ДК се неаме одамна чуено.
Дојдов да ти кажам дека лето 2021 беше дефинитивно so far најјако икада. Го почнав без некои очекувања со рандом план да одиме со другар на Exit, ништо сериозно, колку да разбиеме монотонија, а и планот не ни беше сериозен. Не ни верував дека ќе се деси. Испадна недела дена пред одење да ни упаднат во планот уште еден другар и другарка и решивме дека дефинитивно одиме. Тргнавме исто без никакви очекувања, знаејќи дека таму има уште група 20 охриѓани со кои се знаеме, ќе има склопки, дружба ќе биде интересно. Само што стигнавме таму, се осети друг вајб и дека таму сите се расположени за дружба, отворени за запознавање и никој не е отиден за нашето "лабаво". Веднаш и ние излеговме од тој мајндсет и влеговме на фестивалот со две нозе. Проводот таму во секој момент беше 10/10 и најдоброто од се беше што се запознавме со могу луѓе. Од навијачи од River Plate, со кој мењавме стикери до рандом бугарки со кои пола сат правевме муабет на англиски додека сфативме од каде сме. Врвот на вечерта со нив беше кога на заебанција им рековме, ние сме бугари и тие кога ни одговорија со "епа и ние сме македонци". Се на се муабетот ми беше дека луѓето таму не се замараа со политика, и сите таму беа едно исто, дојдени со иста цела и луѓето ги делеа само на луѓе и не луѓе. Подобра енергија од тоа што го почувствував таму, мислам дека го немам никаде осетено.
Се вративме Охрид, уште под импресии во друштво кое и онака со години живееше во некоја "комфорт зона", не беше толку расположено за журки, да не правиме муабет за запознавање на нови луѓе. Згора на се тоа година дена корони и локдауни, во друштвото владееше атмосфера на тотална депресија. Но не дозволивме да не пушти гасот што не држеше од Нови Сад, па повлековме конци истото да го продолжиме во Охрид. Им ги раскажавме сите детали од тоа што се случуваше само и како да беше пишано да се врати младоста во нивните души или сфатија дека многу пропуштаат на ебени 24 години и решија и тие да се пуштат во провод. Првото излегување во Охрид на плоштад најдовме рандом пољаци, кои случајно не прашаа да им понудиме добро место каде што можат да одат да се напијат и забавуваат. Порано само би им дале дирекции каде да одат и чао, пријатно, а сега другарот од кој најмалце очекувавме такво нешто им кажа, "АЈДЕ СО НАС". Пољаци како пољаци, секогаш расположени за дружба тргнаа со нас, а мене од претходни искуства со нив ми се дефинитивно омилен народ, па веднаш знаев каде ќе оди вечерта. Тргнавме со нив 2ца, завршивме на крај со други рандом 30 пољаци кои беа на еразмус проект, а немаа никалва врска со овие наши 2ца. Можам уште многу да раскажувам за вечерта но поентата ми беше да ти го раскажам цело лето. Ова беше само како интро, за да знаеш како почна се и како ми се ослободи друштвото.
Потоа другарот со кој бевме Нови Сад, замина на Еразмус во Грција и од таму се врати со 10 нови познанства со кои го поминавме пола лето. Се запознаваа нови луѓе на дневна база, се работеше и журкаше во исто време, а јас споив 80+ сати без спиење, во кои на вечер бев по забави до 8 сабајле, па директ на работа. Прославив легендарен роденден кај што официјано не поканив никого, а се појавија над 100 луѓе. Имаше луѓе од Франција, Англија, Холандија, Словенија, Грција, Кипар, Скопје, Велес, Прилеп, Виница и кој уште знае, 50% од луѓето што беа присутни ги гледав прв пат во животов. Дешавка за која се зборуваше две недели подоцна. Се тоа се дешаваше до пред една недела, а јас конечно стивнав и имам време да се свестам што всушност се дешавало прошлите неколку недели, без јас воопшто да бидам свесен.
А за крај како шлаг на тортата, аплицирав на неколку Еразмус проекти и веднаш бев прифатен на еден, за кој денес ми стигна потврдување. Премногу сум среќен што конечно ќе можам пак да патувам некаде после долго време, а и што ќе продолжам да живеам со тој мајндсет на запознавање на нови луѓе и стекнување нови пријателства, бидејќи во прошлиот период сите заборавивме на емоциите, блискоста и човечноста која уствари не прави да бидеме луѓе. Се надевам дека до следно лето животот ќе се врати во нормала и ќе можам да го повторам ова на х10 гас. А до тогаш ЛЕТО 2021, ти благодарам за се, дефинитивно ќе бидеш летото што ќе го памтам за цел живот, и кога ќе се спомне оваа глупава 2021 година, ти ќе бидеш првото нешто што ќе ми доаѓа на памет.
