Скопскиот Раскољников ги призна убиствата
Виктор Карамарков инспириран од главниот лик во романот на Достоевски „Злосторство и казна“ ги убивал скопјанките, а потоа се исповедувал пред икони во црква
„Не знам колку точно жени сум нападнал и сум убил. Кога ќе видам злато,не можам да се контролирам“! Ова го изјавил скопјанецот Виктор Карамарков (28), осомничен дека инспириран од Раскољников, главниот лик во романот на Достоевски, „Злосторство и казна“, ги убил и ограбил Љубица Христова (83), Елена Мијева (66), Вера Богоевска (73) и Босилка Красојевиќ (71), сите од Скопје. По убиствата, поради психолошкиот притисок, Карамарков одел во црквата „Свети Петар и Павле“ во населбата Ѓорче Петров, каде што се исповедувал пред иконите. Тој убивал со секира завиткана во весници, па во најлонска кеса и обвиткана со леплива лента. Жртвите ги избирал така што ѕвонел на вратите и со здравствена книшка и папка со документи барал пари за својата болна мајка. Убиецот напаѓал жени за кои знаел или претпоставувал дека се сами и незаштитени. Кога жртвата ќе му отворела и ќе се сожалела, се враќала во соба по пари, но ја оставала вратата подотворена. Тогаш убиецот незабележано влегувал во ходникот и лице во лице со секирата ги удирал жените во десната страна на черепот. Потоа им го одземал златниот накит што го носеле на себе, не ги пребарувал собите и си одел заклучувајќи ја влезната врата со оригиналниот клуч. По убиството на Христова во март годинава, Карамарков другите убиства ги извршил од 13-ти до 29-ти минатиот месец. Осомничениот во овој период нападнал уште три скопјанки, кои го преживеале нападот на убиецот. Откако бил уапсен Карамраков ги признал злосторствата.
Оставени многу траги
Скопјанката Христова ја убил на 2 март во нејзината куќа на улицата Ферид Бајрам во Бутел 2. По ова убиство, полицијата уапси банда разбојници за кои имало сомневања дека се можни убијци на жената, но истрагата утврдила дека тие не ја убиле старицата. И покрај вештачењето на биолошките траги земени од куќата на Христова полицијата се до 13 октомври немаше никакви индиции кој е убиецот, кога во лифт од зграда во скопската населба Капиштец Карамарков ја нападна и тешко ја повреди скопјанката М.А. (79). Зетот на пензионерката го видел напаѓачот кога се отворила вратата од лифтот на вториот кат од зградата каде што тој ја пречекувал мајката на својата сопруга. Старицата седела на подот со крв на лицето и со исеченица над увото. Момчето кажало дека бабата паднала во лифтот и се повредила, а откако помогнал да ја изнесат жената од лифтот, избегал. Зетот бил еден од четворицата главни сведоци што го виделе осомничениот по нападите и кои помогнал да се изработи фотороботот на убиецот. Два дена подоцна Карамарков ги нападнал Красојевиќ во нејзиниот стан во Карпош и Богоева во Аеродром. Двете жени починале неколку дена по нападите. Осомничениот на 21 октомври нападнал две жени, едната во ТЦ „Мавровка, а другата во нејзиниот дом на улицата Железничка. Тие го преживеале нападот. Мијева била убиена на 26-ти во нејзината куќа на улицата Хо Ши Мин во Бутел 1.
Полицијата направила профил на осомничениот, а биле сослушани повеќе од 200 лица. Откако истражните органи утврдиле дека постои сомнение оти Карамарков ги извршил нападите, било откриено дека тој е регистриран зависник од дроги, кој се барал по потерница за издржување осуммесечна затворска казна за кражби.
Злосторство и казна
„Не се плашам од казната, туку од грижата на совест“ им рекол Карамарков на полициските психолози. Поради зависноста од хероинот тој дневно пешачел и по 20 километри за да најде жртви за да ги ограби. Карамарков ги признал делата и кажал детали за убиствата што не и' биле познати ниту на полицијата. Карамарков со својата мајка живееле во куќа во населбата Ѓорче Петров, иако поголем дел од времето не го поминувал дома.
Според МВР, жената имала психички проблеми и го малтретирала синот. Таткото на Карамаков не е познат. Карамарков е интелегентна личност, а бил првенец на генерација во гимназијата ГУЦ, каде што го завршил средното образование. Тој на полицајците им рекол дека ги прочитал сите дела на Владимир Достоевски и дека бил инспириран од ликот на Раскољников. Како и Раскољников, Карамаков убивал со секира, но за разлика од главниот лик на Достоевски, кој ja убил злобната лихварка,негови жртви биле стари, беспомошни и незаштитени жени.
Полицијата пронашла две секири за со кои се претпоставува дека биле напаѓани жените. Едната секира била најдена кај скопјанец на кого осомничениот му продавал украден телевизор. Карамарков ја заборавил кесата со оружјето кај купувачот, кој откако видел дека на кесата имало крв ја фрлил. Тој на полицијата им го посочил местото каде што била секирата. Во меѓувреме убиецот набавил друга секира што била пронајдена при претресот во неговиот дом.
Полицијата како доказ против Карамарков ја употребила и видеоснимката од безбедносната камера во ТЦ „Мавровка“, каде што осомничениот на 21 октомври ја нападнал хигиеничарката Сание С. (43), најверојатно по кражбата на техничка опрема во продукциско студио. На снимките јасно се гледало лицето на насилникот.
На 29 октомври, дента кога беше пронајдена мртва пензионерката Мијева (66) од населбата Бутел 2, полицијата го уапсила Карамарков. Трагите земени од местото на убиството и вештачењата на биолошките траги од претходните убиства, како и фотороботот укажувале дека тој е можниот сторител.
Карамарков бил уапсен во неговата куќа во населбата Ѓорче Петров.
Тој по исповедот во црквата се обидел да се самоубие испивајќи поголема доза лекови. Кога полицијата дошла да го уапси, мислеле дека тој е предозиран со дрога, па бил однесен на Клиниката за токсикологија. Откако му била пружена помош, осомничениот бил спроведен во затворот „Идризово“, по што полицијата продолжила со истрагата за убиствата и нападите. Во затворот му биле земени биолошки траги од облеката што ја носел, како и брис за ДНК-анализа, а осомничениот бил подложен на детектор за лаги. Полиграфското вештачење покажало дека Карамарков реагирал позитивно на сите прашања што се однесувале на убиството. На затворските чувари им било наложено да внимаваат на него бидејќи бил склон кон самоубиство.
Даниела Вељановска
http://www.dnevnik.com.mk/?ItemID=EB0BACEEEFFECA4DA5A78AAC072B3636
иначе текст од медиумите да стаевте ? М?
, малце да се измачува. 
