Во грабежот на “Прокредит“, банката во центарот на Скопје учествувале десетина маскирани лица, кои изрежирале ситуација дека се полициски службеници, што обезбедуваат пренос на пари
есетина маскирани лица влегле во просториите на “Прокредит“, а двајца останале, наводно, да го обезбедуваат влезот во банката. Ограбувачите биле облечени во униформа на специјалци од полицијата, а со автоматски пушки, ја обезбедувале “операцијата“. Откако некој од вработените го притислан копчето за паника, полициско возло “Крајслер“, застанало и полицаецот почнал да пука кон ограбувачите, кога овие се обиделе да побегнат со пленот. Уште еден полицаец притрчал на помош од блискиот кафе-бар. Двајцата полицајци се ранети и пренесени во болница. Очевидци тврдат, дека додека полицаецот лежел на улицата, ранет, никој не се обидел да му помогне, од страв да не продолжи пукањето. По десетина минути, пристигнало полициско засилување.
Драмата во банката се одвивала како на филм. Вооружените огрбувачи влегле во банката, фрлиле неколку димни бомби и им наредиле на сите да легнат на земјата, по што ги одзеле сите пари од клиентите, по што ги отвориле сефовите на банката, од каде се одземени 50 илјади евра. Еден клиент, од фирмата “Кадино“, кој го носел дневниот промет, е погоден со кундак во главата е пренесен во болница, соопшти неговиот син.
Ограбувачите, се шпекулира, дека се во бегство со непознато возило, кое претходно го одзеле од жена, која стоела на семафор. Напаѓачите ја извлекле жената од возилото и со него побегнале во правец на судска палата. Во паничното пукање, куршуми летале на сите страни, при што еден залута куршум погоди автобус на ЈСП, кој се движеше на булеварот “Илинден“. Патничка во автобусот, погодена е во ногата и пренесена во болница.
Од “Прокредит“ банка, велат дека сите службеници се во ред, но во шок. Жителите од околните згради, се исто така во шок од пукањето. Дупки од куршуми се забележуваат во продавнивцата на “Пјаџо“, трафиката, билетарата на ЈСП, во новата недоизградена зграда “Тифани“ на крај на улицата “Партизанска“, а погодени се и неколку возила. Една жена сведочи дека до пукањето дошло околу 9.30 часот, кога таа се паркирала пред нејзината канцеларија, и се качувала по надворешните скали. Нејзиниот автомобил е погоден од куршум, при што скршено задното стакло.
Полицијата е во потрага по ограбувачите, блокирани се приодите кон и од Скопје. На патарината после Велес засилена е полициска контрола. Од МВР велат дека со официјални, првични информации ќе излезат околу 13 часот.
