Ај прво за лошото, па постепено кон доброто.
Ја најуваа како прв македонски сит-ком, а половина од ликовите ќе говорат (лош) српско-хрватски. Аман, де излезете од сенката на Југославија веќе еднаш! Освен ако не е снимана во копродукција со некоја српска куќа и планирано е прикажување и таму, идејата им е глупава и имаат голем минус кај мене. Да сакав Хрвати да слушав ќе си пуштев ХРТ како секој нормален Македонец, ебаго.
Некои ликови делуваат претерано стереотипно, имав некои cringe моменти на Тијана, Јелена и Зафирчев, ама сепак е ова пилот и нормално е да има насилено запознавање со ликовите. Исто и сценариото не би го коментирал, нема што многу да се каже кога тема во прва епизода е влез во пансионот. После три-четири епизоди ќе се виде дали сум во право. Актерската екипата е искусна и докажана, очекувам да се покажат и тука. Смеењето изненадувачки не ми пречеше толку многу, иако сигурен сум дека ќе биде подобро без него.
Од техничка гледна точка беше мелем за очи, веројатно најдобро спремен телевизиски проект кај нас. Прва серија што не е снимана во станче од 50 квадрати туку во посебно изградено студио. Добра сценографија, добра костимографија и добра монтажа со убаво пресечени кадри, а не како снимана театарска претстава.
Врв на цела епизода - рекламниот спот на крај. Прекрасно доловена класична нискобуџетна реклама на регионална македонска телевизија, снимена со застарена опрема, монтирана со видео ефекти од ’92, со писмо одоздолу, со промашени кадри и изобилие од нагли потези со камерата затоа што на снимателот му се тресела раката од петте ракии што ги испил претходно. Ааа, уметност.