолги и некогаш очајни оправдувања.
Оти тоа што Буфон и Дел Пиеро го доживееја на теренот на нивните последни утакмици, возрасни луѓе на трибините (и надвор од нив) да рикаат како магариња, е тоа не може со ниеден трофеј, пари и слава да се купи. Едноставно почитта и восхитот во животот се бесплатни, не може да бидат сосила дадени или земени. Оние кои го заслужуваат тоа ќе го добијат спонтано, оние кои не ќе си останат со трофејот или парите како нивна утеха.
Јас пораснав со Буфон на голот, ќе ми биде чудно чувството дека го нема на располагање. Ама како што вели Џиџи, Јуве е преголем за да зависи од еден играч. Но, јас би му рекол дека Јуве е преголем токму поради таквите како него, оти клубот покрај се друго го красат неговите најистакнати играчи. Што и да додадам друго не сум способен да доловам нешто повеќе, едноставно нека му е со среќа понатаму во кариерата (ако ја има) и да знае дека од фан на Јуве каква и одлука да донесе ќе има 100% поддршка.
