Здраво, јас првпат се регистрирав на форумот за да го пренесам своето искуство (напоменувам дека немам искуство со ласерско отстранување на диоптрија), но ќе се задржам на - мое искуство со диоптрија. Ве молам од срце прочитајте го писаниево, за да извлечете поука.
Моето искуство со диоптрија
Значи вака, мене ми е откриено диоптрија при крајот на 17та година од животот (тоа беше 2013 год), тогаш имав систематски преглед и не ги погодив бројките, ми дадоа упат за да идам у болница и да си го проверам видот, јас после систематскиот преглед, тој лист го фрлив во ѓубре. И така во септември 2014 год, тогаш имав веќе наполнето 18 год, беа уписите за на факултет, одев да се запишувам во УГД Штип - во дисперзираните студии во Струмица и враќајќи се,сакав да ја преминам улицата, татко ми ме чекаше на другата страна паркиран и јас, претрчав на другата страна, напоменувам немаше пешачки премин и ме удри кола, не се сеќавам на ништо, татко ми вика дека сум летнала во воздухот неколку метри од силниот удар. Е сега не е темата за сообраќајната несреќа, за која јас сум си виновна јас туку акцентот го ставам на моето невнимание, значи јас уште тогаш не можев да ги гледам регистраските табли од 4 метра максимум, лупам значи не сум сигурна. јас бев како дефокусирана, избеумена, тоа е важен показател дека ми се расипува видот, но не сакав да си признаам. На факс не можев да прочитам ништо од таблата во амфитеатарот ниту пак од ЛЦД -то што беа прилично големи буквите, колешката од факс што седеше до мене пишуваше а јас гледав од неа пошто не можев да прочитам, матно ми беше се. Ете уште еден показател дека имам диоптрија, но јас пак продолжив да спијам и да не преземам ништо по повод тој проблем, тоа беше 2015год. Е сега др показател, во 2016год не можев ни во предавалната да читам од ЛЦД-то и така се засрамив пред проф, кога ми рече да прочитам нешто, јас само молчев. И ете така терав до 2018 год, (тогаш наполнив 22 год, бев 4та год студент).
Се додека бев способна да гледам пред мене, буквите на дисплејот на лаптопот молчев и трпев, но кога почнав се повеќе да го приближувам до мене екранот и кога не можев да читам превод на ТВ и кога не можев да ги препознавам фаците на луѓето, им реков на моите со страв дека имам проблем со очите не можам да гледам. Не можев ниту бројките на календарот, ниту пак бројките на дигиталниот саат да ги гледам како што сум можела пред мнооогу год. Морам да спомнам имав чести главоболки и плус болки во забите, цела вилица ме болеше, бев на операција да ми вадат 2та долни умници. И бевме на преглед кај приватен доктор - офтамолог, ми ги раширија зениците и ми открија диоптер -3 на левото и -2,25 на десното и астигматизам. И докторот рече: "што чекаше до сега, не може ништо да се направи освен да носиш наочари, барем една година порано да дојдеше подобро ќе беше". И така он ми даде -2.5 на левото за да не ми дојде нагло одма 3ка. И така почнав да ги носам наочарите, редовно, и во 2019год, бев на преглед во друга оптика каде одредуват диоптер компјутерски - на рефрактометар и беше забележано зголемување на диоптрија на десното -2.5 но без цилиндар а на левото се уште 3, но знаете стаклото ми беше -2.5 пошто првпат ми беа препишани очила и да не ми дојде нагло итн, и јас малку се разочарав. И сега оваа год. 2020 бев на преглед во мај после овие вонредни состојби, полициски часови и разни глупости и диоптерот повторно зголемен Л -3.25 и Д -2.75 со цлилиндар 0.5 изгледа. нз точно... И оптометичарот ми рече не е ништо страшно имаш зголемување за 0,25 на двете очи и цилиндар на десното... И ми рече дека диоптерот си расте тоа е нормално, и не може да се сопре... Јас пак бев разочарана.
Разочарана пред се од пристапот на докторите кон пациентите, значи они гледаат на нас како на пари, еден човек вреди толко колку што ке ја наплати услугата, 400ден офтамолошки преглед, нова рамка 2100 ден, и 3200 диоптерски стакла со заштита пред ПЦ и УВ заштита. Толку ми излезе овој пат. Не се баш љубезни, и тоа не ми се допаѓаше...
Мојата емоционална криза, заради рефракцискиот проблем
Сега ќе ја раскажам мојата емоционална криза, значи не сакав да си признаам дека имам рефракциски проблем, тоа го сметав како голем инвалидитет, почнав да се споредувам со другите, како некој на своите 35-40 па дури и 60год гледа совршено а јас на моите тогашни 20 год не можам да видам во фокус. Ете сега имам 24 год и ми се случува да бидам љубоморна и да се обвинувам себеси зошто стигнав до оваа мака.
Претпоставувам сите вие кои сте вклучени во оваа тема го имате истиот проблем, јас која се жалам на диоптер од -3,25 а вие можеби имат над 4 и уште подобро знаете колку е тешко да се функционира, јас две год носам очила и веќе ми се смачи, ги мразам, поненкогаш ми иде да ги фрлам, за леќи немав размислувано но се дрзнував да ги осудувам оние што носат контактни леќи зашто демек сакаат да изгледаат убави, тоа не е за осуда ниту за исмевање. Сега, напротив сфаќам зошто луѓето попрво одбираат леќи наместо наочари. Вака како што слушам тешки се за одржавање мислам дека не би можела, страв ми е да користам леќи. А тие наочари што ги носам, не ми даваат комплетна изостреност, и шроко видно поле, наочарите се колку да гледаш минимално и за ништо друго не помагаат, и покрај УВ заштитата на стаклата мене ми пречи директната сончева светлина дури и силна Лед ламба, најверојатно тоа е така заради цилиндричната диоптрија, ми се темни кога станувам нагло, и кога влегувам од надвор во соба, затемнето ми е, не гледам баш најдобро. Имам читано дека леќите колку-толку се далеку подобри од наочари и даваат подобра слика, но ете немам пробано
Што сакам?
Јас сакам диоптријата да престане со пораст, ако е можно тоа воопшто, би се задоволила и со сегашната состојба -3.25 и -2,75 само да не ми расте повеќе. Имам 24 ипол год и размислувам дури и за ласерска корекција на вид. Имам слушнато дека диоптерот во - не се намалува но само расте, што не е случај и кај +. И ете посведочив дека е така, мојот диоптер постојано расте.
Но со оглед на мојата состојба јас очигледно не сум кандидат, зашто немам стабилна диоптрија миниум една год. Леќи немам ставано до сега, немам ни купено, скапо е и тешко е за одржавање и плус страв ми е. Наочарите ме нервираат и сакам да се ослободам од нив и да гледам како секој нормален човек со здрави очи. Се плашам од ласерска корекција зашто страв ми е барајќи рогови да не останам и без уши, тоа е ризичен зафат.
Зошто НЕ за Ласерска корекција
Затоа што едни болници велат деца до 18 год не може да се оперираат окото уште расте бла бла бла. Некои велат после 25 год, демек диоптријата се стабилизира, окото не расте. А гледам некои прават и на 17 год операции и луѓе од по 22 год направиле веќе оперцаија. Некаде читам не фаќале постари од 40 год а некаде велат можело до 50. Ајде ви се молам какво е тоа, некаде може, некаде не може. Некаде можело и ако диоптерот не ти пораснал над 0,50 а некаде велат мораш да имаш стабилен диоптер минимум 1 год. Некои велат 95 посто успешност на операција односно симнување на диоптер до 0, некои велат 98 посто успешност
По сето ова можеме да заклучиме дека тоа е ризична операција, штом се потпишуваш тоа е се на твој грб твоја согласност и ако има проблем сам одговараш за тоа. Никој не е крив ако операцијата биде неуспешна . 2-3 недели само за ласерска корекција на вид истражувам и тоа го запамтив, ниеден збор немам додадено или одземено. Гледам се врши и маркетинг по форумите за некои очни болници, што не е во ред, сепак станува збор за орган за вид, па и за што друго да е, секој е должен да го каже своето искуство а не да зборува од името на другите, и ваш близок дури може да ве зезне д арече дека е задоволен од резултатите на операцијата 2-3 год па може да рече и 5-6 и 10 да рече дека гледа перфектно но само он си знае како е навистина.
Зошто е ризично да се врши ласерска корекција после 40, затоа што човечкото око старее, не е исто како на 15, 20 год и 40, но на некои доктори не им е гајле за вашите очи, на нив им се битни само вашите пари
Ризично е и за бремени жени растел диоптерот во тек на бременоста така читам, ризично е и по бременоста.
Зошто по 1000 евра коштат тие операции во Македонија, затоа што многу народ го има тој проблем и затоа така црпаат пари,а зафатот не е тежок, прегледот бил потежок. Секој човек сака да гледа убаво без оптички помагала, па дури би пристапил и на ваков чекор, за да се ослободи од тоа...
Ете јас на пример копнеам да гледам убаво, дури и би се одрекла од многу работи и навики, дури и во постоперативниот период да би ми понудиле 30000 ден или 50000 за работа пред пц јас би одбила, сепак тоа е големо искушение.
Што барам јас?
Јас барам искрени луѓе - доктори што се грижат за здравјето на пациентите, што ја почитуваат заклетвата која ја дале кога станале доктори и сакам да паднам само во искрени раце а не кај крвопијци што ја цицаат крвта и гледат на секој пациент како извор на пари...
Се пријавив на едно онлајн предавање на систина офтамологија за ласерска корекцја на вид, и маил не ми стигна дури ме бараа на тел да прашат дали ми стигнало маил и така ми испратија маил еден саат пред предавањето и го отворив инсталирав зум апликација и почна предавањето и добив 50 посто попуст на преглед. Е сега малку ми е чудно, зошто толку навалија да присуствувам на предавањето и зошто им е битно да се прегледам таму дури ми се јавија, попустот трае 3 месеци, не сум отишла се уште.
Најверојатно сфаќате зошто се сомневам, кога лќе дојде некој да те бара да моли значи он има потреба од тебе, а не ти од него, се плашам дека експериментираат со нечии очи.
Совет од мене за сите оние што се кандидати за ласерска корекција.
Убаво да се информирате за ПРК метода и ЛАСИК, тоа не е ваше да бирате, испитувањата ќе проценат најдобро која метода е идеална за вас, има и други методи, не ги знам, сите да се придржувате кон препораките, да не се правите паметни да измислувате свои правила, што повеќе се придржувате кон препораките толку подобро. Секој може да издржи без меки леќи една недела минимум (иако некој велат 3 дена) пред преглед, секој може да издржи 1 недела минимум да не си ја мие главата после операција, секоја може да издрже 2-3 месеца без шминка и секој може да издржи без смарт телефон, компјутер. Значи се работи за здравјето на вашите очи. Ви се молам размислете околу темава, штом се направите ваква операција/зафат морате да промените некои работи, навики, начин на живот итн. Прво посочувам, да се бега од ТВ екраните и компјтери телефони како ѓавол од крст, диоптерот најчесто е како резултат од овие срања.
Ако јас сум потенцијален кандидат што би?
Верувајте ми, јас ако сум потенцијален кандидат, ќе ги извршам потребните жителски обврски пред оперцијата неколку дена, се што имам на лаптоп правам бекап и на тел, некои неопходни работи завршувам на ПЦ ако ми се стварно од голема важност и веќе штом завршам се збогувам со ПЦ-то во мој случај лаптоп и и смартфон и одам на операција, дома се враќам 1 месец нема чепкање ПЦ нити тел, после тоа само по потреба, исклучително по потреба, Вака ќе си го променам животот и ќе се ослободам од злото наречено интеренет ,соц мрежи, итн. Нема ништо од тоа драги мои, се е ветар и магла, не го зборам тоа зашто сум хејтер на соц медими него дека, не можам повеќе. срцето ми се вознемири од тоа што го гледам. Ако пак не сум кандидат за ласерска корекција Господ најдобро знае што е за мене и нема да тагувам. И онака животот си го уништив во минатото со беспотребно седење на ПЦ од по 6 саати 10 саати некогаш а некогаш од мрак до зори, сама си го упропастив видот затоа сметам дека не сум достојна да гледам подобро, ми се заморуват очите сега со наочарите не седам како шо седев по толку долго.
Не знам колку е во ред да размислувам за ласерска корекција на вид, зашто сепак сум православен христијанин, но потајно мечтаам да гледам чисто, убаво, како многу одамна, заборавив како е чувството да се гледа онака совршено.
Молба до сите вас кои имате рефракциски проблем
Ве молам од се срце не се препуштајте на лажни исцелители, како шо се Иван исцелител, гатачки, бајачки. За Иван имам слушано дека симнувал диоптрија, не верувајте во вакви глупости, не одете кај него, послушајте ме мене грешната, и плус не верувајте во се што ќе прочитате, луѓето знаат да лажат како професионалци и рекламираат некои ординации. Не верувајте на биоенергетичари, тие не можат да помогнат тие само ќе ве исцрпат, едно ќе поправат (привремено) друго ќе расипат. Исто така ве молам најискрено не верувајте во вортекс, визуализација, отпуштање, закон привлачења итн. Тоа е тотално губење време, не помага ништо, не верувајте ни во медитација ни во јога не се впуштајте тоа се, ќе загазите, ни криви ни дужни. Ако не сте кандидати не очајувајте, секој носи берме според својата снага.
Прифатете ја вашата диоптрија како што е. колку можете внимавајте, дисплејот е најголем непријател на човечките очи, помирете се дека имате диоптер, ако има начин да се санира одете напред поправајте но имајте на ум дека после зафатот треба да сте свесни и да си внимавате на вашите очи, зашто после тоа ништо нема да е како претходно (тоа сфатете го како светски човек кој се одвојува од светот и се предава на подвиг). Размислете идни кандидати, и јас размислувам во меѓувреме, за се што напишав го напишав зашто сакав донекаде да го пренесам моето искуство и да ве предупредам. Ако толку беа успешни тие операции би ги направил и Бил Гејтс, и не би носел наочари и би ги ги направил и Новак Џокович и не би носил леќи, он е спортист.
И совет од мене, ако ви рекле на оптометриски преглед да си ги носете наочарите стално и покрај малиот диоптер - носете ги,барем пред ПЦ и тел, јас 5 год не отидов на преглед и ете стигнав до 3ка, а знаете ли како се би дала да го вратам времето уназад во 2013 и фино лепо да си идам сама на преглед, можеби немаше да се случи ништо од тоа што го преживувам денеска.
Ако некогаш направам преглед и ласерска корекција, ќе се вратам и ќе ви објаснам се од А до Ш, должам објаснување, но страв ми е напоменувам повторно, зашто докторите гледаат на пациентите како на пари, би било прекрасно ако најдам некој искрен човек доктор на кому би ги доверила моите очи.
Ако имате препораки пишувајте, само искрено, без лаги. Дотогаш живи и здрави, препуштете се на Божјата волја, внимавајте колку можете.
Поздрав
