11 новопотпишани странци во екипи кои пролетва не играат во Европа (значи без Вардар / Пелистер / Металург, со нив се 14). Од нив 7 кај екипи кои играат плеј аут. А ги имаше и мислам најмалку уште толку уште од стартот на сезоната потпишани.
Е ова е главниот пример за катастрофално менаџирање со наши/државни пари. Јас можам да се обложам дека најголем дел од нив не се различни од македонските играчи во лигата. Нема логика на вакви играчи со слаб квалитет во екипи каде секако нема да направат разлика да се трошат пари од ваучери. Сто пати подобро ќе беше да ги вложат овие пари во нешто од следното:
- Да се набави герфлор тип на под
- Да се воведе греење
- Да се реновира покривот или соблекувалните на салите во кои играат
- Да се направи/среди паркинг простор во склоп на салата ако нема соодветен.
- Да се ангажира нутриционист или психолог специјалист за работа со млади категории
- Да се инвестира во дополнителни обуки на тренерите во екипата и регионот од кој доаѓа (тренери на сениори, младински екипи, школи и слично)
- Да се инвестира во маркетинг за поголема посетеност на натпреварите тогаш кога ќе биде дозволена публика
И многу други работи...
Јас не сум за тоа дека не смее да има странци во лигата. Има бенефит од тоа да има по некој странец на позиција каде има дупка во некоја екипа со цел да се помогне развојот и на сопствените домашни играчи и генерално да се крене нивото на лигата од што сите имаат бенефит. Ама тоа мора да има логика. Мора странецот да е или со екстра квалитет или некој многу млад со висок потенцијал од кој екипата во иднина ќе заработи од продажба.
Мислам дека најлесно решение е да не може ваучерите да се користат на плати на странци. Вештачко ограничување на арбитрарна бројка се покажа дека прави повеќе штета од добивка. Ако некој има доволно дополнителни приходи од спонзори и продажба на влезници тогаш може да си дозволи странци но со тоа ќе има и обврска да испорача резултати за таа инвестиција (а за резултати треба појаки играч, а не random странци).
sport1.mk
24rakomet.mk
www.gol.mk
