Супер. Баш се прашував дали на некој му текнало да отвори ваква тема на 3 дена пред почетокот на СП во ракомет во Хрватска.
Јас прво да си кажам кој ми е фаворит - ХРВАТСКА и мислам дека ова е одлична можност за оваа генерација да освои еден завршен трофеј на едно големо натпреварување и оваа прилика не би смееле да дозволат да им се лизне од раце.
Покрај Хрватска значи која мене лично ми е бр. 1 фаворит, во потесниот круг на можни освојувачи на трофејот, или барем влегување во самата завршница од турнирот ги ставам :
- Франција (најголемиот конкурент на Хрв. на ова СП и актуелен Олим.Шам.) ;
- Данска (доволно за нив е да се каже тоа дека речиси 50% од головите на еден натпревар ги даваат од контри и тоа дека го имаат одличниот Квит на голот)
- Шпанија (бронзените од последните ЛОИ во Кина)
- Кореја (најпријатното изненадување на ЛОИ предводена од своите одлични крила)
- Полска (константно незгодна репрезентација која знаела многу пати да им ги поремети сметките на великаните)
И за крај нешто за нашиве. Искрено јас мислам дека имавме доста среќа во ждребката и можеме и те како да се надеваме на едно од првите две места во оваа група и тоа реално гледано, без дополнителен оптимизам.
И еве зошто :
- Ги имаме во групата Тунис и Алжир, репрезентации кои се за барем две класи подолу од нас и против нив не смееме да помислиме на ништо друго освен на победата, и тоа што е можно поубедлива.
- И другите 3 репрезентации се од Европа. Меѓу нив најниско би ја котирал Германија, бидејќи јасно е дека тие се во криза, нешто што го потврдија и на последните ЛОИ, така да против нив сметам на победа, со малце среќа. Русија игра доста неконстантно и променливо, така да ако ги фатиме Русиве на лош ден и ако не им тргнат од рака шутевите од надворешните позиции, ние имаме големи шанси да се радуваме и против нив. Единствено од Полска мене ме фаќа најголем страв и против нив мислам дека шанси немаме, речиси никакви.
Како и да е јас од се срце им посакувам многу,многу среќа на нашите Македонци на ова СП. Нека дадат се од себе, срцата нека ги остават на паркетот, нека ја претстават Македонија во најдобро можно светло и само со ладни глави нека влезат во сите натпревари, бидејќи само така може да се надеваме на висок пласман.
:je: :pehar: 
lee:
