Седнав демек да поучам малце пред да дојде време за фудбал, ама ми одлета мозокот на други места, па се најдов и прегледувајќи стари постови и теми низ форумов. Тоа ме врати во најверојатно најдобриот период на Кајгана, бар за мене.
Негде од 2009-2010 сум редовно активен на форумов и од тогаш ми стана навика, секојдневие во животот без кое не може да ми помине денот. Низ сите овие години доста научив на Кајгана, посебно на почетокот, па дури и би можел да кажам дека можеби имаше некое мало влијание врз факултетот и професијата која ја одбрав. Долго време го гледав форумот само како виртуелен свет во кој доаѓав кога сакав малце да одморам од реалниот, да комуницирам со различни луѓе кои немаа никаков допир со тие кои ме окружуваа.
Тек на крајот на 2014 решив да ги спојам и да почнам масовно да се запознавам и излагам со сите луѓе со кои комуницирав на Кајгана. Претходно само со 3-4 членови се имав само запознаено. Уште при првото излагање сфатив дека сум згрешил што не почнав да го правам тоа порано. Првата собиранка на која отидов беше модераторска кафана која никогаш нема да ја заборавам, а верувам и сите други кои беа присутни. Очекував да ми е чудно и да не можам да се опуштам со луѓе кои прв пат ги запознавам, но се осеќав како да се знаеме веќе долго време и поминав одлично, од почетокот на вечерта кога го собрав
@Клипче за заедно да одиме, па се до крајот кога го оставив на автобуска откако ми повраќаше во кола
Втората е исто од големо значење затоа што верувам дека е најдобрата во историјата на Кајгана. Едноставно се поклопија сите коцки, бевме во идеален период на форумов за да се направи еден таков собир. Нормално дека зборам за собиранката во Мистик. Ако првата ме остави со одлични импресии и голема желба да продолжам да се дружам со кајганџиите, оваа сето тоа го однесе на ново, повисоко ниво. Посетеноста беше одлична и дојдоа многу повеќе луѓе од тоа што се очекуваше. До ден денес не знам со кој се се запознав таа вечер. Толку позитивна атмосфера, толку насмеани луѓе во еден мал локален кафич. Такво нешто ретко се среќава. Сите расположени за муабет и пиење. Верувам дека секој што бар на кратко помина на таа собиранка, си замина задоволен и среќен што присуствувал. Сите успеа да не исполни со позитивна енергија, а голем кривец за тоа беше и епското караоке
Позитивните последици од собиранката се осетија и на форумот во периодот кој следеше. Сите ги споделувавме своите впечатоци и општо го направи форумот многу повесело место. А и комуникацијата помеѓу членовите уште повеќе се подобрува откако ќе ги запознаеш во живо.
Следните неколку месеци беа исполнети со дружба и собиранки скоро секоја недела. Од фудбал и билјард, до хуманитарни собиранки со кои успеавме бар малку да помогнеме на луѓе на кои им беше потребно.
Овој период ми беше најдобриот период поврзан со форумов. Запознав премногу нови луѓе кои ми оставија некаков позитивен впечаток. Некои веќе не се активни на форумов, со доста уште си комуницирам и приватно, надвор од Кајгана, а има и такви кои верувам дека ќе ми останат блиски цел живот. Вака присетувајќи се на тие безброј Кајгана дружења, криво ми е што не продолжија со ист интензитет како што почнаа. Но, нормално дека секој си има свој посебен живот и обврски, па очекувано се намали бројот на собиранки и дружби како што одминуваше времето. Сега веќе треба да ги молиш за едвај 4-5 луѓе да се соберете. Сепак, идеално би било кога би можеле барем еднаш или два пати годишно да се собереме помасовно, да се видиме со луѓе со кои не сме се виделе долго време, да направиме добар муабет, да споделиме искуства
Е тоа сакав да ти кажам