Сум пишала огромен пост, ама мамата, ми се укочи компјутеров и морав да го рестартирам. Не можам пак истото. Ај на кратко.
Значи иако не повикана, да ви се умешам од страна.
Низ сите овие пропишани страни, никој не се буни против џукелите. Да беше така, јас ќе скокнев во нивна одбрана пред тебе, верувај.
Анчо не се буни против сопственикот на кучето. Се буни против некултурата и омаловажувањето од страна на концесионерот или кој и да бил дотичниот што го избркал. Исто и за кучето, не верував дека му сметало, а подоцна самиот истото го потврди.
Општа култура за мене е да се почитуваат повозрасни соговорници, без оглед дали и колку спротивни ставови од нашите имаат. Тоа секако дека никој не може секогаш да го практикува, но на една ваква тема, до некаде и срамота е да не е така.
Кај тебе за жал, на моменти повеќе препознавам омаловажување, баш како тоа на ликот од примерот. Исто за жал, препознавам и моменти каде што работите ги гледаш и живееш низ призмата на парите. Ако нештото имаш да го платиш, без оглед на било што друго, максимално го искористуваш. На страна ти е секој друг поим, посебно реакциите од другите луѓе. Веројатно тоа е таа култура што на повеќето им фали. Ако макар малку не засегаат другите, со самото тоа ќе имаме потреба да бидеме културни кон нив, од првичната потреба да не ги навредиме со нашите реакции, потези или дела.
Но ајде да продолжиме, да ја вратиме темава на првичната замислена насока. Слични примери за некултура од луѓето има милиони. Но еве еден, доста чест во денешницава... пред некоја година бев арогантно и некултурно избркана од влез на кафич, без посебно наведена причина. Од двајца горили, кои мене и моите 4 другари не не` сметаа за доволно интересни веројатно. Ќе беше поинаку да бев со 4 другарки, знам. Пробаа насмеани и културни да не вратат, кога излезе една другарка од внатре, да каже дека сме дел од групата која има резервирано повеќе маси. Јас секако со убитачна фаца и изреволтиран испад си заминав, иако беше форумџиска собиранка. Веројатно не се работеше за пари затоа што не би можеле по изглед да сфатат колку ми тежеше ташната, а тогаш беше потешка од нив двајца. Беше тоа сигурно она непишано и доста практикувано правило на повеќе жени внатре... знаете веќе како оди тоа. Тоа мислам дека е за степен полошо. Да те сортираат на врата, според изглед, пол, помалку парчиња облека и сл.
Избегавам такви места бидејќи се гадам од нив и од луѓето кои коси корнат да припарат внатре. Затоа и ова ми е единствен пример од тој вид на некултура. Ќе ми се прави мене некој голема фаца, со тоа што некултурно пред други луѓе ќе ме избрка од некаде? Да се правиш фраер со сељачко однесување. Врв! Но знам дека и за нив нема лек. Додека ги има таквите кои се сметаат за привилегирани кога им е дозволено да влезат во посакуваниот објект, до тогаш ќе има некултури кои ќе мислат дека се над сите нив, затоа што им е дадено право да ја прават потребната селекција, а згора на тоа и да бидат платени за тоа. Ќе бираме луѓе како јагниња за Велигден... кул!
Дотичниот член во многу наврати сум го одбранила од невкусни дофрлања од разни членови, но роден татко да ми, нема да ме боцка кај што најмногу ме боли.
Јас во ниту еден наврат не го одбранив концесионерот, освен ако легално има право да не дозволи некој да ја користи плажата бесплатно. Не станува збор за ,,призмата на парите,, но пази, која е смислата јас да платам нешто, друг да не плати, и двајцата да го имаме? Зашто тогаш јас да платам? Ако можам бесплатно? И уште одозгора, некој бил навреден зашто ,,џукелата,, имала предност? Не е работата дали џукелата имала предност (добро знаеме дека нема, џукелите во државава се во незавидна положба), туку ниту на момент не му текнува ЗОШТО тоа место е смислено баш така, да можеш кучето да го однесеш.
Муабетов е како во парк, ајде во специјалното делченце од парк што е за кучиња, некој да внесе дете и да побара сите кучиња да бидат врзани. Не е важно што детето и човекот имаат на располагање цел парк, е баш тука сакале?!
Јас сум загрозена и понижена и не ми е добро многу пати, ради дискриминирачкиот однос на нашите хотели, плажи, кафичи, кај што НЕ МОЖЕ со куче да одиш. Морам да бирам кај ќе одам, не можам секаде, што ме става во полоша положба од било кој човек без миленик.
И онаму каде што веќе можам да отидам, и онаму ли да ми забранат?
Е не може, преку глава ми е. Нели збориме за основна култура? Каде е културата на луѓето што ги серат децата во парк (исто како оние што ги серат кучињата)? Или пошто е човечко, не е гомно?
Каде е основната култура на родителите, седам во ресторан на маса, околу маса ми се бркаат 5 деца и вриштат како улави, а родителите не реагираат. Ама тоа се деца, не е важно? Само во однос на кучиња е проблем културата?
Пред некое време, во сред маркет, едно дете седна на земја и вриштеше пола саат, цело време додека пазарував. Таткото мирно си стоеше до детето и го чекаше да престане. Викаш, културно е тоа?
Многу работи се некултурни овде, ама со извинение до сите увредени, она малку што ми е пружено, ќе го искористам. Баш зашто е малку, и зашто е занемарливо во споредба со она што ним им е достапно и можат да го искористат.
--- надополнето: 26 јуни 2012 во 05:34 ---
KОНЕЧНО уште еден пример за НЕ-култура,од страна на Дивајн,
а за тоа е и темата наменета,да кажате и вие ваши примери за
НЕ-култура. Темата не е за што сака и може Пумата.
--- надополнето: 26 јуни 2012 во 05:22 ---
Ќе пробам и тоа ,ќе платам (иако не се плаќа плажата и водата)
ама ете ќе седнам и ќе порачам нешто,но додека јас седам и
мојте внуци се капат во езерото,не сакам тоа да биде заедно
со некое “Животно“-поготово не големо тешко,на изглед страшно куче
Тоа што не пишува никаде дека е забрането за Кучиња да се капат
во водата (додека внатре има деца) не значи дека е дозволено истото
тоа се подразбира под општата Култура,а таа со пари не се купува,
тоа е таа домашна култура или култура на личноста.
Дали самото место дозволува кучиња (со оглед дека има куќарки)?
Ако дозволува, ако е таква политиката на самата фирма, зошто би отишол некаде каде што не ти одговара?
Дома се учи и дека децата не треба да вршат нужда секаде, па сведок сум на нешто друго кога ќе излезам низ Градски парк.
--- надополнето: 26 јуни 2012 во 05:35 ---
И јас кажав доста примири на некултура, само што вас не ви одговараат.
--- надополнето: 26 јуни 2012 во 05:35 ---
Не е регистрирано езерото за рекреација на џукели, Пумо.
А ниту им е забрането бањањето, исто така.
Е ај сега...
