Прошлата недела бев во Софија и извадив лична карта и пасош по експресна постапка. Во Германија влегов со македонскиот пасош и привремената Германска лична карта. Размислувањето ми беше следното: бидејќи може да извадиш лични документи и во бугарски конзулат во Германија, а со тие документи не си влегол во Германија, значи би бил во иста положба како сега, а и авионската карта ми беше повратна на македонскиот пасош. Сега закажав термин во емиграционото биро во областа каде ќе пријавам дека имам ЕУ државјанство и ќе ја вратам привремената лична карта.
За информација, веќе се издаваат новите биометриски бугарски лични карти од 17.06.2024 г. а старите ќе важат до истекот на рокот за важење, а најдоцна до 02.08.2031 г. Документи по експресна постапка не може да се подигнат истиот ден него наредниот, поради големи гужви и поради обрасците за новите лични карти, па затоа да си рачунате на преспивање во Софија или да дадете полномошно на некого со наведување на неговото име во барањето. За л.к. и пасош на бул. Кнегиња Марија Луиза бр.91 работат 6 шалтери (од 1-6). Ми беше побарано потврда за постојана адреса и ЕГН- оргинал, копија од указот, копија од посош, плаќање на истиот шалтер со картица на мое име, барањето го пополнува службеникот електронски и само ти го дава да дополниш и провериш и сликањето е на истиот шалтер. Не ми побара преведен и легализиран извод на родени (требало само за малолетни лица) и копија од пасош со датум на влез во БГ.
Целата постапка од поднесување на барањето за добивање на државјанство до вадењето на лични документи ја водев сам со татко ми без посредници. Затоа еден совет да го следите форумов каде ќе може да најдете многу корисни информации од луѓе кој го изоделе овој пат и да реагирате на време. На пример една од информациите која беше важна беше дека се праќа на дополнителна ради доставување на Потврда за сотруг/а и роднински врски. Откако го дознав тоа ја извадив потврдата од Средец и ја доставив до МП- БД иако бев на финална и не чекав да ме префрлат на дополнителна и да изгубам време.
Поздрав до сите и со среќа.