Ница е главното централно подрачје на Азурниот брег,место кадешто не можеш да останеш рамнодушен, град кој ќе те врати назад низ времето пред 400.000 години кога и почнала цивилизацијата во овој регион. Ница (Nicaeа) веројатно била основана околу 350 год. пр.н.е. од страна на Грците од Марсеј, и била наречена “Nikaia” во чест на грчката божица на победата NIKA. Помеѓу туристите Ница е втор француски град по популарност покрај Париз,а во градот се наоѓаат повеќе шопинг центри како: Nice Star, Nice TNL, Nice Lingostière, Northern Forum, St-Isidore, Trinity, и Cape 3000 со Saint-Laurent-du-Var.
Во Ница е прекрасно да пливате во тиркизното чисто море и да се сончате, да уживате во прошетките на шеталиштето покрај брегот, а во вечерните часови заедно со гитари и песни, да уживаме во звезденото небо над Ница.
Кан е град на Jet-set, на филмската и музичка елита, на грациозноста и престижот. Секако во Кан се наоѓа филмската палата кадешто секоја година како гости може да се забележат Роберт де Ниро, Квентин Тарантино, Емир Кустурица, Памела Андерсон, Jay-Z & Beyonce итн. Најчесто тие отседнуваат во многуте елитни хотели или на нивните јахти. Во Кан истотака се одржува и најголемиот музички светски саем за музика.
Монакo е кнежество во Југозападна Европа. Монако претставува т.н. град-држава, кој се наоѓа на Средоземното море и граничи со Франција и Италија. Кнежество Монако е втората најмала држава во светот по Ватикан.Монако е позната по ниските даноци, па така богати странци сочинуваат околу 84% од населението. Често Монако се именува како Лас Вегас на Европа.Секоја година Монако привлекува голем број туристи поради казината и пријатната клима, но сепак на самите Монегасци не им е дозволено да се коцкаат.
