Ќе се гради нов трговски центар во општина Аеродром. Инвестиција во вредност од 35 милиони евра
Во Општина Аеродром денеска беше фрлен камен темелникот за новиот трговски центар со апартмани „City Mall Residence“, инвестиција во вредност од 35 милиони евра. Со градба ќе се почне на 15 мај, а се очекува целиот објект да биде готов за 15 до 18 месеци.
Објектот ќе биде лоциран спроти ТЦ „Бисер“. Ќе се протега на површина од 35 илјади метри квадратни од кои 12 илјади ќе зафаќа трговскиот центар, осум илјади ќе бидат апартманско сместување, а останатите се предвидени како простор за гаражи.
Во трговскиот центар е планирано да бидат изградени две модерни 3Д кино сали, а според најавите на инвеститорот, ќе бидат присутни и повеќе светски брендови како “Бургер кинг“, “Армани“ и “Ла Коста“ од кои некои и за првпат со свои продажни салони во Македонија. Нови брендови се најавени и во делот на рестораните, а објектот ќе располага и со фитнес центар.
Премиерот Никола Груевски по поставувањето на камен-темелникот, оцени дека инвестицијата од 55 милиони евра во „City Mall Residence“ и во хотелот Рамада е сериозен износ, а ќе овозможи над 500 вработувања.
- Тоа е за поздравување. Направивме се што беше во наша моќ за да му помогнеме на инвеститорот и да можат навреме и согласно нивните потреби и планови да ги започнат инвестициите кои ги планираат. Освен тоа што прават сериозна градежна активност и вработуваат луѓе на трајна основа ќе отворат над 500 работни места, изјави Груевски.
Извор
--- надополнето: 5 јуни 2012 во 21:05 ---
"Бургер кинг" конечно во Скопје
Познатите брендови “Бургер кинг“, “Армани“ и “Ла Коста“ ќе отворат свои продавници во новиот трговски центар “Сити мол резиденс“ во Аеродром, спроти трговскиот центар “Бисер“ чија изградба ќе започне на 15-ти мај, а се очекува да заврши за 15 до 18 месеци.
Инвестицијата е вредна 35 милиони евра, а објектот е со вкупна површина од 35 илјади квадратни метри. Од таа површина, 12 илјади зафаќа трговскиот центар, 8 илјади се апартманско сместување, а првпат во Аеродром се гради подземна гаража со три нивоа со вкупна површина од 15 илјада квадратни метри.
“Овој станбено деловен простор ќе внесе нова димензија во општината Аеродром. Граѓаните освен многу побогат избор на производи и услуги во близина на нивниот дом, ќе добијат и две модерни 3Д киносали. Во трговскиот центар ќе бидат присутни цела плејада светски брендови, некои од нив за првпат со свои продажни салони во Македонија. Нови брендови ќе донесеме и во делот на рестораните. Ќе има аптека, банка и фитнес центар. На приземјето ќе има голем ’Рамстор’ супермаркет“, изјави Ајдован Адемоски, сопственик на “Сити плаза“ инвеститор на проектот, на денешното поставување камен темелник на кое присуствуваше и премиерот Никола Груевски .
“Сити плаза“ за десетина дена ќе стартува со уште една голема инвестиција во општина Аеродром. Станува збор за хотел од висока категорија “Рамада“.
“Еден приватен инвеститор започнува инвестиција вредна 35 милиони евра, а уште една за неполн месец од сега, а тоа е изградба на хотел во близина на овој објект во општина Аеродром и тоа е инвестиција од 20 милиони евра.
Ќе вработи околу 500 луѓе во двата објекта. Тоа е за поздравување и со задоволство ја прифатив поканата да присуствувам тука денеска“, изјави Груевски.
Извор
и што ке вработат 10 продавачки?
а и за евиденција е добра темава.
