Никако не ми излегува од глава тоа "секое дете". Ако има таква појава кај некои деца или имало кај самиот Фројд, дали навистина е реално тоа да се случува кај сите???
Или па "сексуална наклонетост" ... тоа не е поим за заебавање, кој е едноставен и може да му се препише на едно дете кое незнае ништо друго освен кога е гладно, кога му се мочка или спие. Сексуалната наклонетост се јавува кај повозрасни деца кои почнуваат да учат за неа и најверојатно поради тоа ја чувствуваат и долго пред да се доволно подготвени да имаат секс.
Не ми е јасно, зошто мора детската наклонетост кон родителот да биде преведена како сексуална? Зошто тоа не е една чиста, наивна и безрезервна љубов кон луѓето кои чувствуваме и на некој наш начин знаеме дека во тие моменти се единствени кои ни го мислат истото? И зошто мора детските постапки и гестакулации да се толкуваат така перверзно (имаше во некој пост претходно)? Цицањето на прстето, погледите, заспивањата ... тие негови, толку едноставни реакции да значат нешто како оргазам? Гнасно!
Страшно нешто. Добро, кој знае да гледа што сонува едно дете? И како тоа еден болен ум да се сети на една таква теорија која наишла на разбирање и е прифатена?:nesvest:
Простете, но кој сака нека е, за мене е тежок психопат, кој можеби го имал овој комплекс (не му го знам животот баш, затоа си претпоставувам нормално), па за да не се почувствува осрамотен или болен, решил да го напише како некоја наводно тешка теорија. Бљак.
Значи не верувам во оваа глупост, посебно не затоа што се базира на детски сонови, кои не можат да се докажат. Ако не може да се докаже тоа, а постои, од каде е идејата? Сигурно си има свој извор, кој треба понатаму да е добро поткрепен за да поверувам. А од некои бујни фантазии и поврзувања на секое детско однесување, сигурно дека нема. Дополнителна причина ми е тоа што јас не се сеќавам на ништо слично кај мене, а ни имам забележано нешто кај моите внуки кои се токму на тие возрасти. Нема да го споменам тука и останатиот куп од деца кои ги знам и кај кои ништо така налудничаво не сум забележала.
И да ... да не испадне дека не можам да се сетам на нешто од моите премали годинки, па џабе везам, да си кажам дека се сеќавам на една параноја која ја паметам ептен јасно од околу мојата 6-7 година. Имавме дома гости, кои таа вечер решија да преспијат кај нас. Цело семејство беа, па нормално требаше да се организираме поинаку за спиење. Мама легна со сестра ми и брат ми кој тогаш беше бебе, а јас требаше да спијам со тато. Тоа само еднаш ми се има случено и таа вечер не ни заспав. Имав некое чудно и непријатно чувство и ми беше одбивна помислата дека спијам со него. Далеку од тоа дека не го сакам или му се плашам, но никогаш не сум се почувствувала така гнасно и лошо, иако бев само мало дете. А тоа се тие години кога би требало да го сонувам татко ми со некоја сексуална наклонетост според Фројд, да? Е па не, не се согласувам со неговата теорија.