Шта речи, коју послуку порати? Од каде да почнам?
Не, стварно, нема совршена екипа, па ни ние (Барселона) не сме такви, ние не сме светци, не сме ангели, сме правеле и киксови и се, ама, браќа, ова што вечерва го гледав од страна на Реал, не дека сум барселонист, ама ова беше срам за фудбалот. За вечерва можам да кажам секоја чест за Кристијано. Постигна гол, трчаше цело време, се трудеше да направи разлика... Бензема стандард со ова што го покажува оваа сезона има респект од мене. За Касиљас нема што посебно да се коментира... Ама, онакви 'играчи' како Пепе и Коентрао, па тоа е срам за фудбалот. Во ваков натпревар, во најголемото фудбалско дерби, кога ги гледаат милиони, тие паѓаат толку ниско. Па такво однесување можат да си дозволат само лица со слабо психичко здравје.
Од мојот тим сум задоволен. Ги искористија шансите, доволно за да се вратат со позитивен резултат од Мадрид. Сега остануваат да се одработат уште важни 90 минути. Абидал со својот втор гол во кариерата во Барса го реши Класикото.
Денсот на Ai se eu te pego беше врв, за некои дури и провокација за Кристијано и Марсело, иако не верувам дека е такво нешто.
За Лео, Oh My God, шта речи? Можеби сум малку пристрасен, ама сум пресреќен што живеам во времето на овој играч. Настрана фудбалските квалитети кои ги поседува, а се неверојатно големи, огромни, Меси најдобар играч во светот го прават неговите манири, неговото однесување. Разликата меѓу него и останатите е тоа што веројатно било кој друг играч ќе подлегнеше на вакви провокации. Човече, прво крвнички(Пепе) те фаулира, а после тоа поминува покрај тебе онака наивно, погледнува каде ти е раката, те нагазнува и продолжува како ништо да не направил. После тоа, Коентрао го фаулира, го соборува на земја, му приоѓа, Меси му подава рака, спортски го прегрнува и се насмевнува и покрај целото ривалство, а кретенов го оттурнува и удара по глава.
Таквите гадови се за жалење. И покрај се тоа, Меси не враќа на провокации, туку останува концентриран само на играта и на победа на тимот.
Нема да кажувам сме ги надиграле, уништиле, се посрамотиле... Мислам дека сите си имате очи и памет, па ако сте гледале сте сфатиле се што се случуваше на натпреварот. Се што е за осуда, нека биде осудено. Да, и Бускетс глуми, ама покрај неколку гадови вечерва, Бускетс е светец.
Да му се случуваше ова на мојот омилен тим, јас искрено ќе побарав заминување на одредени играчи, ај за смена на тренер можеби уште е рано, иако споредено со многу претходни тренери на Реал, Мурињо има огромни кредити во Мадрид.
