Прво и основно предобар гол на Киеза, од тешка ситуација извади максимум. Какви два контакти со глава и десна нога, го извади од колосек австриецот
Генерално очекував Италија да има проблем со репрезентација од типот на Австрија, која е физички јака и знае да игра на резултат. Уште во групите можеше да се забележи дека ќе дојде меч кои тешко ќе го отворат резултатски италјаните, таква им е играта едноставно, малку на мачење.
Стартното трио напред тешко наоѓа решенија, Берарди и Инсиње се мачат во завршницата и честопати прават потег повеќе, а Имобиле и покрај двата гола во групите не успева да се наметне доволно во играта. Сепак мислам дека од тактичка природа ова ќе остане почетниот напад, едноставно за Инсиње нема замена, а Белоти е многу лош и нема никаков квалитет да игра за репрезентацијата. Нема кој друг, не за друго. За десно не може да погреши меѓу Киеза и Берарди, кој и да стартува, може да биде заменет.
Во средината мислам освен Жоргињо, другите треба да ротираат повеќе. Локатели според мене е во најдобра форма, а третата позиција треба да биде меѓу Барела и Верати. Овој првиот имаше одлична сезона, ама досега ништо не покажа, а вториот секогаш може да придонесе со квалитетни потези.
Одбраната, особено централниот дел е според мене најспорен. Киелини е стаклен и дури и да се врати ризик е да биде во почетен состав, Ачерби нема доволно натпревари на високо ниво, а Бонучи... е Бонучи. Не знам зошто не игра Бастони, ама кога досега не доби меч од почеток, нема да ризикува Манчини, преголем притисок ќе биде. Освен секако ако нема повреди или суспензии.
Се на се, покажаа италјаните дека и под притисок може да се снајдат, за почит е како со едноставна напаѓачка комбинација најдоа решение во 105та минута од меч каде што целиот притисок беше врз нив. Во наредната фаза ќе бидат ментално послободни, иако и двата противници се многу тешки. Португалија е лош меч ап за Италија, многу тежок противник, кој игра фудбал што најмалку им одговара на италјаните. Белгија од друга страна има многу квалитет, многу решенија во играта, ама имаат и еден недостаток, а тоа е недоволно самодоверба и тешки нозе во натпревари од нокаут фаза.
