Легнувам.
Гасам светла.
Готово, ќе спиеме.
...после 10 минути станувам и носам салата и кафе со мене у кревет, и вадам книга од под перница.
Џвакам, пијам, шлакам, истурам, ждригам.
Кревам све тоа и пак легнувам мирна.
Сега е таман, заспивам.
...после 10 минути станувам и одам да мочам.
Попат ми текнуваат стихови, палам ламба, лежам и запишувам.
Ме потсетувале на некоја песна.
Станувам, палам систем, дремам у задоволство додека не заврши.
Доста беше веќе, гасам ламба, ќе спијам.
...после 10 минути ѕвони телефонот, пишал некој осамен патник у ноќта.
Какво спиење? Подочњак до коленици, ѕвезди пред очите, ама на некоја кутра душа и треба муабет!
Станувам, џбарам низ 3 соби додека го најдам телефонот на татко ми.
Палам телевизор за друштво, штракам 15 минути.
Се враќам назад, лежам.
Ќе спијам.
Е сега почнувам да размишљам за смислата на животот.
Ги бркам мислите, пикам глава у перница, ќе спијам!
...по 5 минути, пак ми се моча.
Станувам, се враќам.
Задремувам.
...арно ама Сонцето почнува да изгрева, баталувам и спиење и топли кревети и си седнувам на улица да го гледам.