Драга Кајгана (виртуелен дневник)

[TrendS]

Ден за ден, летото си заврши. Сабајле во кола дури и парно дувна....12°
Па си размислувам.....и не беше толку страшно што не мрднавме надвор од државава.
Посетив многу прекрасни места во Македонија што сум заборавил и дека постојат....за жал.
На Дојран му бев верен секој викенд, а го немав посетено повеќе од 20 години.
Изминатиов викенд и во Дојран се осети дека сонцето веќе нема сила, градот речиси празен....толку е.
И самиот се запрашав зошто цело лето постојано го форсирав Дојран.....јужно, топло време, топла вода, топли луѓе, пријатен амбиент. Тоа го барам. Друга предност ми беше што палам кола, автопат и за еден ипол саат таму сум. Како и да е подобро него ли во Скопје.
Сега постепено се враќа се по старо, на работа почнува веќе турбо....како и секоја година овој период....што секако е добро.

 

[chef_cook]

ДК,

у Русија кога плаќаш со кеш на каса,било каде,или кога ти враќаат кусур,по обичај не се даваат парите во раце туку си има специјално место,наречено пулт каде што се врши размената,т.е оставаш и земаш

Е сеа денес случајно заприметив дека продавачката задњава година зема пари и ми враќа кусур дирекно од рука,и притоа нежно ме гали по рака.
Дали ме сака?

 

[бутЕ]

Украден мртовец од општата болница во Струмица.

В.Ефтов: На кои тајни организации му пречеше мртовецот? Останете после рекламите.

Апасиев: Куриња, почнаа да ви крадат и мртовци. #ЦрвенаБуржоазија

Мицкоски: Од утре на протест со гробарите. Ќе го блокираме Бутел.

Заев: Вмро го украле со аманет од Будимпешта.

ДУИ: Субвенции за погребалните претпријатија што погребуваат малцинство.

Интегра: Го киднапирале вонземјани од 5та димензија.

МВР: Распишавме потерница за мртовецот со иницијали И.Л.

ОЈО: 30 дневен домашен притвор за Миле Јанакиески.

ПП "Две солзи": Најтешко погоден е погребалниот сектор.

Цаци нокти ефтино: Пишајте го и воа корона.

Филипче: Го пишавме.

 

[Кикацо.]

Крајов на септември, октомври и ноември ми се омилени месеци. Се стивнува секаков хајп за одмор, нема повеќе целулит и ботокс да ми излегува на почетна од златокопачите на инста, времето е одлично за дуксерка да си носам оти имам слаби рачиња, нема повеќе земјоделие итн. Најверојатно во животов ќе се преселам Норвешка или Алјаска, ќе работам со чистење лосос, ќе пуштам бела коса со репче, и ќе му раскажувам на внуците како од град Струмица украдоја мртовец со се партали.. Некад мислам дека цела Македонија е напишана, продуцирана и режирана од TOMMY WISEAU.

 

[Trent Alexander Arnold]

Ne znam zashto, ali od 22h do 6h sabajle mi e najubav del od denot.

Maybe it will last forever.

 

[chef_cook]

ДК,

сабајлево напраив една работа која ја немав направено уште од 19 години.
Дупнав екстра дупче на каишот.

 

[Lester Freamon]

Еее во врска со муабетов од #28.661 која џева се дига од неписмените и мрзливите родители дека на децата му се ускратило цело детство.
Наместо сами да бараат од професорите да им се бара на децата повеќе, овие уште се жалат да се намали обемот и директно му ја намалуваат шансата за понатамошен успех.
Додуша и тие не се криви, за да научиш друг треба и сам да знаеш, а за жал поголем дел од тие што склепале деца и сами се неписмени или ги заболе за детето, побитно е денес да си отидат со пријателите на кафе и да манијачат по социјални мрежи.
Треба ваквите податоци да им вртат на секој медиум, да видат на кој степен се врсниците на нивните деца во земји како: Словенија, Јапонија, Ј.Кореја и тн, па да се надеваме дека барем кај мал процент ќе вроди со плод да имаме троа пописмени поколенија.

 

[MAJA 345]

Драга,

Денешните родители праќаат домашни во корона време (кои апла се гледа дека се од нив, не од детето) исклучиво по фб пораки или вибер. И тоа е се што треба да се знае за нив.

Мејлот е нешто што го имаат направено пред 7 години, за да отворат фб. И толку од неговата корист.

Кога беше штрајкот лани случајно отворив тема на фемина во која мајките зборуваа за тоа, малце се запрепастив од коментарите кои беа упатени кон наставниците. Едно 90 % немаат никаков респект кон наставниците на нивните деца, а и кога децата ќе го слушаат тој муабет јасно е зашто ни тие не почитуваат авторитет.

Родителите се уствари попаметни од наставниците кои ги вработиле партиски, зашто нели, сите наставници што уште предаваат се од пред 15 години вработени, само уште да научат да користат мејл ко што треба мајките и ќе можат да ги заменат скроз.

 

[Петар12345]

ДК
Еве како изгледаме јас и колешката кога еден интерн го напиша кодот на лист откако му беше кажано дека ни треба псевдо код напишан во било шо (мислевме нешто техт едитор, ворд, ексел било што за да можиме да препратиме, коментираме и слично) .

Наша грешка, незнаев дека деца од генерација 2000 можат и таа опција лист хартија да ја земат во предвид.
Енивеј интернот сеа го копира листот во вистински копир, пошо нема можност за копи-пасте

 

[smihajlo]

ДК

Овие од фејсбук го флагирале Мусолини

This post goes against our standards on dangerous individuals and organizations, so no one else can see it.

We don't allow symbols, praise or support of dangerous individuals or organizations on Facebook.
We define dangerous as things like:

• • Terrorist activity
• • Organized hate or violence
• • Mass or serial murder
• • Human trafficking
• • Criminal or harmful activity

When I said I supported equal voting rights; I meant men shouldn’t vote either. -Benito Mussolini

П.С Се надевам на AI-то во иднина ќе му инкорпорираат чуство за хумор штета што нема да бидам корисник за да го видам тоа чудо.

 

[Trolejbus]

Носењето надвор маска во Есен да било задолжително...

Цементара Усје, Макстил, Дрисла likes this

Шефе да пуштам на најјако? Пуштај нек иде над 1000...

 

[Кикацо.]

Пишано е милион пати и ако треба и уште милјарда пати нека се пишува, не кревајте паника мамето ваше ретадирано. Како можи бе секој ден на телевизии, радио, весници да се труби бројка на новозаразени? Како можи ти на неписмен со 4 одделение бумер или со осмо овие после 60та родени да му ги периш 2те преостанати мозочни клетки, цело време се трефнати, исплашени. У реду е, има пандемија, треба пазење, ама вака ќе ги умрат од стресови и апчиња за притисок клукање. Стариот мој дома во априлот ко кажаја 10 заболени се скрена од умо ко небаре астероид да не опнал.
Anyway
Немав пишано на почетокот тогаш март еве сега пишувам. Од самиов старт целава работа е исполнета со контрадикторности, политики, криминал, итн. Од ебана комунистичка партија во кина шо има огромна моќ, до онај џуптана на чело на светска здравствена, до пумпање трилиони во офшор компании, светска педофилија епстиновци ,и на крај реизборот на портокаловиот во белата куќа. Не сум теоретичар на заговори, бог да чува понастрана, ама уште од април УСА е во центаров на внимание. Баш ме интересира шо ќе биди ако победи бајден, дали како што прогнозирам дека полека ќе престанат да јачат за корона, останува времево да покажи.

 

[Флеш]

Драаа доста ја умираме козата на комши ..... Боље да си ојмееее ...... Најпаметна идеја, живи да сте

Ohrigani - ⚠️Важно соопштение!⚠️ Споделете да се сите информирани! Само шо дознаваме дека Република Македонија утре ќе бидит префрлена во регионот помеѓу Франција и Шпанија! Причина за ова селба е фактот шо после Грција, сега Бугарија џамкат за нашата историја, јазик итн. Ни пукна филмот, па зато поарно да се селиме од домот наречен „Балкан“ Си ги земаме и Егеј и Пирин со нас, па нека си дојдат да ги барет таму од утре! - Селењето ќе започнит кај 6.00ч сабајле и би требало до недела 27ми септември да стигниме на новото место. - Сите шо се надвор од Македонија да се вратет или да си одет н новата локација! - На сегашното место ќе имат ново море, па нека си копет очи и Грција и Бугарија за местото! - Се молит целовкупната политичка багра да ја напуштит Македонија, таму ќе почниме од нула. - Ќе се започнит со градба на автопат Барселона - Скопје - Монако и Парис - Солун! Сите други идеи напишете ги во коментар.. | Facebook

⚠️Важно соопштение!⚠️ Споделете да се сите информирани! Само шо дознаваме дека Република Македонија утре ќе бидит префрлена во регионот помеѓу Франција и Шпанија! Причина за ова селба е фактот шо...

www.facebook.com

 

[dragonsky]

На денешен ден во 1994, односно 2004, своите премиерни епизоди во ТВ етерот ги имаат сериите "Friends" и "LOST"

 

[Saber Rider]

Некогаш, пред 15-тина години, ни ставија кабловска во маало. Конечно можев да гледам Cartoon Network, со посебен фокус на Ed, Edd & Eddy. Убаво велеше Double D во една епизода, summer rains, you can never predict them. Ми се заврте во глава, додека попладнево ме фати изненаден дожд, додека возев точак. Наврнат, еден час скриен под дрво, гледам пенали Вардар Форино - Вардар. Тепавме, фудбалска класика. Во екот на коронава, тоа што дефинитивно ми недостасува највеќе, покрај патувањата, е следењето на натпреварите на Вардар во живо. Тешко е да се ослободиш од собраните негативни мисли, во ситуација кога не ти е достапно местото каде што најчесто го оставаш мозокот на пасење.
Летни дождови, само што веќе и календарски влеговме во есента. Есента секогаш ми носела промени, најчесто позитивни. Сакам високи температури, но ја сакам и есента, иако истата носи многу дождови кои практично го парализираат моето движење. Секогаш први асоцијации ми се шумичките пред Марково крувче преплавени со жолто-портокалово-црвени лисја, секојдневното метење на дворот од паднати листови, променливото време со ладните вечери, враќањето на работните обврски по завршувањето на летните одмори, мирисот на ајвар...
Пред некоја недела се сликав за пасош, а во претходниот избројав околу 25 печати, со напомена дека на некои гранични премини воопшто не не' печатираат. Можам да кажам дека солидно се изнашетав во претходните неколку години, иако мала дамка остави оваа година, во која имав малку поголеми планови за посети на подалечни места. Како и повеќето, останав да шетам низ Македонија, со напомена дека повеќето места кои во моментов се хит, веќе ги имав истражено. Утехата секогаш би ја барал во Нежилово или на Белиот рај. Еден ден од одморот искористив за да тркнам до Миравци со воз. Стар воз со купиња, еден куп ретардоси на кои кондуктерите одамна се навикнале, бидејќи веројатно се редовен декор на овие патувања. Вревата која ја правеа не ни дозволи да уживаме во глетката, постојано дефокусирајќи не. Возот доцнеше половина час уште до Велес, а во Миравци бевме со 40 минутно задоцнување. Ладната вода и немањето жив човек на Белиот рај ептен ни се погоди, па не излегов од водата. Го сакам тој крај, ги обожавам бандерите со гнезда од штркови на нив. Топла клима, живо село. На враќање, покрај станиците крај селските средини кои ми се видоа невообичаено темни и морничави и се прашувам дали некој некогаш ги искористил ноќно време, око ми фатија натписите на арапски на една од станиците, еден куп уапсени мигранти во Велес и една помала група насмеани Сиријци која за малку не заврши трагично, откако ги приклештивме за ѕидот во еден тунел, кога минувавме крај нив. Од летово да го издвојам и јавањето коњи во Галичник. Јас не би бил јас, ако не направам хаос пред голема непозната група. Двочасовна атракција, со среќен крај. Размислувам да си го купам коњот некогаш. Некогаш, ако доживеам старост, би се преселил во Миравци и би го јавал коњот од Галичник.
Форумов од секогаш бил убаво место на споделување сопствени мисли. Жив срам да ме јаде кога ќе ги читам во иднина.