Ќе ги наведам книгите кои ги имам прочитано до сега и ќе дадам по некој коментар за тоа дали ми се допаднала или не некоја книга.
Книга бр. 1 : Калуѓерот што го продаде своето ферари - Робин Шарма.
Книгата се чита лесно, но исто како да читаш нешто од Ог Мандино, или Марфи. Целата книга содржи принципи за да си го подобрите животот, за позитивното мислење и такви работи.
Се на се, книга која не ми остави некој голем впечаток.
Книга бр. 2 : Порака во шише - Николас Спаркс.
Кога почнав да ја читам книгата мислев дека ќе биде типично дело на Спаркс, но како што ја читав книгата многу ми се допадна, се повеќе и повеќе. Не дека сум некој голем обожавател на делата на Спаркс,но оваа ми остави многу добар впечаток, на некој начин се пронајдов во главниот лик Тереза Озборн, таа има се што би сакала да бидам во иднина. Пристојна работа со добра плата, да работиш тоа што го сакаш и да бидеш прекрасна мајка.
Сето тоа беше убавно, но некако крајот наместо да го украси делото, тој го упропасти. Никогаш не сум била против тажниот крај, но некако ми ја уништи целата приказна. Мислев дека ќе ја сместам во листата на мои омилени книги, сепак, остана како книга која ми остави само добар впечаток.
И, многу брзо се чита што кога ќе го погледнев часовникот сфаќав дека изминало многу време откако сум почнала. Ви ја порачувам топло, за да се опуштите.
Книга бр. 3 : 100 празни страници - Сирил Масарото
Можеби ќе звучам многу себично , но оваа книга дефинитивно ја сместувам во редицата со книги кои еднаш сум ги прочитала и никогаш повеќе. Кога ја читав се чувствував како времето да стои и како да сум цели два часа на една иста страница.
Главниот лик во делото добива само еден "беден" нотес од дедовото наследството додека неговите сестри добиваат по половина од имотот. Тие го споделуваат со него тоа што им го оставил дедо им. Точно во моментот кога сака да го фрли нотес добива писмо од нотарот.
Во писмото му е објаснато што треба да направи и зошто му го оставил нотесот.
Всушност, нотесот се предава само на една личност и тој функционира само на таа една личност.
Нотесот му ги оживува спомените и прави да се чувствува како да се наоѓа на истото место во истото време.
Тоа е тоа во главно.
Книга бр. 4 : Крај реката Педра седев и плачев - Пауло Коелјо
За оваа книга можам да кажам дека ми беше поучна за некои работи, но ништо посебно. Очекував многу повеќе со оглед дека тоа е дело на Коелјо за кого сметам дека е маестрален, но добро. Исто така, пронајдов и многу добри цитати.
Тема на делото се дечко и девојка кои се знаат уште од мали и се заљубуваат, но тие имаат многу различни погледи на светот. Момчето сака да истражува, додека девојката сака само да заврши факултет и да најде пристојна работа, да се омажи и да живее со мажот, но неговите гледања одат многу подалеку од тоа. Тој замина во по тоа што го брана, но неговата љубов кон девојката останува, па после некое време ја повикува кај него со што доаѓа до пресрт.
На крај остануваат заедно после поминати многу авантури и препреки.
Книга бр. 5 : Сосема нов пријател - Мајк Гејли
Чик литература. Дефинитивно местото и е во таа група.
Се чита брзо, роман кој ве опушта но на крајот не чувствуваш ништо само сфаќаш дека си се 'растресил' од оние работи кои те држеле под притисок. За релаксација.
Главниот лик во овој роман се преселува во Манчестер кај неговата девојка, но таму не може да стекне пријатели. Се обидува преку свршениците на пријателките на неговата девојка, се обидува преку огласи, но ништо од тоа. После некое време тој го пронаоѓа својот пријател со таа разлика што неговиот нов пријател е таа, женско. Со тек не времето се е добро, тој и кажува на својата девојка,таа нема ништо против, но понатака се појавуваат чувства кои остануваат потиснати длабоко внатре.
После добар период чувствата веќе не можат да останат внатре, по што девојката признава што всушност чувствува со што го 'шлогира' главниот лик. Но, не биле тие чувства онакви за какви се претпоставувало дека биле, не знаат ни тие какви се тие чувства, но дефинитивно не се љубовни.
Па така, happy end, таа си наоѓа дечко, тој останува со својата девојка и секој по својот пат.
Просечно.
Оваа година имам прочитано само една книга а деновиве кај и да е ќе ја започнам втората. 
