Треба да се сруши култот кон вакцината која го гради модерната медицина, зборувам за вакцините против Ковид. Треба и да се издвои политиката од науката, затоа што овие видувања се чисто политички, а не и научни, па потоа ќе може да се зборува за фактите. Широката слика е алегоријата на пештерата од Платон.
Во последните неколку дена ни починаа 2 родилки (18 и 26). Едно време бевме први во Европа по смртноста на новороденчиња и родилки. Никој не седна сериозно да пристапи кон решавање на овој проблем, кој е тековен, не мачи и ќе не мачи.
За состојбата во здравството зборувавме, најлошо во Европа.
Загадувањето (не само на воздухот, туку и на реките и на речните корита, па и околината со дивите депонии и сечи) влијае врз општата здравствена состојба (а тоа е уставно загарантирано право: право на здрава животна средина) никој не се ни обиде да го решава. Шилегов најавуваше, започна со местење на улици и заврши со ветување на дислокација на "големите загадувачи"! Се намали п10, за волја на вистината, за освестен процент, но недоволно.
Поминавме низ избори, попис и избори последниве година-дена. Наративот спласнува пред изборите, а се заострува по изборите. За време на избори не важат ни одлуките, ни мерките, ни препораките.
Доцнењето на вакцините беше интересен феномен. Владимир (Филипче) и Естрагон (Хасани) на дневна база имаа идентични преписки со новинарите околу пристигнувањето на вакцината. На крај излезе скандал со провизија од кинеската компанија! Сакале да турат пара у џеб. Последна држава во Европа која започна со имунизација.
Сѐ е сведено на сертификатите, кои не се скоро пак никаква гаранција. Да немаше политички притисок, немаше да има ни граѓански отпор.
Повеќе од 2 години сме во оваа бура, оваа вакцина нема да стави крај на пандемијата (иако тоа е чиста политичка одлука), мерки не се потребни (иако, да, бројот на заразени ќе се зголеми кога ќе залади времето) затоа што сите имаат можност и шанса да се вакцинираат. А апелите на Филипче се гола вода, чисто колку да биде забележан во јавноста, каде не ужива голема популарност и доверба.
Со лажниот наратив ќе загубиме уште 2 години во пандемија, плус економски ќе пропаднеме. Економијата не е поправена, Шахтарска лаже, тек сега следуваат вистинските економски предизвици, пред сѐ носењето на Буџетот, инфлацијата, енергенската криза и цената на електричната енергија, цената на нафтените деривати и феноменот на потрошувачка кошница (која е зголемена). Невработеноста и буџетскиот дефицит ќе бидат предмет на анализа. И тие се во раст. СДИ се во пад.
Џабе лажна загриженост, и од властите и од бањатата раја, кога секој се грижи само за себе и за своите најблиски.
Оваа вакцина е лично добро, и ваква каква што е, наскоро ќе ја загуби скоро целосно својата ефикасност. Кој сака нека се вакцинира и по 10 пати, а шансата да умрам ми е 0.02%, така во тој рингишпил не влегувам!