Шо ќе се нервирам? Ако сум се нервирала, тоа било кога се појавил проблемот. Ама кратко ми трае нервоза, се трудам да си ги размислам работите и тоа ме смирува. Си доаѓа муабетот, смирено си разговарам и не отстапувам додека не се слушнеме и двете страни што имаме да кажеме. Лесно е откако ќе се открие кој е проблемот и се концентрирам на него, со намера да се реши по секоја цена, да се дискутира за коренот на истиот. Не сакам нерасчистени работи.
Ама па зависи и со кој си имаш работа. Ич не сакам кога се трудам да ја смирам ситуацијата, а од другата страна да ми седи некој надркан до крај и ми пушта оган од очи и уста. Ако решаваме проблем, тоа ќе биде на културен начин. Во спротивно, во состојба сум да станам и да речам дека немам што да дискутирам, без никаква грижа на совест бидејќи сум пробала да најдам солуција. Сметам дека имам работа со разумни суштества кои знаат да го зауздат гневот, да размислат објективно и да ги решат проблемите на оптимален начин.