Роман на годината

[Setsuko]

Традиционално секоја година Утрински весник избира роман на годината. Годинава во најтесната конкуренција се најдоа 5 романи.

Пет романи во третиот круг за наградата „Роман на годината“

„Очи со боја на чевли“ од Петар Андоновски, „Ќерката на математичарот“ од Венко Андоновски, „Фото синтеза“ од Игор Анѓелков, „Јадица“ од Владимир Плавевски и „Ненасловена месечева соната“ од Давор Стојановски се романите кои влегоа во потесниот круг за престижната награда „Роман на годината“ на „Утрински весник“ за 2013 година.

На вториот состанок кој се одржа вчера во просториите на нашата Редакција, оваа одлука по пат на тајно гласање ја донесе жири-комисијата во состав: Митко Маџунков, претседател и Ферид Мухиќ, Весна Мојсова-Чепишевска, Оливера Николова и Катерина Богоева, членови.

Наградата „Роман на годината“ годинава ќе биде доделена по 15. пат, а името на годинашниот лауреат на јавноста ќе ѝ биде соопштено на прес-конференција на 14 март. Свеченоста на доделувањето е закажана за 26 март. (Т.И.)

Романи кои влегоа во третиот круг за наградата „Роман на годината“

1. „Очи со боја на чевли“, Петар Андоновски, Кликер маркетинг

2. „Ќерката на математичарот“, Венко Андоновски, Табернакул

3. „Фото синтеза“, Игор Анѓелков, Или-или

4. „Јадица“, Владимир Плавевски, Силсонс

5. „Ненасловена месечева соната“, Давор Стојановски, Или-или


Што мислите за изборот, сте читале некој од романите, како ви се допаѓаат? Кој е вашиот фаворит оваа година? Кој има најголеми шанси да ја добие наградата?

 

[ЈуријАркадиевич]

Мислам дека се знае кој ќе ја добие наградата. Дури и очигледно е. Без разлика на квалитетот на останатите романи, добитникот ќе е добиен и од една друга перспектива која е скоро неможна да не се забележи. Со ова не го оспорувам квалитетот на романот на Венко, ама верувам дека ќе ја добие наградата и од друг аспект. Доволно е да се види комисијата.

 

[langelina]

Венко веќе ја има добиено таа награда. Малку е чудно што пак конкурира за роман на годината. Колку што се сеќавам, тој беше дури и во жири-комисија едно време...

 

[Setsuko]

Само романот на Венко го имам прочитано, овој на Давор го читам моментално, ме интересираше мислење од луѓе што се во тек со настаните и што ги следат овие работи.

Венко имаше некои опструкции при конкурирањето бидејќи наводно романот му излегол по датумот што е предвиден, но очигледно не го повлекол иако и самиот рече дека размислува за таков потег. Мислам дека и Игор Анѓелков е сериозен конкурент, па ќе видиме.

 

[Setsuko]

„Јадица“ од Владимир Плавевски е „Роман на годината“ за 2013.

„Јадица“ го следи животот во Домот за најденчиња и во Домот за деца без родители, раскажан јасно и прецизно, во најдобрата традиција на она што ни е познато како жанр-литература. „И во тој дел, а и низ целиот роман, има многу впечатливи ликови, јазикот е главно колоквијален и сообразен со ликовите, а раскажувањето тече живо и брзо, што не е баш лесна книжевна задача. Според природата на сижето, општите места врзани за детските доживувања полека се стопуваат со општествената слика, која јасно испливува особено од моментот кога сирачето Најден Петковиќ односко Петковски (зашто е најдено во петок) ќе биде усвоено од мајка Зага и татко Марко и ќе добие ново презиме, Дреновски...“, се вели во образложението. Жирито додава и дека романот е широка слика на едно време, со впечатливи ликови, со живо опишани ситуации, со уверливи дијалози, драматичен и со чувство за филмско кадрирање, што му дава и еден ликовен квалитет.

 

[Kangchenjunga]

Роман на годината - „Бруклин“



Денеска објавуваме извадок од книгата „Бруклин“ од Дамјана Видическа, издание на „Македонска реч“

Седев покрај прозорецот и гледав надвор. Гледав, но ништо како да не забележував. Од едната страна на старото, испрашено стакло, застанав играјќи си со малото стрес-топче во раката, а другата беше раздвижена, забрзана, со бучни улици, нерасположени и расположени минувачи, со еден збор – Бруклин. Не знаев дали да се чувствувам тажно за жената на која еден маж само што и' ја украде чантата на улицата или да се чувствувам среќно бидејќи по долго време се наоѓав на добро место. Конечно, по толку време се чувствував исполнето и задоволно.

„Џон? Каде си?“, престанав да го фрлам топчето во висина и се свртив. „Ех, тука си...“, рече вујко ми Мајк, влегувајќи во собата.

„Еве сум, каде би можел да бидам?“, реков ставајќи ги нозете на масичката и продолжувајќи да гледам низ прозорецот.

„Што ти е? Што си нерасположен?“, ме праша додека ја соблекуваше униформата.

„Напротив. Сега сум многу порасположен отколку што сум бил други денови“, одмавнав со главата.

„Слушај, Џон, знам дека и двајцата имаме поминато низ многу работи, но јас сум ти вујко... Кога ти било тешко, сум бил покрај тебе. Можеби и сега не е најдобро време, но работите одат кон подобро.“

„Знам. Но, тоа не значи дека не би сакал да го вратам времето и да променам некои работи.“

„Секој човек тоа го посакува, зар не?“, ми одврати и излезе од собата, веројатно во тоалетот.

Секогаш кога разговарав со вујко ми, не можев, а да не се сетам на се' што се случи пред неколку години. Поточно, пред три. Тој спокоен момент во кој бев сега, само пред неколку минути, ми го нарушија оние стари, темни мисли. Не можев, а да не помислам. Се' уште јасно ги гледам сликите пред мене, како се' да се случи вчера. Но, зошто токму мене?!

http://utrinski.unet.com.mk/?ItemID=39583BE2B5C4BF46A5520897B7934F00

 

[arakenx]

За жал политиката е се' присутна. Претседател на одделение не се избира без мешање политика, а не пак роман на годината. Бидејќи живееме во мала држава со уште помалку книжари и библиотеки, поверодостојно е да се соберат податоци кој роман колку се продава и колку се изнајмува отколку вака. Форсирањето на одредени автори по секоја цена, кај мене создава одбивност.

 

[BilboBaggins]

За жал политиката е се' присутна. Претседател на одделение не се избира без мешање политика, а не пак роман на годината. Бидејќи живееме во мала држава со уште помалку книжари и библиотеки, поверодостојно е да се соберат податоци кој роман колку се продава и колку се изнајмува отколку вака. Форсирањето на одредени автори по секоја цена, кај мене создава одбивност.

Не се согласувам со ова бидејќи најпопуларно не значи најдобро. Замисли награда роман на годината да добие Коста Петров или Лајла Грејс

 

[langelina]

За жал политиката е се' присутна. Претседател на одделение не се избира без мешање политика, а не пак роман на годината. Бидејќи живееме во мала држава со уште помалку книжари и библиотеки, поверодостојно е да се соберат податоци кој роман колку се продава и колку се изнајмува отколку вака. Форсирањето на одредени автори по секоја цена, кај мене создава одбивност.

Ја расипаа и оваа награда, а баш некако убаво беше кога почна.
Не знам каков е ланскиот победник, романот Јадица. Венко се бунеше дека не бил добар, а за жал, неговата Ќерка на математичарот е неверојатно лоша книга.[DOUBLEPOST=1455099386][/DOUBLEPOST]

Не се согласувам со ова бидејќи најпопуларно не значи најдобро. Замисли награда роман на годината да добие Коста Петров или Лајла Грејс

Така е. Но она што е горе постирано од романот Бруклин е лошо. Петров не сум го читала, неговата е нешто селфхелп, а Лајла пишува за тинејџерки, она што беше некогаш „Неколку потези со четка“, сега го имаме у домашно издание.

 

[џимеј]

Роман на годината - „Бруклин“


Денеска објавуваме извадок од книгата „Бруклин“ од Дамјана Видическа, издание на „Македонска реч“

Ова е влезено во потесен круг или? Личи на транскрипт на брејзерс порно

Ја расипаа и оваа награда, а баш некако убаво беше кога почна.
Не знам каков е ланскиот победник, романот Јадица. Венко се бунеше дека не бил добар, а за жал, неговата Ќерка на математичарот е неверојатно лоша книга.
Така е. Но она што е горе постирано од романот Бруклин е лошо. Петров не сум го читала, неговата е нешто селфхелп, а Лајла пишува за тинејџерки, она што беше некогаш „Неколку потези со четка“, сега го имаме у домашно издание.

Пред 2 години беше Јадица, а лани мислам победи роман од Луан Старова.
За лани поточно, во последниот круг од 4 книги, беше една катастрофално лоша книга, Куфер за тројца од Живко Грозданоски.

Од оваа книга треба да се бега како од ѓавол, а беше некако влезена во најтесен избор.

 

[Kangchenjunga]

Ова е влезено во потесен круг или? Личи на транскрипт на брејзерс порно

Поим немам. Во Нова Македонија насловот беше тој Бруклин - Роман на годината. Го цитирав тука да видам другите што ќе кажете.

 

[langelina]

Ова е влезено во потесен круг или? Личи на транскрипт на брејзерс порно

Пред 2 години беше Јадица, а лани мислам победи роман од Луан Старова.
За лани поточно, во последниот круг од 4 книги, беше една катастрофално лоша книга,Куфер за тројца од Живко Грозданоски.

Од оваа книга треба да се бега како од ѓавол, а беше некако влезена во најтесен избор.

Хахха! А бре, ме изнасмеа со бегањето кака од ѓавол! хахахах!
Се гледа дека не ги следам работите. Кога беше Јадица, да не се бунеше Венко, немаше ни да знам како се вика.

 

[Zlatikevichius]

Малку да ја вратам темава во живот. Еве мала ретроспектива кој сѐ ја има добиено наградата Роман на годината на Утрински, и кој сѐ бил во најтесна конкуренција за истата.

(Црвено - победник, сино - финалист, црно - влегле во претпоследен круг, зелено - два круга пред финале)

1999 - Слободан Мицковиќ „Куќата на Мазарена“ самостојно
Блаже Миневски „Требаше да се сликаме пред да се замразиме“ Култура
Јован Павловски „Освојување на слободата“ Ми-Ан

2000 - Венко Андоновски „Папокот на светот“ Три
Александар Алексиев „Деветте круга на пеколот“ Сигмапрес
Оливера Николова „Адамовото ребро“ Матица

2001 - Димитар Башевски „Бунар“ Слово
Димитрие Дурацовски „Инсомниа“ Магор
Ермис Лафазановски „Опишувачот“ Магор

2002 - Гоце Смилевски „Разговор со Спиноза“ Дијалог
Луан Старова „Тврдина од пепел“ Ѓурѓа
Слободан Мицковиќ „Самоубиецот“ Култура
Јован Стрезовски „Последното прибежиште“

2003 - Милован Стефановски „Изгубен жегол“ Сигмапрес
Митко Маџунков „Времето на ирвасите“ Три
Мето Јовановски „Продавница за љубопитните“ Макавеј
Блаже Миневски „Приказна за третиот“ Три

2004 - Оливера Николова „Куклите на Росица“ Култура
Јагода Михајловска Георгиева „Каменот од твојот ден“ Култура
Лидија Димковска „Скриена камера“ Магор
Тања Урошевиќ „Аквамарин“ Магор
Иван Чаповски „Тајната на Мајлс Френклин под Кајмакчалан“ Култура
Коле Чашуле „Тој што нема име“ Слово

2005 - Пајо Авировиќ „Џахиз и истребувачите на кучиња“ Детска радост
Божин Павловски „Мирисите на доилката“ АЕА
Луан Старова „Ервехе“ Ѓурѓа
Оливера Ќорвезировска „Заклученото тело на Лу“ Магор
Петре Бакевски „Кога полжавите летаа“ Тера Магика
Игор Исаковски „Пливање во прашина“ Слово
Данило Коцевски „Пиколомини пред вратите на Скопје“ Три
Христо Крстевски „Равенска трилогија“ Македонска реч
Јордан Плевнеш „Осмото светско чудо“ Култура
Миле Неделковски „Пределот со две годишни времиња“ Макавеј
Добре Тодоровски „Над тагата“ Современост

2006 - Кица Колбе „Снегот во Казабланка“ Три
Венко Андоновски „Вештица“ Култура
Ермис Лафазановски „Храпешко“ Магор
Калина Малеска „Бруно и боите“ Слово
Елизабета Баковска „Патот кон Дамаск“ Слово
Србо Ивановски „Синот“ Слово
Ким Мехмети „Ритуалите на Нишане“ Макавеј
Ташко Георгиевски „Црна билка“ Макавеј

2007 - Блаже Миневски „Нишан“ Макавеј
Гоце Смилевски „Сестрата на Сигмунд Фројд“ Култура
Димитар Башевски „Братот“ Слово
Славчо Ковиловски „Опасен сум“ Темплум
Аполон Гилевски „Сонот на жолтата пеперутка“ Матица
Кире Илиевски „Мемоарите на Алберт Ајнштајн“ Фонд. „Рамковски“
Александар Прокопиев „Ѕиркачот“ Магор

2008 - Јагода Михајловска-Георгиева „Индиго Бомбај“ Три
Ирена Јорданова „Помеѓу“ Или Или
Кица Колбе „Жените Гаврилови“ Табернакул
Петре Бакевски „Пауните умираат на небо“ Тера Магика
Трајче Кацаров „Татко и отец“ Македонска реч
Братислав Ташковски „Ако даде Господ“ Макавеј
Влада Урошевиќ „Невестата на змејот“ Магор

2009 - Томислав Османли „Дваесет и првиот“ Блесок
Ермис Лафазановски „Недела“ Магор
Драги Михајловски „Бајазит и Оливера“ Каприкорнус
Оливера Николова „Белиот чад“ Или Или
Јован Павловски „Град, луѓе, години“ Ми-Ан
Ким Мехмети „Седумте чинари“ Макавеј
Димитар Пандев „Пропатување низ приказните“ Македонска Реч
Винка Саздова „Последниот чај“ Три

2010 - Душко Родев „Човекот што ги сакаше калинките“ Македонска Реч
Роберт Алаѓозовски „Готен“ Готен
Владимир Јанковски „Вечно сегашно време“ Темплум
Владимир Попов „Наспроти ветрот“ Култура
Гоце Ристовски „Се гола вода мој Ѓорѓија“ самостојно
Игор Анѓелков „Крај - пат“ Или Или
Владимир Плавевски „Последниот сплавар на Вардар“ Македонска Реч
Милован Стефановски „Стража“ Табернакул
Методија Фотев „Вивариум“ Дијалог

2011 - Снежана Младеновска-Ангелков „Единаесет жени“ Или Или
Илхами Емин „Огнени птици“ Три
Владимир Костов „Писание за Страшниот суд“ Матица
Љубомир Јовановски - Кара „Проколнати“ Култура
Христо Петрески „Лифтот (не) е за двајца“ Феникс
Трајан Петровски „Црвоточина“ Матица
Љубомир Цуцуловски „Роман во една ноќ“ ВиГ Зеница

2012 - Митко Маџунков „Птиците од ланските гнезда“ Три
Лидија Димковска „Резервен живот“ Или Или
Ермис Лафазановски „Историја на луѓето што умреа од страв“ Магор
Илхами Емин „Ѕид што оди“ Магор
Александар Русјаков „Тринаесеттиот месец“ Или Или

2013 - Владимир Плавевски „Јадица“ Силсонс
Венко Андоновски „Ќерката на математичарот“ Табернакул
Петар Андоновски „Очи со боја на чевли“ Кликер
Давор Стојановски „Ненасловена месечева соната“ Или Или
Игор Анѓелков „Фото синтеза“ Или Или

2014 - Луан Старова „Балканвавилонци“ МАНУ
Живко Гроздановски „Куфер за тројца“ Или Или
Игор Станојоски „Гаргара“ Панили
Фросина Параковска „Вишнова хроника“ Или Или
Думитрие Дурацовски „Бледи сенки, далечни гласови“ Магор
Божин Павловски „Рогот на љубовта“ Матица
Александар Русјаков „Атена со пенис“ Или Или
Дејан Трајкоски „Неверство“ самостојно

2015 - Петар Андоновски „Телото во кое треба да се живее“ Или Или
Владимир Јанковски „Невидливи љубови“ Антолог
Берт Стајн (Бранко Прља) „3 минути и 53 секунди“ Готен
Јана Лозановска „Дневна соба“ Или Или
Божин Павловски „Градинар, пустина“ Матица
Владимир Плавевски „Комита“ Македоника Литера
Петар Петрески „Светицата и разбирачот“ Слово
Винка Саздова „Луна“ Три

2016 - Давор Стојановски "Собирачи на пепел" Или Или
Игор Станојоски "Првиот универзитетски ден на мојата ќерка" Или Или
Ана Стојаноска "Јас и Лин, отпосле" Блесок
Лидија Димковска "Но-Уи" Или Или
Божин Павловски "Америка, Америка" Матица
Семра Самет Алоски "Австралиска сага" Алманах
Ѕвездан Георгиевски "Недела дена во животот и смртта на Гроздан" Темплум
Томислав Османли "Бродот. Конзархија" Магор
Ташко Саров "Злостана" Аз-Буки
Милован Стефановски "Рапави стихови" Везилка 2011

Што од ова имате? Што од ова имате прочитано? Дали сметате дека оваа награда е вистински одраз на квалитетот во македонската книжевност или има други романи кои се многу подобри од овие? Ова последново, зашто често се случува наградата за Роман на годината која ја доделува Друштвото на писателите на Македонија да е многу поразлична од оваа на Утрински, т.е. да ја добие роман кој тука не бил ни во потесен круг (до некаде и разбирливо, со оглед на тоа што ДПМ доделува награда само за членовите на ДПМ, а верувам овој нов бран наши писатели не се членови на ДПМ).

Јас сакам да си направам колекција на сите наградени и/или финалисти, и на добар пат сум, речиси половина од романите ги имам во домашната библиотека.

 

[Saladin]

Вака нешто:

Црно - книги кои се` уште ги немам прочитано
Зелено - книги кои ги имам прочитано и уживав
Сино - Книги кои се ок, но не побудија некоја огромна тежина
Црвено - книги кои им дадов повеќе шанси но...



Блаже Миневски „Требаше да се сликаме пред да се замразиме“ Култура
Венко Андоновски „Папокот на светот“ Три
Гоце Смилевски „Разговор со Спиноза“ Дијалог
Јагода Михајловска Георгиева „Каменот од твојот ден“ Култура
Лидија Димковска „Скриена камера“ Магор (Од Или-или, поновото издание)
Венко Андоновски „Вештица“ Култура
Гоце Смилевски „Сестрата на Сигмунд Фројд“ Култура (проширената верзија од Дијалог)
Јагода Михајловска-Георгиева „Индиго Бомбај“ Три
Ирена Јорданова „Помеѓу“ Или Или
Винка Саздова „Последниот чај“ Три
Игор Анѓелков „Крај - пат“ Или Или
Лидија Димковска „Резервен живот“ Или Или *
Петар Андоновски „Очи со боја на чевли“ Кликер <= озбилно има ваква издавачка куќа?
Давор Стојановски „Ненасловена месечева соната“ Или Или
Игор Анѓелков „Фото синтеза“ Или Или
Игор Станојоски „Гаргара“ Панили
Фросина Параковска „Вишнова хроника“ Или Или
Петар Андоновски „Телото во кое треба да се живее“ Или Или
Владимир Јанковски „Невидливи љубови“ Антолог
Јана Лозановска „Дневна соба“ Или Или
Давор Стојановски "Собирачи на пепел" Или Или
Игор Станојоски "Првиот универзитетски ден на мојата ќерка" Или Или
Лидија Димковска "Но-Уи" Или Или

*ќе и` дадам трета, со надеж дека нема да ја имам таа горчина кога ја читав прв пат

 

[Spell Caster]

Црно - книги кои се` уште ги немам прочитано
Зелено - книги кои ги имам прочитано и уживав
Сино - Книги кои се ок, но не побудија некоја огромна тежина
Црвено - книги кои им дадов повеќе шанси но...

Ме дриблаш ?