Acid
Frontman
- Член од
- 22 јануари 2005
- Мислења
- 35.179
- Поени од реакции
- 34.377
Виктор Карамарков, 28-годишно момче од скопската населба Ѓорче Петров е македонскиот Раскољников кој во изминативе осум месеци убил четири жени, а осомничен е и за три обиди за убиства, соопшти Министерството за внатрешни работи.
Ги убивал со секира завиткана со пластична ќеса. Гледајќи ги во очи со десната рака ги удирал во десната страна на главата. Откако жени во бессознание ќе паднеле пред неговите нозе, ги кинел златните синџирчиња од нивите вратови, ги земал златните белегзии и прстени. Пред да го напушти местото на злосторството, со клуч ја заклучувал влезната врата од домовите на жртвите.
Неколкумесечната полициска операција под името “Раскољников“ им стави крај на убиствата и нападите на немоќни жени од 60 па до 80 години.
“Убиствата не биле долго планирани и немал одредена шема. Убивал од користољубие, прво проценувал колку отпор можат да дадат жртвите. Напаѓал жени сами и незаштитени. Не водел сметка за пленот“, вели министерката за внатрешни работи, Гордана Јанкулоска.
Карамарков речиси секојдневно одел од врата до врата со здравствена книшка и наводно барал пари за неговата болна мајка. За Карамарков да биде уапсен пресудни биле две информации. Првата кога се обидел на еден скопјанец да му продаде телевизор. Но, ја заборавил секирата со која ги убивал жените. А, втората кога се обидел да продаде златен накит.
Убиецот, како што велат од МВР, чувствувал огромна грижа на совест. По секое убиство одел во црквата во Ѓорче Петров и во мислите се исповедал. Вечерта кога полицајците, откако биле собрани доволно докази, тргнале да го уапсат, го нашле Карамарков предозиран со апчиња.
Потоа им раскажал дека по последното убиство повеќе не можел да живее со фактот дека убил толку жени. Испил голема доза на апчиња во обид да си го одземе животот. Но, полицајците го спасиле од смртта, кога го пронашле предозиран веднаш е пренесен на Клиниката за токсикологија.
Во моментов Карамарков е сместен во затворот “Идризово“ под посебен надзор за да се спречи уште некој обид за убиство или било кој начин за да се самоповреди.
Испитуван на полиграф, 28-годишниот убиец ги признал сите убиства секое го раскажал во деталји. Но, се уште полицијата истражува дали можеби во некој стан во Скопје, неоткриена лежи и некој друга негова жртва. Бидејќи при распитот на инспекторите им рекол: “Не знам колку сум убил“.
Мотивот е утврден. Убивал за злато, единствена начин за да се снабди со дрога.
Како што им се исповедал на инспекторите, кога ќе го видел златото не вратот не жените не можел да се контролира.
Од МВР велат дека бројот на жртвите можел да биде и поголем. Од неколкумесечната истрага откриле, дека една жена била спасена да биде следна жртва од нејзиниот внук.
Карамарков како и секогаш заѕвонил на вратата, излегла постара жена. И рекол: Бабичке не сум просјак, ми требаат пари за мојата болна мајка. Баба се сожалила, влегла во станот да земе пари. Тогаш Карамарков влегол по неа и само што сакал да ја удри со секирата од соседната врата се појавил нејзиниот малолетен внук. Убиецот се повлекол, ги зел парите и заминал.
Карамарков, велат од МВР, е многу интелигентен. Бил првенец на генерација во средното училиште ГУЦ “Здравко Цветковски“, ги прочитал сите книги на Фјодор Достоевски. Потекнувал од нефункционално семејство, татко не е познат, неговата мајка со која досега живеел, имала социопатолошки проблеми и како што тој им раскажал на инспекторите често го тепала и малтретирала додека бил мал.
Карамарков денеска ќе биде изнесен пред истражен судија заедно со кривична пријава за четири убиства и три обиди за убиства. Се соочува со доживотен затвор, како казна за злосторствата што ги сторил во изминативе месеци.
Жртвите на македонскиот “Раскољников“
Низата убиства на младиот убиец почнала со убиството на 83-годишната Христовска Љубица. Карамарков ја убил Христовска во нејзиниот дом на улицата Ферид Бајрам во периодот од 28-ми февруари до третти март.
Шестмесеци убиецот е во мирување, нема нападнати жени, нема убиства. Се до 15-ти октомври кога ја убил Красојевиќ Босилка (71) во нејзиниот дом на булеварот Октомвриска Револуција. На 26-ти октомври кога ја нападнал Миева Елена во нејзиниот дом на улицата “Хо Шо Мин“ во скопската населба Бутел.
Следна жртва на Карамарков е Вера Богоевска (76) на истиот начин како и претходните две жени, со удар од секира во главата, ја усмртува во куќата на улицата Фрањо Клуз.
Се сомничи за обид за убиство над три жени на возраст од 42 до 79 години што се случиле на 13-ти, 21-ви и 22-ри октомври.
http://kajgana.com/makedonija/viktor-karamarkov-od-skopje-e-seriskiot-ubiec.html
