Се борела во редовите на Исламската држава и побегнала: Кадија открива кој е најлош човек во организацијата!
25-годишната жена ја отворила вратата од хотелската соба во која била договорена средбата. Лицето и било покриено, а говорот на телото ги издавало внатрешните маки.
Жената го кренала својот никаб под кој се криело младо лице. Нејзините големи кафени очи, полни со немир, го краселе совршено обликуваното лице.
Таа се вика Кадија. Тоа не е нејзиното вистинско име, бидејќи е "означена". Имено, била дел од женската бригада на ИСИС, од која неодамна побегнала, разочарана од нејзината бруталност.
Во интервјуто за
CNN, кое го дала во Турција, прв пат ја раскажала ситуацијата во која се нашла.
"Побегнав во нешто грозно" - Растејќи во Сирија, нејзиното семејство и овозможило да се образува. По дипломирањето на факултет, започнала да подучува деца во основно училиште. Своето семејство го опишува како не претерано конзервативно.
Кога пред повеќе од три и пол години започнал бунтот во Сирија, Кадија се приклучила на масите кои со мирно протестирање изразиле несогласување со одлуките на владата на претседателот Башар ал Асад.
"Во тоа време излегувавме надвор и демонстриравме, а службите за безбедност се обидуваа да не уапсат. Пишувавме пораки по ѕидовите, а потоа се пресоблекувавме за да не' не забележат. Тие денови беа убави", вели Кадија.
Но, сириското востание наскоро се претворило во хаос и насилство и почнало да ја губи својата душа и хуманост.
"Се' околу нас беше хаос. Слободна сириска војска, режим, бомби, штрајкови, ранети луѓе, болници, крв - сакате да побегнете од таму. Мојот проблем беше тоа што побегнав во нешто полошо", ја започнала Кадија својата приказна.
Постепено напредување - Кадија наеднаш се нашла во рацете на еден Тунижанец кого го запознала преку интернет. Понесена од неговите манири, девојката се' повеќе му верувала, а тој со време ја намамил во Исламската држава. Ја убедувал дека таа група не е тоа што луѓето го мислат, дека не е терористичка организација.
И велел дека таа група правилно ќе воведе ислам насекаде, но бидејќи моментално се во војна, мора да бидат остри и строги.
И кажал дека наскоро ќе пристигне во градот Рака, каде што ќе може да се венчаат.
"Стапив во контакт со една братучетка која ми кажа дека можам да се приклучам на бригадата Канса. Таа живееше во Рака со сопругот кој се бори на страната на Исламската држава", објаснила Кадија. А таа бригада е страшна, женска полиција на ИСИС.
Го убедила своето семејство сите заедно да се преселат во Рака, тврдејќи дека ќе им биде полесно да ги запишат помладите браќа и сестри во училиште и дека ќе имаат поддршка од роднините.
Со поддршката на својата братучетка, Кадија била примена во страшната Канса бригада.
Внатре во бригадата - Бригадата била составена до 25 до 30 жени кои имале за задача да патролираат на улиците на Рака и да се погрижат жените да бидат правилно облечени, по правилата на Исламската држава. Не смеело да има украси на облеката, и требало целото тело да биде сокриено. Жените не смееле да ги покажуваат своите очи. Доколку ги прекршеле правилата, биле камшикувани.
За нивното казнување одлучувала - жена. Нејзиното име било Ум Хамза. Кога Кадија ја видела прв пат, била преплашена.
"Таа не е нормална жена. Огромна е, има пушка, пиштол, камшик, нож, а носи и никаб", вели Кадија.
Една од припадничките на бригадата го почувствувала нејзиниот страв, па и пришла и ја изговорила реченицата која Кадија никогаш нема да ја заборави.
Таа и рекла: "Груби сме кон неверниците, но милосрдни сме кон своите".
Кадија била тренирана за чистење и склопување на оружје, како и за пукање од истото. Добивала плата од 200 долари месечно, а секој ден имала и готови оброци.
Нејзиното семејство почувствувало дека Кадија се оддалечува, но не можеле да направат ништо. Нејзината мајка се обидела да ја предупреди.
"Знаеше да ми каже: Разбуди се, грижи се за себе. Одите, а не знаете каде одите".
Почнала да се премислува - Заведена од моќта, Кадија не обрнувала внимание на зборовите на својата мајка. Но, со време, почнала да ја согледува ситуацијата, како и начелата на Исламската држава.
"На почетокот бев среќна со својата работа. Чувствував дека имам авторитет на улицата. Но, тогаш се исплашив од својата ситуација. Почнав да се плашам и од самата себе".
Почнала да размислува: "Јас не сум како нив. Имам диплома и образование. Не треба да бидам ваква. Што ми се случи и што ме доведе тука?".
И така, нејзината претстава за Исламската држава почнала да се руши.
Во памтење и останала сликата која ја видела на интернет: 16-годишно момче било распнато поради силување.
"Најлошото нешто што го видов беше едно обезглавување. Ја зедоа неговата глава и ја ставија во неговите раце", рекла таа.
Насилство над жените - Кадија била сведок и на насилството на ИСИС над жените. Нејзината бригада ја делела зградата со човек кој бил задолжен за браковите на борците на ИСИС.
"Тој беше најлош таму. Пронаоѓаше жени за домашни и странски борци. Странските борци се брутални со жените, дури и со тие со кои се женат. Имаше случаи кога жените беа водени во Итна помош поради сексуално насилство над нив", раскажува Кадија, која во тие сцени видела иднина каква што не посакувала.
Ја напуштила бригадата - Откако нејзината командантка почнала да и врши притисок дека треба да се омажи за некој борец, Кадија одлучила да ја напушти бригадата. Тоа го направила неколку денови пред воздушните напади на коалицијата. Нејзиното семејство останало во Сирија. Кадија побегнала преку турската граница.
Животот по ИСИС - Кадија се' уште носи никаб. И тоа не само за да го сокрие идентитетот, туку и поради полесно прилагодување на животот надвор од Исламската држава.
Тажна поради лошото искуство со радикалниот ислам, многу е внимателна за промените кои доаѓаат.
"Тоа мора да биде постепено, да не се претворам во некој друг. Се плашам да се претворам во некој друг. Се плашам да не ја отфрлам верата во целост", рекла таа.
Пред крајот на разговорот, зборувајќи за напуштањето на ИСИС, Кадија имала многу личен момент.
"Како им дозволивме да се појават? Како им овозможивме да завладеат? Тоа е резултат на слабоста во нас", изјавила оваа жена.
"Не сакам некој друг да биде измамен како мене. Многу девојки мислат дека тоа што ИСИС го прави е вистински ислам", завршила Кадија.
http://tocka.com.mk/1/139183/se-borela-vo-redovite-na-islamskata-drzava-i-pobegnala-kadija-otkriva-koj-e-najlos-covek-vo-organizacijata[DOUBLEPOST=1412803132][/DOUBLEPOST]
26-годишна девојка ќе оди на бесилка бидејќи го убила својот силувач
Иранката Реџане Џабари, која го убила мажот кој се обидел да ја силува, ќе биде обесена во среда ако до тогаш семејството на жртвата не и` прости, објави „Mehr News”.
26-годишната Џабари е осудена на смрт затоа што пред седум години го убила мажот кој се обидел да ја силува. Оттогаш е во затвор и се до сега сите нејзини жалби на пресудата биле отфрлени.
Џабари се бранела дека делувала во самоодбрана, но иранскиот Врховен суд ја потврди смртната пресуда. нејзиниот случај предизвика меѓународна осуда, а Соединетите Американски Држави и Европската Унија побараа поништување на пресудата.
На младата жена и` е одобрен десетдневен рок во кој треба да добие прошка од семејството на жртвата. Министерот за правосудство Мустафа Пур-Мохамади изјави дека се надева на добар резултат.
http://tocka.com.mk/1/139243/26-godisna-devojka-ke-odi-na-besilka-bidejki-go-ubila-svojot-siluvac[DOUBLEPOST=1412803164][/DOUBLEPOST]
Зошто жените од Западот се фрлаат во прегратка на џихадистите?
http://vecer.mk/svet/zoshto-zhenite-od-zapadot-se-frlaat-vo-pregratka-na-dzhihadistite[DOUBLEPOST=1412803260][/DOUBLEPOST]ЛИЦЕТО НА КУРДСКИОТ ОТПОР
Се убила со последниот куршум за да не им падне во раце на исламистите (ВИДЕО)
http://www.mkd.mk/svet/se-ubila-so-posledniot-kurshum-za-da-ne-im-padne-vo-race-na-islamistite-video
