И тоа се релативни гледања, за некои нации тоа е добро, за некои не, па така го ослободи од нацизмот за на пола континет да донесе ист ако не и полош режим во облик на комунизмот, ги „ослободи“ балканските кралства, а сите тие брзо и свртеа грб и си правеа сојузи со непријателите на Русија (ова за бугарите посебно), плус ние убаво го осетивме нивното ослободување со аминот за поделба во Букурешт.
Тоа со Наполеон е, бар за мене лоша, а не добра работа што ја направиле русите, наместо пан-европското напредно царство на Наполеон, ја вратија европа во абсолутизмот од пред 1789, а што имаа тие од поразот на Наполеон, ништо, само им ја дадоа пола планета на Британците како неприкосновен хегемон во поголем дел од 19 век. А борбата против германските освојувачи, па што тоа нас би не занимало, мене исто ќе ми се фаќаше ако во Москва се збореше германски наместо руски (иако и таму голем дел од борбата со тевтонскиот ред ја понесоа пољаците и литванците, не русите).
Секако дека за некои нации тоа е добро, а за некои не.
Поразот на Нацистичка Германија во Втората Светска Војна секако не беше добра вест за муфтијата на Ерусалим, кој веќе имаше направено свои планови за продолжување на Холокаустот на блискиот исток, па дури и веќе имаше направено списоци на еврејски семејства кои треба да бидат депортирани и истребени откако нацистите би извојувале победа во војната.
Исто така, поразот на Нацистичка Германија не беше добра вест за нацистичките и фашистичките вазали на Балканот, како Бугарија и Албанија - кои ја имаа окупирано и поделено Македонија меѓу нив двете, а особено за Бугарија, која депортираше барем 7148 македонски Евреи на кои им се губи секаква трага во нацистичкиот логор на смртта Треблинка, а која денес се крие зад маската на држава која ги спасила сопствените Евреи, но за македонските Евреи не сака баш многу да зборува.
А кога сме кај Наполеон Бонапарта, тој никогаш не дошол на Балканот за да ни даде причина на нас Македонците да му посакуваме победа, поради што, неговите победи не се од никакво значење за нас Македонците.
За разлика од Наполеон кој не ни бил од никаква корист на нас Македонците, Русија и Велика Британија кои го поразиле Наполеон, подоцна ги помагале југословенските партизани за време на Втората Светска Војна, поради што на потписниците на Букурешкиот Договор им должиме барем некаква минимална благодарност за постоењето на Македонија како држава, за разлика од Наполеон, на кого не му должиме ништо.
Истото важи и за тевтонските освојувачи - не дошле на Балканот, не направиле ништо за нас Македонците, и од тука по автоматизам, не им должиме ништо и немаме за што да им бидеме благодарни.
