Бојан, таков како што е дефиниран овој испит во Македонија, го нема никаде. НО, никој од новинарите не погледна мааааааааааааааааааааалку пошироко за завршните испити во другите држави. Не е доволно да погледнеш дали има таква луда идеја за реално шоу во другите држави. Треба да погледнеш конкретно за завршните испити на наставните програми.
Да ми простиш, ама таква анализа никој не направи, ниту ја презентира. А за такво нешто трубам јас од вториот или третиот пост во оваа тема.
Ако направеа такво нешто, ќе го спомнеа Диплом принципот во земјите на германското говорно подрачје, за испити на половина и на крај. Исто ќе прочитаа дека 86% од наставните програми во Германија се во согласност на Болоњскиот процес (цитат директно од веб страницата на Федералното Министерство за Образование и Наука), и директно ќе го демантираа Премиерот кој со полна уста тврди дека Германија се откажува од Болоња.
А ова е само еден пример.
Инаку, алтернативниот предлог не треба да се смета како конкретна соработка со извршната власт. Едноставно, постои црно на бело дека има алтернатива на оваа предложена лудост. И како таква алтернатива постои и е понудена. Медиумската лавина на самоцитати ќе ја направеше популарна од една страна. Од друга страна, ако самите студенти креираа онлајн медиуми на отпорот на таква лудост, ефектот ќе беше многу поголем.
Се што сакам да кажам цело време, е додека се протестира против налудничавите идеи, има алтернативни конкретни чекори и предлози во паралела прифатливи од студентите, со поддршка од професорите. И не, предлогот за анализа, не е алтернатива. Затоа што не решава проблем, а само го одолговлекува. Како таков, не е интересен за јавноста, затоа што не е доволно бомбастичен.
